(Jeremías) 9:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ “Nunikmatai muja aidaunum yujasjum “atumi tagkujum aidaun yutaiji chijichi aidauk ashí apekbau asamtai, wake besemag dekapeakjum buuttajum. Tuja imatika apekbau asamtai, nuni nagkaematnak dakitainawai; tuja atumi tagkujum aidau shinaukesh makichkish antuenatsui, chigki aidaush, kuntin ikamia aidaush ashí pisag megkaejaje.

(Jeremías) 9:10 Iomraidhean Croise

(Isaías) 41:15

Antuktajum nijah: Atum ainajum anuiyan, makichik trigo akatain yamagman, naín batsatkan najanattajai. Dutikamtai nujai muja aidau tsaikam yukukuntu awajsattagme. Tuja nain aina dushakam tsaiktatjume, dutikawagmin chijichi kagaku tuwasua weaku atatui.

(Isaías) 49:19

Atumi nugkem tsaikam pegkegchau wajas amayi, tujash nuna dutikau aina duka yamaik ukukiaje. Nuadui nunú nugkanum kuashat aents piyakmatai, tikich aents pujumain agkauk atsutnai.

(Jeremías) 14:6

Ikamia burro unuinakchamu aidauk chijichi yumain atsutai, nain uwegshunum ijunas nujantai jinuinak, ikamia yawajai betek dase dasentai mejea mejea mejea wajainawai, imaaninak jaka iyainawai”, tiuwai.

(Jeremías) 2:15

¿Wagka imatikash leónjai betek jetenakush senchish untsumainawa? Dita nugkega duka yaaktaji aidau apegkam pegkegchau wajas bashiak awai. Nuwi pujauk makichkish atsawai.

(Jeremías) 2:6

Nunidau asag, dita apachji aidau Egipto nugkanum batsatun jiija yajuakan, uwejush yumi atsau, muja yumpunjau aidau, ishamain aents aidaush pujumainchau, makichkish nagkaemamainchau ishamain wegajunum wi kuitamsan emauwaitag nunak aneetsuk pachitkachajui.

(Jeremías) 23:10

Juju nugkanmak, ayatak aents pegkegchaun takau aidau, pegkegchaun takastatus tupikatin aidau, apu adaikam nuna anagma tikichi waitkau aidau aatus batsatui. Nunin asagmatai juju nugkanak Apajuí pegkegchaunum yumigjauwai. Dutikamu asamtai chijichi kagaka megkaejamtai, juju nugka juka uwejush wajas asae.”

(Jeremías) 7:29

¡Jerusalégnumia aidauwah, intashim esajam aina duka tsupigjum utsagtajum! ¡Dutikajum muja uwegshunum shiyakjum, nuwi yujasjum wake besemag pujaku kantamtai kantamatajum, wagki atumnak Apajuí kajegtamak idaitamsau asamtai!

(Ezequiel) 33:28

“ ‘Atumek pegkegchau wi dakitamua nunú takagme, nuadui wi atumi senchijinak, atumi ememataijum aidaujai atankittajime, dutika ai juju nugkak bashiak aents atsau shiig agkan itajak juwaktatui. Muja aina nuwig makichik aentskesh wekaguk atsustinai. Nunikmatai wi dekas Tuke Pujuuwaitag nuna dekajuawagtinai.’

(Oseas) 4:3

Iman wajas au asamtai, aents aidauk buutuinawai, nuninak kakaagchamin dekapenawai, tuja kuntin ikamia aidaush, chigki aidaush, namak nayantsanmaya aidaush ashí jinuinawai.”

(Joel) 1:13

Vino, trigo, cebada aina duka atsau asamtai, aents aidauk Apajuínak anentag ejetuinatsui. Nuadui Apajuí emematku ijuntainmak makichkish atsawai. Nunú diisjum atum sacerdote Apajuí altarjin takau aidautigmek wake besemag pujaku nugkutai jáanch nugkugjum kashi buu buutkawajum tsawaitajum.

(Joel) 1:19

Tuja jii kegak dupa aidaunak, numi aidaunashkam apea ijinae. ¡Apajuíjuh, wait aneasam yaijatkata!

(Amós) 5:1

Israel aents aidauwah, ishamain nagkaemaktin asamtai, wi wake besemag dekapeakun kantamag nunú antuktajum.

(Amós) 5:16

Tuke Pujuu ashí senchigtina nunú chichaak: “Wi atumin suwimka amastasan minitaik, ashí yantamnum buutiagtinai. Jinta aidaunum buutuidau, yutai ijumja sujutai aidaunum buutuidau, ashí plaza aidaunum buutuidau, uva ajakmakbau aidaunum buutuidau, aja aidaunum buutuidau, jakamunum buutuidaushkam agtatui”, tawai Tuke Pujuu.

(Miqueas) 2:4

Nunú tsawantin aents aidau dushiktamiagtinai, nuninak juna aatus kantamjutpainak: ‘¡Ashí depetkam wainak juwakaje! ¡Yaunchkek Apajuí aentsji ayanume, tujash nunak idaisaje! ¡Iina suntaji aidau depetkagmatai, dita nugke aidauk ii akandaija yajuakji!’ tiagtinai.

(Miqueas) 3:12

Atumi pegkegchaujin mina jegag pegkegma duka tsainkattawai, tuja atumi pegkegchaujin Jerusalégkak tsaikam aents atsau bashiak asattawai. Tuja muja pegkejam Siógkak dupa ijiam asattawai”, tawai.