(Joel) 2:26 - Awajún: Apajuí chichame pegkejam Porciones del Antiguo Testamento y el Nuevo Testamento

^26-27 Atumek shiig yuwajum pujusjum Apajuí ememattinaitjume, wagki nii atumin ayamjutpak wainchatai ishamain aidaun kuashat iwainajui. Nuadui niina aentsji aidauk wainka inatsamak yujashtinai. “Witjai Israel aents aidaun Apajuíjinuk, wika mina aentsug aidaujai pujajai. Nuadui ima wiki dita Apajuíjig atinaitjai.

(Joel) 2:26 Iomraidhean Croise

(Génesis) 33:11

Nuniau asamtai, wait aneasam wi ikautuajam juka jukita, Apajuí minak yaintsamtai wiakuch wajasjai, nuadui makichik atsumamukesh atsugtawai”, tiuwai. Tusa imatjam Esaúshkam ayu tusa jukiuwai.

(Nehemías) 9:25

Nuigtushkam yaakat peejamu aidaun, nugka pegkeg ajak tsapau aidaun, jeganum waji pegkeg piyaku aidaun, yumi taimu aidaun, uva ajakmakbau aidaun, olivo ajakbau aidaun, aatus nuigtu tikich ajak jigkayi yujutai aidaun, shiig kuashat yajuakajui. Dutikawag nuna shiig yuwawag duwekajui. Aatus ame wait anenja kuitabau asag shiig batsamsajui.

(Salmos) 103:5

Niig ashí pegkeg aina nuna sujawai. Tuja wi múuntuch wajasan pujaish, nii minak ataktu senchimtijua ukukui yakí nanamama iman etawai.

(Salmos) 116:7

¡Yamaik shiig aneasan pujumainaitjai, Tuke Pujuu pegkeg etiu asamtai!

(Salmos) 22:26

Ujunauch aidautigmek yutai yuwajum shiig ejemagtajum. Tuja Apajuí wainkatasa egautigmek nii ememattajum, nuniakjum kuashat mijan pujustajum.

(Salmos) 37:19

Tsawan waitiamu jegataish, ditak waittsachagtinai, tuja nujan tepeamtaish, dita yuwatnuk kuashat ajiagtinai.

(Salmos) 72:18

Tuke Pujuu, Israel aents aidaun Apajuíjiya duka tuke pegkegnum chichagtai ati, wagki ima nigki wainchatai aidaunash iwaidau asamtai.

(Isaías) 45:17

Tuja Israel aents aina nunak Tuke Pujuu tuke batsamsatnun uwemtijatnai. Nuadui ditak wainka inaku waitkatai, dushiktaig achagtinai.”

(Isaías) 49:23

Tuja atumek apu aina nunú apajimattagme, untsu apu nawanji aidauk atumi nawanjuchijum aidaun kuitamin agtatui. Nuninak atumin tikishmatjamjag dawem bika wajasun dukatjamiagtinai. Nuninakui anentaimsajum, dekas Tuke Pujuuk pujawapi titatjume. Tuja mina dekaskeapi tujutuidauk tsanuamak achagtinai.

(Isaías) 54:4

Ishamkagtukaipa, wainka pegkegchau chichagmak achatnaitme, dushikiamash achattame. Datsa asam uchijum atsau asamtai, dushikiam wekaeyum duka kajimatkita. Ame wajemea pujamin dushiktamainakui, datsaamin ayum duka yamaik nunikchattame.

(Isaías) 55:2

Waittsa takasa kuichik jukimua duka yutai sumaka yuwa yapajamu megkaekashtinaitkuik, wainka akikmakaik ajapmaitsui. Wi tajam nunú antukam yutai pegkeg yuwatnaitme.

(Zacarías) 9:15

Tuke Pujuu ashí senchigtina nunú niina aentsji aidaunak kuitamkatnai, dutikamu asag dita shiwaaji aidaunak depetuk najakag ashí amukagtinai. Aatus depetmakaju asag, shiig aneenak altar ukatkatasa numpa tsapanum aimka jutaya imatika aimak vinon umuinak nampejag shiig aneenak pampainiagtinai.

(Zacarías) 9:17

¡Yajauwajah, nuwauch aidau, uchi datsauch aidau shiig yuwawag senchigtin shiig aneas dakunkut juju nugkanum batsatbau!

(Carta de San Pablo a los Romanos) 10:11

Aikasag Apajuí chichame agagbauwa nuwi: “Ashí aents niiní dekaskeapi tauk makichkish wainkag juwakchatnai”, tawai.

(Carta de San Pablo a los Romanos) 5:5

Nunú dakainaku pujuidautik idatsamak achatnaitji, wagki Wakaní Pegkejiya nu iina anentain pujau asa Apajuí niina anenkajin amasua nuna dekamtijamkui tikich aidaujaish pempentunisaik anenidau asaja.

(Carta de San Pablo a los Romanos) 9:33

Nuna pachis Apajuí chichame agagbauwa nui: “Wi Siognum apusattajai makichik kaya muuntan. Nunú kaya nunak kuashat aents tukumak iyajagtinai. Tujash niiní dekaskeapi tauk, makichkish wainkag juwakchatnai”, tawai.

(Deuteronomio) 12:12

Nunú umiakjum Tuke Pujuu atumi Apajuígmia nuna emtin atumi uchijum aidaujai, inakem aidaujai, Leví wegantu aidau nugkenchau atumjai batsata nujai ijunjajum shiig aneakjum dakujustajum.

(Deuteronomio) 12:18

Untsu Tuke Pujuu atumi Apajuíjum nugka etegkatta nuwi niina emtin atumi uchijum aidaujai, inakem aidaujai, Leví wegantu atumjai batsata nujai aatus ijunjajum nunú yuwattajume. Tuja Apajuí yaimpasmatai atumi ajakjum aidaush, tagkujum aidaush kuashat kawegku asamtai, shiig aneasjum dakujustajum.

(Deuteronomio) 12:7

“Nunika nuwi jegajum Tuke Pujuu atumi Apajuígmi emtin yutai yuwattagme. Tuja Tuke Pujuu atumi Apajuíjum yaimpasmatai atumi ajakjum aidaush, tagkujum aidaush kuashat kawegku asamtai, nunú yuwakjum pataim aidaujai ijunjajum shiig aneastinaitjume.

(Deuteronomio) 8:10

Tuja yutai yuwajum ejemagjum shiig aneasa pujakjumek, Tuke Pujuu atumi Apajuíjum kajimattsuk see titajum, nii nugka pegkejan amasu asamtai.”

(Primera carta de San Pablo a Timoteo) 6:17

Wiyakuch ju nugkanmaya aina dushakam ememachu atajum tita, ni wajiiji aina nuiyanak dakasaigka, wagki nu wiyakchameuta duka dekaskechui, Apajuí ashí wají aidaun shiig aneas pujustinme tusa kuashat sukagtina nui kajinas anentaimsatnume.

(Primera carta de San Juan) 2:28

Uchuchig aidauh yamaik niinig ijutkau atajum, ni minakuish, kajintsá datsamtsuk puyatkas igkugtag tabaunum.