(Jeremías) 26:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ juju mina emematjaku ijuntai Jerusalén awa nunak yaunchuk Silónum aak mina emematjaku waitai aakmakbaun tsaikuitag dutiksanuk tsaiktatjai, dutika ai juju yaakta duka ashí aents tikich nugkanmaya aidau dushiktai atatui’ tawai Apajuí”, tiuwai Jeremías.

(Jeremías) 26:6 Iomraidhean Croise

(2 Reyes) 22:19

Tikich Israel aents aidau pegkegchaun takamsaju asamtai, wake besemag dekapeakum jáanchjum ichigkume. Tuja nunú anentaimsam buutam nunashkam wainjame.

(Isaías) 43:28

Tuja amina apujum aajaku aidau jega mina emematjaku ijuntain shiig kuitamkachu ainawai. Nuadui Jacob wegantu Israel aents aidaunak ijinatnume, dutikawag dushiki batsamtitin atinme tusan idaisauwaitjai”, tawai Apajuí.

(Daniel) 9:11

Israel aents aidauk ashí amina chichamem umiktina nunak umikchaje, nuninak tupantug idaisaje. Nuadui Moisés amina inakem agak: Apajuí umigchakjumek suwimak jukitnaitjume tiuwa nunú uminu asamtai, iina pegkegchaujin amina suwimkajum iyanjamae.

(Malaquías) 4:6

Dutika ai múun aidau uchiji aidaujai tsagkugnayag, shiig agkan pujustinme tusa nii yaigtatui. Untsu nuna umiinachkuig wi tajuan suwimka suwakun, dita nugke aidaunak emestujan pegkegchau awajtusagtatjai”, tawai Apajuí, tiuwai Malaquías.