(Jeremías) 9:11 - Awajún: Apajuí chichame pegkejam Porciones del Antiguo Testamento y el Nuevo Testamento

¹¹ “Judá wegantun yaaktaji aidaunak wi ashí tsaiktatjai, dutika ai aents atsau bashiak agkan wajas asatnai. Jerusalégnashkam tsaiktatjai, dutika ai ayatak kaya tuwasua weaku atatui. Nunú nugkanmak ikamia yawá aina duke batsamsatnai, tujamui Tuke Pujuu”, tiuwai Jeremías.

(Jeremías) 9:11 Iomraidhean Croise

(Nehemías) 4:2

Nunik niina kumpaji aidau emtin, tuja suntag samarianmaya aidau emtinchakam dushikis Nehemíasan chichajak: “¿Au nujantai jinattak yuja aniaush wajukatasaya anísh yujawa? ¿Yaunchuk Apajuí emematuinak kuntinu maa apeyanum dutikatajum yamaish tujamchajaintash tusa aní yujatsuak? ¿Atsa nuniachkush makichik tsawantai takat ashimkami tuinatsuash? ¿Atsa nuniachkush kaya esaku tuwasua wegaka nuwiya yamajam kaya jiigmi tusag aní yuja?” tau.

(Salmos) 107:43

Aents shiig anentaimkauk juna anentaimas diisti. Nuniak Tuke Pujuun anenkega nuna dekattawai.

(Isaías) 44:26

Untsu mina inakeg aidau chichaman etsejuina duka betek uminkati tusan yayajai, tuja aents wi awemamu aidau chichaman umina dushakam imanisag betek uminkati tajai. Tuja Jerusalégnumak ataktu yaaktamak batsamsagtinai. Tuja Judá wegantu aidaun yaaktaji aajaku aina dushakam ataktu awagki yaaktamkamu atatui. Yaakat tsaikbau aidaun ataktu jegamjatnume tusan, jega jegamin aidaun wi inagtatjai.

(Jeremías) 1:15

Dutikakun aents nugka muunnumia nujinum batsata nunak ashí untsuktatjai. Dutika ai nuna apuji aidau kaunawag Jerusalégnum waitaiya nuwi kaunawag, yaakat peejamua nuna tenteawag batsamtusag, Judá wegantu aidaun jeteka depetuk achija yajuakagtatui.

(Jeremías) 26:18

“Ezequías Judá apuji wajas inamjauwa nunú tsawantin profeta Miqueas Morésetnumia aajakua nunú, Tuke Pujuu akatjam ashí aents Judá wegantu aidaun juna aatus chichajak: “Tuke Pujuu ashí senchigtina nunú chichaak: ‘Jerusalégnak tsaikagtinai; dutikam ayatak kaya tuwasua weaku atinai. Tuja nainnum Apajuí emematku ijuntai jegamkamua nunak dupa tsapaka akijuatnai. Jerusalégkak dutika tsaikbau asa jega atsau, ayatak ajak ajakmatai wajastatui’, tiuwai.

(Jeremías) 26:9

¿Wajukeakmea amesh Tuke Pujuu daajinish, juju Apajuín jega duka, yaunchuk Silónum Apajuíjai chichatai aakmakbau wajukauwa nuniktatui tusamesh, nuigtush yaaktashkam tsaikam aents jinaamtai agkan wajastatui tusamesh tame?” tuidau. Nuna tusag ashí aents aidau nuwi batsatuk ijuntug tenteawag achikajui.

(Miqueas) 1:6

Nuadui Tuke Pujuu chichaak: “Yaakat Samarianak tsaiktatjai, dutika ai ayatak kaya tuwasua weaku, jega atsau ayatak uva ajakmamain awajsattajai. Tuja muja najatamu paka aina nuwishkam, nunú kaya aidaun nagkimkattajai. Dutikan yaakat najanku kaya aepkamunash ipaantujan pan awajsattajai.

(Miqueas) 3:12

Atumi pegkegchaujin mina jegag pegkegma duka tsainkattawai, tuja atumi pegkegchaujin Jerusalégkak tsaikam aents atsau bashiak asattawai. Tuja muja pegkejam Siógkak dupa ijiam asattawai”, tawai.

(Apocalipsis) 18:2

Nuniak shiig senchi untsumak: “¡Tsainkae, tsainkae yaakat Babilonia muunta duka! ¡Yamaik wakan pegkegchau aina nuna batsamtai, nuigtú chigki tsumain dakittsá diitai aidau batsamtai wajasé!