(Joel) 2:32 - Awajún: Apajuí chichame pegkejam Porciones del Antiguo Testamento y el Nuevo Testamento

³² Imanitaish ima Tuke Pujuunak kajitus umijuinak segaidauk uwemjagtinai. Tuke Pujuu anagkagtuauwa duka imanisag muja Sión yaakat Jerusalégnum uwemtak atinai, Apajuí etejamu aidauk jatsuk uwemjagtinai”, tawai.

(Joel) 2:32 Iomraidhean Croise

(Génesis) 4:26

Setchakam makichik uchin akia adaikauwai Enós. Duwi nagkamas aents aidauk Apajuín emematuinak niina daajin adaitus segajaku ainawai.

(Isaías) 46:13

Wi atumnak wamak agkanmitkattajime, nunak shiig wamak dutikattajai. Tuja Jerusalégnum aents aidau batsata nunak wi ayamjukan agkanmitkattajai. Mina imanjua duka Israel aents aidaunum atatui”, tiuwai Apajuí.

(Jeremías) 31:7

Tuke Pujuu chichaak: “Israel aents aidau pachisjum, shiig aneasjum kantamatajum, atum ainagme tikich nugka múun aina nuna nagkaesau eme anentsa diitai aidautijum. Nuadui senchi kantamkujum: ‘¡Tuke Pujuu niina aentsji aidau ujumak iwaku juwaku aina nuna ayamjuk uwemtikjati!’ titajum.

(Amós) 9:8

Juju Israel nugkanmaya aidau pegkegchau aina nuna Tuke Pujuu diisa chichaak: “Au aents aidaunak ashí ijinan emegkaktatjai, dutikaknush Jacob wegantunak ashí ijintsuk ayamjukan uwemtijattajai. Witjai Tuke Pujuunuk, nunak dekas dutikattajai.

(Miqueas) 5:3

Tuja Tuke Pujuuk nuwa uchin uchigmaktin ejapjuk puja nunú uchigmakmatai, niina aentsji aidaunak ataktu yaigtin asa, yamai nagkamas ima ditanak idaiwai. Nunú uchi akiinamtai, tikich Israel aents aidau shiwag amuam iwaku juwaku aidau dita patayi aidaujai ijunjagtinai.

(Evangelio según San Juan) 10:16

Nuigtush tikich uwig aidaush ajutuinawai ju pegjamua juiyachu; nunú aidaunashkam yajuakan ikaunmattajai, dutika ai makichkinmag ijunag batsamas mina chichamjun antugtiagtatui, nuigtú pastorchakam makichik atatui.

(Evangelio según San Juan) 4:22

Atumek dekachiatkujum emematjume; tujash jutiik ya emematji duka dekainaji, wagki uwemtikagtinuk judionmaya minitin asamtai.

(Los Hechos de los Apóstoles) 15:17

dutikam tikich aents aidaush Apú egaktinme, nuigtú ashí judiochu aidau mina daag pachisa ujakbau aina dushakam.

(Los Hechos de los Apóstoles) 2:39

Wagki Apajuí anagkagtuamua duka atumdau ainawai, atumi uchijum aina nudau, nuigtú ashí atushat batsataina dushakam; ya aidauna Apu Apajuí untsuktatus wakegawa nudau ainawai.

(Carta de San Pablo a los Romanos) 11:26

Nu nunikmatai ashí Israel aidaunak Apajuí uwemtijatnai agagbaunum tawa dutiksag, duka: “Agkanmitkagtinuk Sión yaaktanum taa, Jacopa uchijí weantu aidau pegkegchaujinak utsankatnai”.

(Carta de San Pablo a los Romanos) 11:5

Yamaishkam nunisag ujumak Israel weantu aidau Apajuí wait anenjamag etegjamu aidauti juwakji.

(Carta de San Pablo a los Romanos) 11:7

Nunin asamtaish ¿wajintu anentaimtumainaitji? Israel aidautik egakuitag nuig jeganchau ainaji; tujash ujumak Israel weantu aidauti Apajuí wait anenjamag etegjamu aidautik, uwemtak jukiu ainaji. Nuniajin tikich aidauk utujimag juwakajui.

(Carta de San Pablo a los Romanos) 9:24

Dutikamu aina nuiyag jutii ainaji. Tujash imá judiotikek ainatsji, atum judiochu aidautigmesh ainagme.

(Carta de San Pablo a los Romanos) 9:27

Nuigtushkam Isaías Israel aidaun pachis: “Israelan uchijí weantu aidauti shiig kuashat nayantsa kaamatkajiya ibau ainakuishkam, ayatak wajumketi ayamjuka uwemtikjamu agtinaitji,

(Primera carta de San Pablo a los Corintios) 1:2

atum iglesia Apajuinu aidautijum yaakat Corinto batsatutijum Cristo Jesús pegkeemtiki mina aentsug pegkejam atinme tusa, ashí tikich nugkanmaya aidau Jesucristo daajin adaiyina nujai etegtamjau asa ditá Apuji iina Apujiya nunú,

(Carta a los Hebreos) 12:22

Tujash atumek muja Sión Apajuí tuke pujuuwa nuna yaaktaji nayaimpinmaya Jerusalegka nu adijkaugme, nuig nayaimpinmaya aents aidau shiig kuashat Apajuin emematuinak ijunag ainawai,