(Joel) 3:18 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁸ Apajuí shiwag aidaun suwimkan susa ijinamtai nagkamas, shiig kuashat uva ayau asamtai, vino najanamu aidauk shiig kuashat aittawai, tuja baka aidaushkam shiig kuashat ayau asamtai, nuna muntsuji ijugbauk shiig kuashat mujanmaya yumi betsaka akagama iman atinai. Judá wegantu aidaun nugkenig yumi shiig kuashat aitnai. Mina jegajuiya yumi pukuni jiinki Sitim nugka pakajin ashí ukattinai.

(Joel) 3:18 Iomraidhean Croise

(Salmos) 46:4

Namakak nii tsegkeakbaujijai Apajuí yaaktajin aents batsatun shiig anemtikui, nunú yaaktak dekas tikich yaakat aidaun nagkaesau shiig pegkegmai, Apajuí pujutai asa.

(Éxodo) 3:8

Nuadui egiptunmaya aents aidau waitkaina nuna uwemtikatasan juwi taajai. Wi ditanak jiija yajuakan nugka múun pegkeg ajak shiig tsapau, tagkush shiig muumpau, yumi aidaush ayaunum ejegawagtatjai. Nunú nugka duka Canaán aents, hitita aents, amorreo aents, ferezeo aents, heveo aents, Jebús aents aidaun batsamtai ainawai.

(Isaías) 35:6

tuja aents shutuu aidaush japajai betek tsekeniagtatui, nuninai chichachu aidaushkam chichainak shiig aneasag untsumiagtinai. Nuninai uwegshunmashkam shiig kuashat yumi pukuni jiiniagtinai.

(Isaías) 44:3

Uwegshunmak yumi kuashat ayau awajsattajai, tuja nugka buku aina nuwishkam entsa kuashat aittawai. Ame wegantu aidaunak mina Wakanjun susagtinaitjai, dutikakun kuashat pegkegnum yaigtinaitjai.

(Isaías) 45:8

“Ashí nugkanmaya aidauk ima pegkeg takat aina nunak takagtatui, duka Tuke Pujuu jegashik nayaimpinmayan akakea numamtuk atatui. Aatus aents aidau pegkejan takainak uwemtan jukiagtinai.”

(Isaías) 55:1

Apajuí chichaak: “Aents kitamauk minai taa uwagti. Kuichik atsugbau aidauk minai kaunawag trigo, vino, leche aidaun akikmatsuk yuwatnume.

(Jeremías) 31:12

Dutika Apajuí yaigbau asag, Israel aents aidauk Jerusalén kaunawag shiig aneenak kantamiagtinai. Untsu Tuke Pujuu ditan yayaak: Trigo, vino, aceite, uwig aidau, baka aidau susamun nuna maawag shiig aneas yuwawagtinai. Tuja ditak ajak ajakbau yumi ukattai asa, pegkegchiama iman agtinai. Ditak atakesh depeteamak achagtinai.

(Miqueas) 6:5

Mina aentsug aidauwah, Moab nugkan apuji Balac atumin pegkegchaunum yumigtamjatag tuyi, tujash Balaam mina daajui atumin pegkegnum yumigtamjabia nunú adeagtajum. Tuja nuigtushkam Sitim nugkanum juwaki, Guilgal shimamunmash waji utugchat igkugkabiugme nunú kajimattsuk aneaku atajum. Nuniakjum, dekas Tuke Pujuuwap yaimpakuita titajum”, tiuwai.