(Joel) 1:14 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁴ Nuniakjum Apajuí emematku ijuntainum apu múun aidau ashí Israel aents aidaujai ijumjatajum. Dutikajum, ijagma pujusjum Apajuí ausatajum.

(Joel) 1:14 Iomraidhean Croise

(Nehemías) 8:18

Tuja nunak siete tsawantai jiistamawajui, nuninak yama nagkamchak tsawan tsawagbaunum nagkamas chicham umiktin agagbaun Esdras kashi kashinig au augkawa jiista amuebaunum inagnakui. Nuna inagnak tsawan ochoa duwi ijunjajui, nunikag nunú tsawantinish wajinak dutiknush aajabi nuna betek umikajui.

(Jeremías) 14:2

“Judá wegantu aidauk wake besemag dekapenak buutuinawai, dita yaaktaji aidaunmash waji sujutaiji aidauk atsujuinawai. Ashí aents aidauk nugká batsatui, tuja Jerusalégnumak senchi buutuinawai.

(Jeremías) 36:9

Tuja nunú tsawantin Jerusalégnumia aidau, tikich aents Judá wegantu dita yaaktajin batsamin kaunau aidaujai ashí ijagma pujusa Tuke Pujuu augnasti tusa Josíasa uchiji Joaquim, Judá wegantu aidaun apuji aajakua nunú, tiuwai. Nunak apu Joaquim inabaujin cinco mijanan achika, nantu nueveya nunú takau ai tiuwai.

(Joel) 1:2

Atum chichaman jintinkagtin múun aidautijum juju shiig antuktajum, tuja ashí aents aidautigmeshkam antuktajum. ¡Ipak usumta imajin manchi maki makichik niimtin aidau kakegak iina ajake aidaunak tikich manchi aidau amuak ukubaun ashí amutjamkaji! Tuja ¿atumesh wajutiya junin wantinush wainkauwaitjume? Yaunchuk atumi muunjum aidau batsamajaku aina duka makichkish junin wantinunak wainkachu ainawai. ¡Nuadui atumi uchijum aidau nunú pachisjum ujaktajum, tuja dita ujaktinme dita uchiji aidaun, nuna uchiji aidau ujaktinme dita uchiji aidaun!

(Levítico) 23:36

Untsu siete tsawantai Tuke Pujuu eme anentsajum nii anentag suwamu apeattagme. Tuja tsawan ochotin ayatak ayamku ijunjajum Apajuí anentag suwamu nii emematkujum apeatajum. Nunú tsawanta duka Apajuí tsawanji asamtai, makichik takatkesh takasaigpajum.”

(Jonás) 3:5

Tusa etsegtai, ashí aents Nínivenmaya aidauk uchinum nagkamas múun aidaushkam pegkegchau takatnak idayinak, dekas Apajuí umigkagmi tuidau. Nuna tusag wake besemag dekapenak, jáanch pegkegchaun nugkukag yujumkan ijagmawag Apajuín segainak batsatu.

(Jonás) 3:8

Duka puyatjutsuk ashí aents aidautijum wake besemag pujaku nugkutai jáanch pegkegchau aidau nugkuktajum, nunikjum Apajuí senchi untsuktajum. Nuniakjum maki makichkitijum pegkegchau takamtaijum, magkagtutaijum aidaujai idaisatajum.