(Jeremías) 7:21 - Awajún: Apajuí chichame pegkejam Porciones del Antiguo Testamento y el Nuevo Testamento

²¹ Tuke Pujuu ashí senchigtin, Israel aents aidaun Apajuíji niina aentsji aidaun chichajak: “Atum wakegakjumek mina eme anenjusjum anentag sujustin aina duka, kuntin maa nuna neje ashí apeatin aidaujai yajuakjum ijuma pujutajum, dutikajum nuna neje yuwajum tagkaijum kantaushmaktajum.

(Jeremías) 7:21 Iomraidhean Croise

(Isaías) 43:23

Tuja uwig aidaush anenjauchik sujatsjume, kuntin maa nuna neje ashí apeakjumesh emematjatsjume. Wika atumnak anentag sujustajum tusa segaaknuk waitkatsjime, tuja kugkuin incienso apeatajum tusankesh segaaknuk waitkatsjime.

(Jeremías) 14:12

Yujumak ijagma pujusam segatkuminish, wika antugkashtatjame; kuntin aidau, trigo, cebada aidau kuashat anentag sujakjuminish, wika jujukchattajime. Wika atumnak maaniamunum, nujantai, jatai ijinattajime”, tujutmayi Apajuí.

(Jeremías) 6:20

¿Wagka Sabá nugkanmaya kugkuin incienso jukigmesh itagtuaugme? ¿Wagka tikich nugka atushtanmaya kugkuin jukigmesh itagtuaugme? Atum anentag itaamu aidau, tuja mina emematjaku kuntin maa nuna neje ashí apeajum duka minak shiig awajtatsui.”

(Ezequiel) 33:25

Nuadui ame weme Tuke Pujuu tawai tusam etsegkata: ‘Atumek pegkegchau takakjum, neje numpentin yuwagme, wainka apajuímtai dakumka najanamu emematjume, atumi maanitaijum aidau eme anentajume, nuniakjum tikichi nuwejaish tsanijinjume, nuni batsatiatkugmek, ¿juju nugkak iinu atatui tajum?’ tawai Apajuí tita.

(Deuteronomio) 12:27

Dutika ejegajum nuwi kuntin maajum nuna neje altarnum pataijum ashí apeakjum Apajuí ememattajum. Kuntin aidaun numpega duka altar ukatkatajum. Untsu nuna nejega duka yuwatajum.