(Joel) 3:2 - Awajún: Apajuí chichame pegkejam Porciones del Antiguo Testamento y el Nuevo Testamento

^2-3 Untsu aents tikich nugkanmaya aidaunak Josafat nugka pakajin ashí ijumjatnaitjai, dutika ijumjan, dita mina aentsug Israel aents aidaun achija yajuakag tikich nugkanum dapampaak emegkajag, dita nugke aidaunashkam atanjag, dita uchiji, nawanji aidaunash kuichkin juwinak, tikich nugkanum sujujag nunú kuichkia duwi vinon sumak umuinak nampenak, nuigtushkam nunú kuichkia duik nuwa akika dutiktai aidaun yujaju asagmatai, suwimkan susagtinaitjai.

(Joel) 3:2 Iomraidhean Croise

(Ezequiel) 34:6

Uwig aidauk ashí muja aidaunum tuja nain aidaunum pisaje, nuninak ashí nugkan pampamtuk megkaejae, nunik megkaejamtaish, nuna egaka awakjatatus puyatjauk makichkish atsawai.

(Joel) 3:14

Tuke Pujuu taatin tsawan uminu asamtai, Josafat nugkanum aents aidau shiig kuashat ijunjaje.

(Amós) 1:11

Tuja junashkam Tuke Pujuu chichaak: “Edom aents aidauk, ayatak pegkegchauk ainawai. Iman asagmatai, makichkish tsagkujachagtatjai. Wagki ditak dita yachi Israel aents aidaun tuke kajejin asag, dita kajetin umiinak pempeentukiag ai aintuinakua, makichkish wait anentsuk puyajai ijinawaju ainawai.

(Miqueas) 4:12

Tujash nunú aents aidauk Apajuísh wajinak dutikatag tawa nunak shiig dekainatsui, Apajuí ditanak trigo tsupija ijumja jigkatiama numamtuk awajkatta nuna ditak dekainachu asa tuu yujawai.

(Apocalipsis) 11:18

Nuniau asamin ashí nugkanmaya aidauk kajekaje, tujash ame kajeamugmik nagkamnae, nuigtú jakau aidau suwimak susattam dushakam tsawantak jegae, nuigtú amina inakem profeta aidau, aentsjum pegkejam aidau, amina umigtamin aidau, eme anenchatai, eme anentai aidau, akiktinaitam dushakam nuigtú nugkan emesena nu tsaiktinchakam jegae, wajagmayi.

(Apocalipsis) 16:14

duka wakan iwanchdau ainawai, nunin asag aentsush dutikmainchaun iwainag takainak, ashí nugkanmaya rey aina nuna yujajiagtinai ijumjatatus, Apajuí ashí senchigtina nu, suwimak sukagtamu tsawan jegakui maaniami tusag.

(Apocalipsis) 16:16

Dutika rey aidaunak ijumjabi hebreo chichamai nugka Armagedón tutaya nui.

(Apocalipsis) 16:6

wagki ditak amina aentsjum pegkejam aidaun, nuigtú profetajum aidaunash mainak numpen ukajaju asagmatai, ameshkam dutiksamek numpa amame. ¡Dekaskenum ditak aatsa aikam amain ainawai!”

(Apocalipsis) 20:8

dutikam jiinki ashí nugkanmaya aidaun tsanuagtinai, Gog Magog aina nuiyan, maaniatnun ijumjatatus; nunú aidauk nayantsa kaamatkaji dekapamainchauwa ibau atinuyi.