(Joel) 2:17 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁷ Sacerdote aidaushkam kaunatnume, nunikag altarnum jeganta wajasag buutuinak aatus Apajuín segatnume: “¡Tuke Pujuuwah, amina aentsjum aidau tsagkujata, makichik aentskesh ditan dushijati tusamek idaisaipa! ¡Tuja tikich aents aidau depetkatnume tusamesh idaisaipa! Aents tudau aidau tuke aneasag inimpainak: ‘¿Atumi Apajuíjish wajukame?’ tusag dushiki batsamtinme tusamek idaisaipa”, tiuwai.

(Joel) 2:17 Iomraidhean Croise

(1 Reyes) 6:3

Tuja jega jegamku ajigbau waitinum jegantatak aajakua nuna esantig, jega wegkantijai betek nueve dekapamu aajakui, untsu wegkantig cuatro dekapamu, nuigtu jimaituk aajakui.

(1 Reyes) 9:7

wi Israel aents aidaun nugka susauwaitag nuwi batsatjum nunak utsagtinaitjai. Tuja juju jega juna wi pujustinun etegkag nunashkam idaisattajai. Dutika ai tikich aents aidau Israel aents aidaunak dushikiagtinai.

(Nehemías) 9:36

¡Diista nijah, ame iina muunji aidau nugka susauwaitme ajakmawag yuwatnume, nuninak wajigtin atinme tusam! ¡Nunú nugkanum batsamsa iina pegkegchaujin yamaikish wainka inaku waitkatai batsatji!

(Salmos) 115:2

Wagkag aents pegkegchau aidaush jutiin chichagtamainakush ¿tuwi pujawa atumi Apajuígmesh, tusash tujamiajainta?

(Salmos) 42:10

Mina shiwag aidau dushiktuinak: “¿Amina Apajuígmesha?” tusa aju ajumag inintuinawai. Imatjutiagtai mina ukunchig najautuinawai.

(Salmos) 42:11

Tuja ¿wagkanuk wisha mijaktaja? Wi puyatjumainuk atsawai. Apajuí uwemtikagtina nuwig kajintsan anentaimtatjai, nuniakun ima niinak ememattatjai. ¡Niyai mina Apajuíg uwemtijinuk!

(Salmos) 42:3

Nuadui tsawaish, tuja kashish buutú pujajai, nuniai aents aidau inintuinak: “¿Amina Apajuígmesha?” tujutuinawai.

(Salmos) 42:4

Nuwi anentaimkunuk wake besemag dekapeajai. Wi yaunchuk aents aidaun yajuakan Apajuí jee pegkegma nuwi emai, shiig aneasag Apajuín emematuinak untsumki shimuyanum nuna anentaimjai. ¡Yajauwajah ijunja Apajuí emematbau!

(Salmos) 89:41

Ashí aents nuni nagkaemaidauk wayawag dita wakegamun kasamainawai, tuja aents dita nugkega nuna yantamen batsamin aidau dushikinawai.

(Salmos) 89:51

Tuke Pujuuwah, amina shiwaajum aidau ¡aatus iina pegkegchaun chichagtamainawai! ¡Aatus ame apu etegkamua nuna aju ajumag pegkegchaun chichajuinawai!

(Éxodo) 34:9

aatus tiuwai: “¡Tuke Pujuuwah, dekaskenum mina anenkumek uyunkagtusta! Iik dekas antakchau ainaji, tujash tsagkugkagtujam amina aentsjum ekagtita”, tiuwai.

(Joel) 1:13

Vino, trigo, cebada aina duka atsau asamtai, aents aidauk Apajuínak anentag ejetuinatsui. Nuadui Apajuí emematku ijuntainmak makichkish atsawai. Nunú diisjum atum sacerdote Apajuí altarjin takau aidautigmek wake besemag pujaku nugkutai jáanch nugkugjum kashi buu buutkawajum tsawaitajum.

(Joel) 1:9

Tuja Apajuí anentag suwaku vino, trigo, cebada ejemainuk atsutai, jega Apajuí emematku ijuntainmag ejegainachu asamtai, sacerdote aidaushkam buutuinawai.

(Amós) 7:2

Nunú ajak aidaun manchi kaketuk dupajai nagkamas ashí amuakui, Tuke Pujuun segaakun: “¡Tuke Pujuuwah, wait aneasam tsagkugkagtugta! Amina aentsjum Jacob wegantu aidau kuashtachua dusha manchi ajakji amutkamash ¿wajina yuwa batsamsattawa?” tibaijai.

(Amós) 7:5

Imatikakui wi Apajuín chichagkun: “¡Tuke Pujuuwah, wait aneasam imijkata! Amina aentsjum Jacob wegantu aidau kuashtachua dusha ¿wajuk ibaunash atsanjag pujustinme?” tibaijai.

(Malaquías) 1:9

“¿Apajuí anentag suwaji tusajum aanin pegkegchau aidau ikaunmayatkugmek, Apajuí ii segamun antugtamak wait anenjamjati tusajum dakagjum? Witjai Tuke Pujuu ashí senchigtinnuk. Tuja juna shiig dekatnume tusan wakegajai:

(Evangelio según San Mateo) 23:35

Aaja nuniau asagmin, atumiin suimkak iyagtinai, ashí numpa pegkejam nugkaa ukaejamunum, Abel pegkejan takajakua nui nagkamas, Zacarías Berequiasa uchijí, jega Apajuí ememattai ai altar awa nuna ejapen mau ainajum dui.

(Evangelio según San Mateo) 27:43

Apajuin kajinas anentaimtinuwe, ni wakegakug yamai agkanmitkati, wagki Apajuí Uchijiyaitjai tumamnuwe dui, wajaidau.

(Deuteronomio) 32:27

Tujash nuna dutika ai shiwag aidau mina pegkegchau chichagtuinakui, antutan dakitakun dutikachmaijai. Wi dutika ai mina shiwag aidau ememas chichainak: ‘Tuke Pujuu Israel aents aidaunak jiijag utsagchabi, jutii aidauti iina senchijijai jiija utsagmaiji’, tumain asagmatai idaisabiajai.