(Joel) 3:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ Dutikakun, atumi uchijum aidaun, nawanjum aidaujaí, Judá wegantu aidaunum sujutjattajime. Dutika ai dita yajuakag Sabá aents aidaunum sujujagtinai. Witjai Tuke Pujuunuk, nunak dekas uminkatnun tajai.

(Joel) 3:8 Iomraidhean Croise

(Job) 1:15

Nuniamunum pachiachbau arabianmaya sabeo aents aidau kaunawag, ashí juju tagku aidaun kasamak yajumainak, mina kumpag aidaun kuchiyai ijuag kajegmae. Dutikainakui ima wiki tupikakin uwemjan taajai amina ujaktasan”, tau.

(Salmos) 72:10

¡Nuninak Tarsis nugkan apuji aidau, ajuntai aidaunum batsamnun apuji aidau, Sabá nugkan apuji aidau, nuigtu Sebá nugkan apuji aidau aatus waji aidaun ikautiagtinai!

(Isaías) 60:14

Yaunchuk atumin waitkagmajaku aina nuna uchiji aidauk atumin inake waigtatui, tuja atumin yaunchuk dakitjamajaku aidauk atumin tikishmatjamag, Jerusalégkan chichajuinak: “Tuke Pujuu, Israel aents aidaun Apajuíji pegkegma nuna yaaktajiyai”, wajagtinai.

(Jeremías) 6:20

¿Wagka Sabá nugkanmaya kugkuin incienso jukigmesh itagtuaugme? ¿Wagka tikich nugka atushtanmaya kugkuin jukigmesh itagtuaugme? Atum anentag itaamu aidau, tuja mina emematjaku kuntin maa nuna neje ashí apeajum duka minak shiig awajtatsui.”

(Deuteronomio) 32:30

Atumesh anentaimsagmesh diyagmek, ¿atumi shiwaajum aina nuwiya suntag ima makichkitak mil suntag Israel aents aidaun ipisig ishiakua dusha? ¿Tuja atumi shiwaajum jimagchik suntajaitak, diez mil suntag Israel aents aidaun ipisjauwa dusha? Nunak Tuke Pujuu atumi kuitamjamna nunú, shiwag aidau depetuk amuktinme tusa tiu asamtai dutijamau ainawai”, tiuwai.

(Jueces) 2:14

Nuadui Tuke Pujuu Israel aents aidaun kajejuk dita wajiji aidaun shiwag aidau kasajug yajutkatnume tusa idaisauwai. Nuigtushkam Israel aents aidau batsatbaunum nuna yantamen ditá shiwaaji aidau batsata nunú jetekag depetuk amuktinme tusa idaisauwai. Nuadui Israel aents aidauk ayamjumamainchau wajasui.

(Jueces) 4:2

Nuniagtai Jabín canaágnumia aents aidaun apuji, yaakat Hasornum inamajakua nunú, Israel aents aidaun depetuk amuktinme tusa Tuke Pujuu idaisauwai. Jabígkan suntaji aidaun apuji aajakui Sísara. Duka Haróset-goím tutainum pujujakui.

(Jueces) 4:9

Tutai Débora ayaak: “Wika amejai wetatjai. Wagki Tuke Pujuu Sísaranak nuwa maati titatui. Nuadui juju maaniamunum ame nagkamatin akumesh Barac maania depetmake, tamak achattame”, tiuwai. Nuna tusa Baracjai yaakat Quedesnum weuwai.