(Joel) 1:7 - Awajún: Apajuí chichame pegkejam Porciones del Antiguo Testamento y el Nuevo Testamento

⁷ Iman asag uva ajakbau aidaunak higo ajakbau aidaujai ashí tsupije. Imatikau asa kanawe aidaunak ashí pakajug saeptuchu emake.

(Joel) 1:7 Iomraidhean Croise

(Salmos) 105:33

Nunú yutak uva ajakbau aidaun, higo aidaunash ijinabi. Dutikak numi kanawe aidaunashkam ashí kupijabi.

(Éxodo) 10:14

Dutikam nunú manchi Egipto nugkanmak piyak asauwai, yaunchuk nagkamsash imanijakchamun tuja atakesh imani achatnun.

(Éxodo) 10:15

Imanik manchik ashí nugkanum piyaku asa shuwin wajas asauwai. Imaniku asa bicha ijinam ajak ampinag juwaku aidaunak ashí amukui. Dutika ashí amukbau asa makichik numi dukendukesh Egipto nugkanmak shiig atsusui.

(Isaías) 32:12

Atumdau trigo ajakbau, uva ajakbau aidaujai shiig kuashat pegkeg ayá duka imankek achattawai. Nuadui wake besemag dekapeakjum detsepem ijutajum.

(Isaías) 5:6

Dutikan pachitsuk idaisattajai. Tuja tuke nejen ati tusa, kanawe pegkegchau aidau tsupija utsanka pegkeg ematia nunash dutikachagtatui. Tuja dupanash takagsachagtatui, dutikamu asa dupa jagki aidaujai tsapaka akijuatnai. Tuja nuna uchupig pegkeg ematnunash yuminak yutumtijashtatjai.

(Oseas) 2:12

Higo ajakbau ayá nuna, uva ajakbau ayá nujai pachis: Juka mina pakiig aidau sujusbau ainawai tusa emema puja nunak unuptuktatjai, dutika ai ikamia kuntin aidau ashí amutkatnai.

(Joel) 1:12

Uva aidau, higo aidau, munchi aidau, palmera aidau, manzana aidau, tikich numi aidau aatus ashí jinaamtai, aents aidauk buutuinawai. Nuninak shiig aneamunak idayinak wake besemag batsatui.

(Amós) 4:9

“Wi atumdau ajak ajakmakbau aidaunak, tuja numi nejen aidaunashkam ijituajime, atumi ajagmin manchi aidaun ishitkabiajime, nuigtushkam dase sukutnun uwegshunmayan dasenmitkakbaijai, tujash imanika waitiakjumesh atumek minak umigtukchabiugme.

(Habacuc) 3:17

Tuja higuera ajakbau nejeachkuish, uva nejeachkuish, olivo aceitunan nejeachkuish, ajanmaya aidaush, ikamia aidaukesh nejenachkuish, tuja baka aidaush, uwig aidaush ashí jinutjamamtaish, minak Tuke Pujuu uwemtijuju asamtai, wika shiig aneasan niina ememattatjai.

(Malaquías) 3:11

Tuja atumi ajakjum aidaunak uva ajakbau aidaujai jata iyantug ijinawai tusanchakam kuitamjuktatjime.