(Jonás) 1:16 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁶ Nunik mijakmatai, lanchanum takau aidau chichainak: “Tuke Pujuuk dekas senchigtinai iman asamtai, yamai nagkamsaik dekas Apajuí tuke umigkagmi”, tiajui. Nuna tusag kuntinun maa apeenak Apajuín emematiajui.

(Jonás) 1:16 Iomraidhean Croise

(Génesis) 28:20

Nunú nugkanum Jacob nii umiktinjin juna aatus tiuwai: “Apajuí mina uyuuntakug, wi yamai wetatag duwish nigki kuitamjak, wi yuwatnunash sujus, wi nugkumainnashkam sujustatui.

(Génesis) 8:20

Noé arcanmaya jiinki kuntin patasa apeaku Apajuí ememattinun kaya ekenag najanauwai. Dutika kuntin aidaun, chigki aidaujai Apajuí diisam pegkeg aidaun yajuak nuna nejen ashí apeak Apajuín emematiuwai.

(2 Reyes) 5:17

Dutika dakitjamtai Naamán Eliseon chichajak: “Wi amina amastag taig ame dakitau asamin, untsu wi amina segajame. Juju Israel aents aidaun nugkega juna tai aimkan, jimag burro entsamainun nugkan jukitjai. Dutikan mina nugkajui ejegan Apajuí emematku kuntin maa patasa apetain najanatjai. Wagki wika yamai nagkamsanuk tikich apajuímtai aina nunak kuntinu maan nuna nejen ashí apeaknuk emematchattajai, ima Tuke Pujuu ame emematam nunak ememattatjai.

(Salmos) 107:22

Apajuí yaimpakua nunú anentaimtusjum, see takujum kuntin maa apeatajum, dutikakjum nii dutikamuji pachisjum shiig aneasjum senchi untsumkajum etsegkatajum.

(Salmos) 116:14

Wi umiktajai tusan Tuke Pujuun tiuwaitag nunak, yamai ashí niina aentsji aidau wainainamunum umiktatjai.

(Daniel) 6:26

nuniakun ashí wi inamag nuwi batsamin aidauk Daniela Apajuíjiya nuna ememattinme tajai. “Apajuíyai pujutan sukagtina duka, niig tuke pujuuwai. Nii inabaujiya duka makichkish megkaekashtinai, tuja niina senchijishkam nagkankashtinai.

(Jonás) 1:10

Tusa tutai, daseshkam aan senchi dasentak nuni senchi ishamain wajau asamtai, senchi ishamaidau asag chichajuinak: “Juka amek pegkegchau aní wekaeme. ¿Dase mijaakti tusaish iish amesh utugmainaitji?” tuidau.

(Jonás) 1:14

Nunidau asag Apajuín segainak: “Tuke Pujuuwah, juju aentsua juna tudaujin jinaati tusamek idaikagtusaipa. Nii jamainnumak ii aidautik waitbaitsuji. Juka ame diisam jutikame”, tuidau

(Evangelio según San Marcos) 4:31

Duka mostaza jigkayí nugká ajatiama nuninai. Ashí nugkanmaya jigkai ajakmatai aina nuna nagkaesau shiig piipichi,

(Los Hechos de los Apóstoles) 5:11

Nunikmatai, ashí iglesia aidauk nuigtú ashí nuna dekawaju aidaushkam senchi ishamkajui.