(Joel) 2:11 - Awajún: Apajuí chichame pegkejam Porciones del Antiguo Testamento y el Nuevo Testamento

¹¹ Tuke Pujuu niina suntaji aidaujai minak chichamujig ipamtajai betek wajawai, Tuke Pujuu suntajig senchigtin ainawai, Tuke Pujuu tabaun umin aidauk shiig kuashat dekapamainchau ainawai. ¡Tsawan Apajuí minamuk ishamain atatui! ¡Imanun atsaneg pujumainuk makichkish atsawai!

(Joel) 2:11 Iomraidhean Croise

(Salmos) 46:6

Aents nugka muunnumia aidauk, nugka múun aidaun apuji aidaujai Apajuí chichamun antukag ishamainak senchi pampainawai. Tuja nugkashkam Apajuí chichatai, yumpuna tsainak megkaewai.

(Isaías) 42:13

Tuke Pujuu, múun, senchigtin asa, maanitan yacha, shiwaaji aidaun kajejuk, suntag maaniamunum untsumajama imati untsumak jiintuki, shiwaaji aidaunak ijinattawai.

(Isaías) 7:18

Nunú tsawan jegatai, egiptunmaya suntag aidaun, kaapjai betek shiig kuashat, tuja nuigtu asirianmaya suntag aidaun dapa ishamain ijujatin aina imanun Tuke Pujuu ishitjamkatnai.

(Joel) 1:15

¡Apajuí taatnuk namput wajaschae! ¡Tsawan ishamain atina duka ashí jegawai! ¡Pegkegchau takat idaiku Apajuí umigtsujinig, Apajuí ashí senchigtina nunú suwimak ishamainun amastatui!

(Joel) 1:6

Manchi shiig kuashat, suntag maaniatatus shimaujai betek iina nugkeen untsaantugmae. Nuna nai aidauk shiig empek asag, león kajenun naíya iman ainawai.

(Joel) 2:1

¡Jerusalégnum uwija kachuji umpuagtajum! ¡Adeagtinme tusa umputai Tuke Pujuu emematku ijuntainum umpuagtajum! Nuna antuinak ashí aents aidau Judá nugken batsamin aidauk sapigmainak kujaitnume, wagki Tuke Pujuu taatin tsawan ashí jegae.

(Joel) 2:2

Nunú tsawanta duka suwe atinai, nunú tsawantinig yujagkim suwe wajastinai. Suntag aidau shiig kuashat depetmainchau muja aidaunum shiyaktatui, nunikag etsa kashikmas yama jiinak etsantug, ashí mujan patamtuwama numamtuk ashí nugkan pampankattawai. Duka yaunchkesh imanuk wainkachbauwai, tuja atakea duish imanuk wainnakchatnai.

(Joel) 2:25

“Atumi ajaji aidaun manchi amukmatai, tuja shiwag aidau tsaigtamkamtai, ajakjinchau wajasujum nunak Apajuí yaunchuk aajakua imanuk awajtugmastatui.

(Joel) 2:31

Etsag etsanjashtinai, tuja nantushkam numpa iman wajastinai, juka eke Tuke Pujuu iina apuji Apajuí minitin tsawan ishamain atina nunú jegatsaig nagkaemaktinai.

(Joel) 3:14

Tuke Pujuu taatin tsawan uminu asamtai, Josafat nugkanum aents aidau shiig kuashat ijunjaje.

(Joel) 3:16

Tuke Pujuu kajeka muja Siógnum pujusa chichaak ipamtajai betek wajatai, nuna antukag nugkak nayaimpijai uugtatui. Imanitaish Israel aents aidaunak Tuke Pujuu niina aentsji asagmatai kuitamkattawai.

(Amós) 1:2

Nunak aatus tiuwai: “Tuke Pujuu kajeka Jerusalén pujus chichataik, chijichi aidauk kagaka jinawai, tuja muja Carmelonum ajak pegkeg wegajushkam kagaka jinawai.”

(Amós) 5:18

¡Tuke Pujuu tattawai tusajum shiig aneautigminak wait anentajime! Atumek waji utugchatak nagkaetamkiti nunú dekachu asajum tuu yujagme. ¡Tuke Pujuu minamuk, tsaaptinuk achattawai, suwe ishamain atatui!

(Amós) 5:20

Duka dekaske, Tuke Pujuu minamuk tsaaptinuk achattawai, suwe atatui; ¡nunú tsawantinig shiig aneamuk achattawai, ayatak wake besemag atinai!

(Malaquías) 3:2

Tujash nii juwi tatai, ishamtsuk shiig aneas wajamainuk atsawai, ayatak tikichmajag pujusagtinai. Niig jii kegaujai betek taattawai iina pujutjin iwajatatus. Jabón jáanch bika wajasun esakag iwajama numamtuk iina tudaujin esakagtinai.

(Números) 24:23

Tuja inagnak Balaam atak tikich tsawantai nagkaemagtinun pachis juna aatus tiuwai: “¡Chah! ¿Apajuí nuna dutiktata duwish, yaki eke iwakush pujustinaita?

(Primera carta de San Pablo a los Tesalonicenses) 4:16

Apu Jesús nayaimpinmaya minak senchi untsumak akaikitnai, ángel aidau apujishkam arcángel untsumkatnai, Apajuí trompetajinash senchi umpuagtinai, nunitai Cristui dekaskeapi tuidau jinau aidauwá nantajagtinai.

(Apocalipsis) 18:8

tau asamtai makichik tsawanta duik ni ashí waitiamujig ajittawai: Jaamuji, buutbauji, yapajamuji, inagnamunum jiinum apeam atatui; wagki Apu Apajuí ashí senchigtina ibau asa, niina suwimkan suwak dutikattawai”.

(Apocalipsis) 6:17

wagki ni kajeká suwimak sukagtamuk tsawantak jegae, makichkish yamaik suwimkanak uwemtumain ainatsui”, wajagmayi.