(Joel) 2:13 - Awajún: Apajuí chichame pegkejam Porciones del Antiguo Testamento y el Nuevo Testamento

¹³ ¡Pegkegchau takatak idaikujum mina umigtuktajum! Wake besemag dekapeakjum, jáanchjum japiki ichí yujatsuk atumek pempeentumakjum kajegmamkatajum, nuniakjum dekas dewakjapi tumamtajum. Wika kakagchauch wait anenkagtinaitjai. Wika wamak kajechuitjai, nuadui wika tsagkugkagtugtasan pujajai.

(Joel) 2:13 Iomraidhean Croise

(Génesis) 37:29

Dutika sujuk awemaju ai, Rubén wakitki taa waanum José egkeamun jegantun diikma atsaun wainkauwai, nunik jáanchjin japiki ichigkui wake besemag dekapeamunum.

(Génesis) 37:34

Nuna tusa Jacob niina jáanchjin japiki ichigkui, nunik wake besemag dekapeaku nugkutain nugkujui. Nunik pujus uchijin aneak kuashat tsawantai tuke buutú pujau.

(2 Samuel) 1:11

Nuna David antuk wake besemag dekapeak jáanchjin japiki ichigkui, tuja tikich aents niijai batsatushkam jáanchjin japiki ichigkajui.

(1 Reyes) 21:27

Juna aatus Apajuí tibaun Acab antukui. Nunik puyatuk jáanchjin japiki ichigkui, dutika jáanch pegkegchaun nugkuja, yujumkan ijagma pujau. Nunik pujus makichkish yapagmamtsuk, wake besek wekagu.

(2 Reyes) 22:11

Nunú aujtusam antuk, wake besemag dekapeak jáanchjin japiki ichigkui.

(2 Reyes) 22:19

Tikich Israel aents aidau pegkegchaun takamsaju asamtai, wake besemag dekapeakum jáanchjum ichigkume. Tuja nunú anentaimsam buutam nunashkam wainjame.

(2 Reyes) 5:7

Nuna Israel aents aidaun apuji aujus diisa, shiig anentaimainchau waugkamin dekapeak, niina jáanchjin japiki ichigka chichaak: “¿Wi Apajuí pujuta sukagtin, nuigtush jakati tusash tukagtina dukaitag, aents lepra achimak ja nuna etsagagti tusa awetam atinun? ¡Atumesh shiig anentaimsa diistajum, wika junak maaniami tusa segapak jutijamui tajai!” tiuwai.

(2 Reyes) 6:30

Nuna apu antuk kajeka, niina jáanchjin japiki ichigkui. Dutika yakí yaakat peejamunum wekagu asamtai, aents aidau diikma jáanch pegkegchaun nugkuaju wekagun wainkajui.

(Nehemías) 9:17

Nunidau asag amina chichamjum umitan dakitjag, ame dita yayaakum wainchatai ishamain aidau iwainajuitam nunashkam kajimatkiajui. Nunidau asag amina chichama intimjutpakiag, tikich apun adaikajabi ataktu Egipto nugkanum awagtamki waitkam batsabiag nuwig ejetamatnume tusag. Tujash amek tsagkugkagtin, anejatin, wait anenkagtin, nuigtush kakajus kajechuitam duwi kajimatkimek idaisachuitme.

(Job) 1:20

Nuna antuk, Job wajaki wake besemag dekapeak, jáanchjin japiki ichigka, awamajui pinuin. Nunik Apajuín emematak tikishmag pujus tsuntsuma nijayin nugka antig pujusui.

(Salmos) 103:8

Tuke Pujuuk kakagchauch wait anenkagtinai; wamak kajechui, tuja anentak wajasui.

(Salmos) 34:18

Aents wika uwemjashtinapitja tusa anentaimak waitiaun uwemtijatatus Tuke Pujuuk tikijuch pujawai.

(Salmos) 51:17

Apajuíyah, amek aents wika tudauwapitja tusa anentaimak waitia nunú shiig anentame. Tuja aents wika tudauwapitja tusa awake anentaimag tsagkugtugta tusa segapakuig, yaitskek idaichauwaitme.

