(Jeremías) 7:16 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁶ Apajuí chichagtak: “Jeremíasah, yamai nagkamsamek juju aents aina nunú pachismek segatipa, tuja dita anentaimtusmesh buutipa, tuja yaigta tusa segatkumesh waitkagsaipa, tujutkuminish antugkashtatjame.

(Jeremías) 7:16 Iomraidhean Croise

(Éxodo) 32:10

¡Nuadui amek makichkish ayamjukaipa! ¡Wika shiig senchi kajekjai, nuniku asan ditanak ashí ijinattajai! Tujash ame wegantu aidaunak shiig kuashat ikauntuktatjame”, tiuwai.

(Isaías) 1:15

Tuja atum mina aujtustasajum uwejum takuajum nunak wika makichkish diyatsjime; tuja antugtanakesh antugtsujime. Tuja atumek kuashat aents mainaitjum duwi, uwejum takuajum duka ayatak numpak ainawai.

(Jeremías) 15:1

Tuke Pujuu chichagtak: “Juju aents aina nunú wait anenjata tusa Moisés, Samueljai segatainakuish, wika juju aents aina nunak wait anenmaitsujai. Jiinag shiyaktinme tujamui tusam ujakta, dutikam jiinag shiyaktinme.

(Jeremías) 15:6

Atumek mina idaitusjum pegkegchau takagtusugme. Nuniakjuminish wait anentau asan tsawanta ewae ewaekawan yawegjai, nuniku asan yamaik ijinattajime.

(Jeremías) 18:20

¡Wi egkema jakatnujun waa muuntan tautjiaje! ¡Wika ditanak pegkegnum yayamaitak, dita mina aan iiktuina duka pegkegchauwai! Wi ditan wait anentakun juwi taan, suwimak susaipa tusan amina segajam nunú adeagta.

(Jeremías) 7:17

“Judá wegantu aidau nugken tuja Jerusalégnum jinta aina nuwi pegkegchaun takaina duka ¿amek waintsumek?

(Miqueas) 3:4

Makichik tsawantai Tuke Pujuu untsuktinaitjume, tujash niig aigmakchagtinai. Atumek tikima pegkegchau ainajum duwi Apajuí atumnak uumjutpakagtinai.

(Deuteronomio) 9:14

Nunin asagmatai amek dita aidauk chichamjukaipa, wi ditanak ijinan utsagtatjai. Dutika ai nugkanmak makichkish juwakchatnai. Tujash aminiyanak dita aina nuna nagkaesau kuashat aentsun ikaugkattajai’, tujutiabi.

(Primera carta de San Juan) 5:16

Makichik yatsutkesh tudau jatanum ejekagtina nuna takaachu wainkugmek Apajuí segattá, dutikam Apajuí pujutan susattawai. Nunak tudau jatanum ejekagtuchua nuna pachisan tajai, wagki awai tudau jatanum ejekagtin, wika nuna takaidau Apajuí segattajum tusanuk tatsujime.