(Joel) 2:15 - Awajún: Apajuí chichame pegkejam Porciones del Antiguo Testamento y el Nuevo Testamento

^15-16 “¡Jerusalégnum uwija kachuji umpuagtajum! ¡Ashí aents aidau ijumjatajum! ¡Múuntuch aidau, uchi aidau, uchi muntsu muntsuaku aidaushkam, tuja yama nuwedau aidaushkam jegá batsataidauk ashí kaunatnume! Nunikagmatai ijagma pujusjum pegkegchau takat idaisajum umintsatajum Apajuí ememattasajum.

(Joel) 2:15 Iomraidhean Croise

(1 Reyes) 21:12

Nuninak yujumka ijagmawag batsamas, Nabotan jukiag aents tuwak batsatbaunum ejegan dita emtin ekentsajui.

(1 Reyes) 21:9

Nunú papiinmak aatus agajui: “Yujumak ijagmat ati tusajum etsegkatajum. Tuja aents aidau tuwakmatai, Nabot juki ejentatajum dita emtin ekentsatajum.

(Isaías) 1:13

Ataktu awagkigmek anentag mina sujamu pegkegchau aina juninuk itagtuawaigpa. Nunú apeamua nunak wika tsumain diyajai. Tuja nantu yama takamunum Apajuí emematku jiistamtai, nuigtu tsawan ayamtain jiistamtai ati tusa umikbauwa nunú jiistamami tusajum aents aidau ipajum ijumjume, tujash wika aents pegkegchaun takau aidau jiistamaina nunak shiig dakitajai.

(Jeremías) 36:9

Tuja nunú tsawantin Jerusalégnumia aidau, tikich aents Judá wegantu dita yaaktajin batsamin kaunau aidaujai ashí ijagma pujusa Tuke Pujuu augnasti tusa Josíasa uchiji Joaquim, Judá wegantu aidaun apuji aajakua nunú, tiuwai. Nunak apu Joaquim inabaujin cinco mijanan achika, nantu nueveya nunú takau ai tiuwai.

(Joel) 1:14

Nuniakjum Apajuí emematku ijuntainum apu múun aidau ashí Israel aents aidaujai ijumjatajum. Dutikajum, ijagma pujusjum Apajuí ausatajum.

(Joel) 2:1

¡Jerusalégnum uwija kachuji umpuagtajum! ¡Adeagtinme tusa umputai Tuke Pujuu emematku ijuntainum umpuagtajum! Nuna antuinak ashí aents aidau Judá nugken batsamin aidauk sapigmainak kujaitnume, wagki Tuke Pujuu taatin tsawan ashí jegae.