(Isaías) 58:5

Ijagma pujusa Tuke Pujuu segaji tayatku, imani batsatmawa duka Apajuínak shiig awagmatsui. Atumek kajis namaka uwet kasua wajama nunikjum tsuntsuma pujusjum, jáanch wake besemag pujaku nugkutai nugkugjum yukunum tepajum nunú, ijagma pujusa Apajuí segaji, tajume. Nuniakjum juju Tuke Pujuunak shiig awagmawai, tajume.

(Isaías) 66:2

Waji ayá nunak wiki ashí najankauwaitjai; dutika ai nunisag juwajui. Witjai Apajuínuk. Wi nunak dutikauwaitjai. Wika aents wakanin pimpiki pujusa mina chichamjun eme anenta nuna diyakjai”, tiuwai.

(Jeremías) 36:7

Nunikag Tuke Pujuu ditan kajejuk suwimka susatatus umia nuna dekawag, pegkegchau takamujin idayinak pujutjin yapajiachajaintash”, tiuwai.

(Oseas) 14:1

Oseas Israel aents aidaun chichajak: “Israel aents aidauwah, atumi pegkegchaujum wagagtamkimtai, kakaumainchau wajasjum batsatjum nunú idaikujum ataktu atumi Apajuíjum, Tuke Pujuuwai minitajum. Nuniakum juju aatsajum Apajuí segatajum: ‘Apajuíjuh, amek pegkejaitme, nuadui wait aneasam iina tudaujish tsagkugkagtugta, dutikawamin ii ame emematku kantabauwa nunú amina shiig awajtamkati.

(Jonás) 3:9

Nunika ajinish Apajuí iina kajegtamak suwimkan amastag tiu akush, wait anenjamag tsagkugtamjamtai jinutsuk iwaku pujuschainjiash”, tiuwai.

(Jonás) 4:2

Nunik Tuke Pujuun chichajak: “Tuke Pujuuwah, wika juna aneasan tuyajai. Wi mina nugkajui pujusan anentaibiag duka imatiksamek umikume. Amek Apajuí pegkeg, wait anenkagtin, wamak kajechu, anentak wajasuitam iman asam, suwimkan susattajai timesh awake anentaimjam, suwimak sutsuk idainaitam nuna dekau asan, wika amina ukukin Tarsis nugkanum atushat tupikaktajai tibaijai.

(Miqueas) 7:18

“Apajuíjuh, tikich Apajuí amejai betekak atsawai. “Amek amina aentsjum ujumak iwaku batsata nuna pegkegchauji tsagkujakum, intimtaiji aidaush kajimatkim idaime. Amek jutii aidauti anejatu asam, kajekmesh tuke nunismekek pujatsme.

(Números) 14:18

‘Wika wamkek kajechuitjai. Aents aidaunak senchi aneajai, nuniau asan dita pegkegchaun takainak mina shiwagmatuinakuish tsagkujajai, untsu dita pegkegchaujinig tuké suwimkan suwajai dutikakun ditá uchijinash, tijajinash, ama tijajinash ditá apaji pegkegchau takamsamunum suwimkan suwajai’, tame.

(Carta de San Pablo a los Romanos) 2:4

Apajuik ame pegkegchau takataish shiig senchi wait anenjamu asa suwimkan sujamtsuk, tudau takatan idaiyak pujutin yapajiati tusa emamkes dakagma dusha dakitame.

(Carta de San Pablo a los Efesios) 2:4

Tujash Apajuik shiig senchi wait anenkagtina ibau asa, ni anenkajiya nujai shiig senchi anempajui,

(Primera carta de San Pablo a Timoteo) 4:8

wagki iyash pegkeg atí tusa takamtikamua duka machik yaijatui, untsu Apajuí puyatjusa umigku takaamua nuuwai ashí wajiinum yaijata duka, wagki anagkagtuamua duka yamai pujag juigkechui atak atina imanuiyai.