(Jeremías) 2:9 - Awajún: Apajuí chichame pegkejam Porciones del Antiguo Testamento y el Nuevo Testamento

⁹ Nuadui atumnak, atumi uchijum aidaun, tijajum aidaujaí suwimkan jukitnume tusan umigkattajime. Nunak wi Tuke Pujuun dekas umiktinjun tajai.

(Jeremías) 2:9 Iomraidhean Croise

(Éxodo) 20:5

“Nunú aidau eme anentsajum Apajuíjai betek anentaimtu yujaigpajum. Witjai Tuke Pujuu Apajuí atum emematin ainajum duka. Wika Apajuí akasmauwaitjai. Nuniau asan aents aidau mina dakitjuinak pegkegchaun takaina nuna suwimka suwakun, nuna uchiji aidaunash, tijaji aidaunash, ama tijaji aina imanuiyanash suwimkan suwaitjai.

(Isaías) 43:26

Ame mina utugchatug dekagtakmek yamai tujutta, chichasmi. Pai, ame waji titag tame nunú tita, nunú tiyamin amesh dekas shiig imagnismeash pujam nunú dekaami.

(Jeremías) 2:29

¡Atumek minak tuke intimjutin ainagme! Nunin asajum minak wainkagmek pegkegchauk chichagtumaitsugme. Witjai Tuke Pujuunuk, nunak dekas tajai.

(Jeremías) 2:35

Nuninaitkum datsantainkas chichaakum: ‘Wika Apajuí kajegtukti tusanuk pegkegchaunak takamtsujai’, tame. Ayu kame takamtsujai tusa imatu asamin, nuna dekajuatasan apu chichama inagdau aina nuwi ematjame.

(Oseas) 2:2

Nuigtu Apajuí chichaak: “¡Wika Israel aents aidaunak nuwa nuwatkamua numamtin anentiajai, tujash ima minakek umigtukchau ainawai. Nuadui wika yamaik pachikchagtatjai. ¡Atum dita uchiji aidautijum apu chichaman epegkin aidaunum chicham egketuatajum. Niig yamaik mina duwagchauwai, tuja wishakam niina aishichuitjai! Untsu wainak nuwa akika dutiktaijai betek wajá puja nuna idaisati! ¡Niina pakiji aidaun shiig anemtika pujutsuk idaisati!

(Oseas) 4:1

Israel aents aidauwah, Tuke Pujuu chichaa nunú antuktajum. “Juju nugkanmayag waitjutsuk chichauk atsawai, tikichjaish aneeninatsui. Tuja minashkam iina Apajuíjiyapi tujutuinatsui. Nuadui juju nugka juwi batsamin aidaunak Apajuí chichaman umigkae.