(Joel) 3:17 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁷ Tuja Tuke Pujuu niina aentsji aidaun chichajak: “Atumek nunú tsawan uminkui, mina pachittsajum dekas iina Apajuíjiyapi tujuttinaitjume. Wika muja Sión wi etegkamua nuwi pujajai. Jerusalégkak pegkejam mina aneetaijui, nuadui shiwag tikich nugkanmaya aidauk ataktu utuawajag makichkish dajagchagtinai.

(Joel) 3:17 Iomraidhean Croise

(Éxodo) 16:12

“Israel aents aidau chichaman pataina nuna antukjai. Nuadui juju aajam dita aidau ujakta: ‘Ajum agkuantai neje yuwattagme. Untsu kashikmasjum pag shiig kuashat yuwattagme tujamui. Aatus dekawagtatui wi Apajuí Tuke Pujuu tutayaitag nuna’ tawai”, tiuwai.

(Isaías) 11:9

Nunú tsawantinig Tuke Pujuu mujanum puja nuig pegkegchau awajkagtumainuk makichkish atsutnai, wagki yumi nayantsanum pima numamtuk, Tuke Pujuu imanjinak ashí nugkanum dekawagtin ainawai.

(Isaías) 35:8

Nuwi atinai makichik jinta. Nuna daajig: “Jinta pegkejam” tutai atinai. Aents pegkeechu aidauk nunú jintanmak wechagtin ainawai; tuja aents anentainkachu aidauk nunú jintanmak yujaschagtin ainawai.

(Isaías) 46:13

Wi atumnak wamak agkanmitkattajime, nunak shiig wamak dutikattajai. Tuja Jerusalégnum aents aidau batsata nunak wi ayamjukan agkanmitkattajai. Mina imanjua duka Israel aents aidaunum atatui”, tiuwai Apajuí.

(Isaías) 52:1

Jerusalégnumia aidautijum aneaku niimkau pujustajum, Jerusalén yaakat pegkegma nuwi batsatutigmek wajiu wajastajum, nuniakjum shiig iwagmamkatajum, wagki Apajuín umigchau aents pegkegchau aina duka ataktu awagkig atumnak jetepakchagtatui.

(Jeremías) 31:23

Tuke Pujuu, Israel aents aidaun Apajuíji ashí senchigtina nunú kajanum chichagtak: “Judá wegantu aidau shiwaja nugken batsata nuna awakjan Jerusalén ikaunmattajai. Dutika ai dita nugken, dita yaaktajin batsamas ataktu chichainak: ‘¡Jerusalégkah, amek Tuke Pujuu pegkegnum yumigsamu ata! ¡Jerusalégnum dekas shiig takamu awai!’ tiagtinai.

(Jeremías) 31:40

Tuja aents jakau aidau ukutai, yuku aidau utsautai wake aina duka ashí midau atatui. Tuja nuigtushkam nugka agkan takaschamu entsa Cedrón tutaya aatus nagkamas, caballo waitai tutai etsa minitaiya nuni awa imanui nagkatkauwa duka ashí midau atatui. ¡Atakea duish Jerusalégkak ataktu awagki tsayamak achatnai!” tiuwai.

(Ezequiel) 37:6

Dutikan yaapen, nejen, duwapen batsatkan mayain egketjagtatjime, anean iwaku pujustinme tusan. Dutika ai, dekas Tuke Pujuuwap aikae tujuttatjume’ tita”, tujutmayi.

(Daniel) 9:16

Apuh, ame wait anenkagtinaitam duka shiig dekaji. Tuja Jerusalén amina yaaktagmia duka wait aneasam ame kajeku akumesh tsagkujata, wagki ashí aents amina umigtamchau tikich nugkanmaya aidau iina pegkegchaujin, tuja iina apachji aajakajua nuna pegkegchaujinishkam Jerusalégkan tsaikajua nuna diisag amina aentsjum aidautinashkam dushiktamainawai.

(Joel) 3:21

Untsu Judá wegantu aidau nugkeg agkan bashiakag asashtinai, Jerusalégchakam agkantak aents atsauk achatnai. Tuja wika Jerusalégnum muja Sión wi etegkamua nuwi pujuttajai”, tawai.

(Apocalipsis) 21:27

Nunú yaaktanmag aents pegkegchau tsumain aina nuna takau aidauk, wait aina dushakam wayachagtinai. Uwijá papiijin pujutan jukiu agattaiya nui daaji agatkamu aina duke wayawagtinai.