(Joel) 2:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Tuja nugkak nayaimpijai senchi uujui, nunitai etsa, nantu kajinag suwe wajase. Tuja yaya aidaushkam etsantainatsui.

(Joel) 2:10 Iomraidhean Croise

(Joel) 2:2

Nunú tsawanta duka suwe atinai, nunú tsawantinig yujagkim suwe wajastinai. Suntag aidau shiig kuashat depetmainchau muja aidaunum shiyaktatui, nunikag etsa kashikmas yama jiinak etsantug, ashí mujan patamtuwama numamtuk ashí nugkan pampankattawai. Duka yaunchkesh imanuk wainkachbauwai, tuja atakea duish imanuk wainnakchatnai.

(Joel) 2:31

Etsag etsanjashtinai, tuja nantushkam numpa iman wajastinai, juka eke Tuke Pujuu iina apuji Apajuí minitin tsawan ishamain atina nunú jegatsaig nagkaemaktinai.

(Joel) 3:4

Atum Tiro nugkanum, Sidón nugkanum, filisteo nugkanum batsamin aidautijum mina aentsug Israel aents aidau jeteajum dusha ¿wisha itugkamu asagmea jeteajume? Atsa ¿iikmakmi tusagmek aikajum? Nunú atum eke jeteatsjuminig, wiyá atumnak suwimkan amasan ijinattajime.

(Amós) 5:8

“Apajuíyai yaya aidaun, nayaimpijai najadau, tsaaptinnash suwe emau, suwenash tsaaptin emau, yuminash yutumtikau. Apajuík yaakat peejamu aidaunash tsainai, tuja nunú tsaikbaunmayanak jega múun aidaun kaya ekenag jegamak uminai. ¡Tuke Pujuu ashí senchigtin tutaya nunuwai niina daajig!

(Evangelio según San Mateo) 24:29

“Nunú waitut nagkaemaig, etsag suwe wajastinai, nantushkam etsanbaunak megkaekatnai, yaya aidaushkam kakeyagtinai, imanidau asagmatai nayaimpinmaya senchigtin aidaushkam peganjagtinai.

(Evangelio según San Mateo) 27:51

Nuniaig jega Apajuí ememattainum jaanch ejaamuk, yakiin nagkamnas ichiinak jimaituk kanakui. Nugkashkam ugkauwai imaniau asamtai kaya muun aidaushkam punjauwai;

(Los Hechos de los Apóstoles) 2:20

Etsag suwe wajastinai, nantushkam numpa wajastinai, eke Apu Apajuí senchijijai tsawan wajas minitna nu jegatsaig.

(Apocalipsis) 20:11

Wainkabiajai makichik ekeemtai muuntan pujun, nui makichik ekeemtatman. Nuna emtinig nugkak nayaimpijai atsusagmayi, nuniku asag makichik yantamnumkesh wainnakchagmayi.

(Apocalipsis) 6:12

Seis selloa nuna Uwig ujaibi, dutikamtai wainkabiajai senchi uugbaun; nuniai etsag bukusea, jakamunum jaanchin bukusea nugkuwajama iman wajasmayi, nantushkam kapantu numpa numamtin wajasmayi;

(Apocalipsis) 8:12

Nu nunikmatai cuatro angela nu trompetan umpuagmayi, nunikmatai etsa, nantu, yaya aina nuna jimaitukjin amaisagtatak emeskabi, besekaja nunisag suwe wajastinme tusa, dutikamu asa tres hora kashi tsawaishkam tsaaptinuk atsusmayi.

(Apocalipsis) 9:2

Dutikam waa muun ishamain akaga nuna ujaibi; dutikam aja tsajutkau apeam bukuituwama imanik bukuiti jiinmayi, imaniak etsanak suwe awasabi, daseshkam waanmaya bukuita ibauk wajasmayi.