(Jeremías) 2:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ Sacerdote aidaush mina pachittsag inimsachu ainawai; tuja mina chichamjun jintinkagtin aidaush makichkish waitkachaju ainawai, apu aidaush pegkegchaun takamjuttsau ainawai, tuja mina profetag aidaushkam Baalan etsegtuinak, mina chichamjunak etsegkachu ainawai. Nunidau asag dakumka najanamu aidaun wainak emematujaku ainawai.

(Jeremías) 2:8 Iomraidhean Croise

(1 Reyes) 18:22

Nuna tusa ataktu awagki chichaak: “Tuke Pujuu chichamen etsegtin iwakuk ima wikiuchitjai. Untsu Baala profetaji aina duka cuatrocientos cincuenta ainawai.

(1 Reyes) 18:29

Etsa tajiag tegamtaishkam, imaanjaujai betek tsekenak untsuma batsatu. Imani batsataig kuntin apeatin tsawan jegauwai. Tujash imatuidaun ayauk makichkish antukachui. Wagki ditan aimainuk makichkish atsau asa.

(1 Reyes) 18:40

Imatiagtai Elías ditan chichajak: “¡Baala profetaji aina nunú achiktajum! ¡Makichkish tupikakig uwemjainmegka!” tiuwai. Tusa tima Israel aents aidau aintug achikajui. Dutikawagmatai muja segaunum entsa Quisón tutainum yajuak emauwai, nuwi ejegawag kajegkajui.

(Isaías) 28:7

Tuja profeta aidaushkam sacerdote aidaujai, senchi vinon umuidau asag, nampejag winchainainak tukumak iyá yujawai; imanik nampedau asag, Apajuí chichamenak antukchamin batsatui.

(Isaías) 30:5

nunú nugkanmaya aidauk atumnak tsanupajagtatui, ditak makichkish yaimpakchagtatui, ayatak utugchatan itagtamawagmatai, waitiakjum datsagtatjume”, tiuwai Apajuí.

(Jeremías) 18:18

Aents aidau chichainak: “Sacerdote aidau, aents yacha aidau, profeta aidau Apajuí chichamen iina jintinjamainuk tuke aitnai. Nuadui nii tawa duka makichkish antugkachmi, dutikaku Jeremíasak chicham umigka tsanumjuja maa ajapami”, tuidau.

(Jeremías) 2:11

tikich aents dakumka najanamun emematin aina dusha, atum wajukeajum ankampash nuna idayinak, tikichin nemaju yujau aina. Nunú aents aidauk wainka apajuímtai dakumka najanamun pegkegchaun emematin ainayatkush, yapa yapajiakuag wechau ainawai. Tujash mina aentsug aina duka dakumka najanamu aidaun yujajak, dekas wi Tuke Pujuu senchigtinaitag nunak idaitusaje.

(Jeremías) 2:6

Nunidau asag, dita apachji aidau Egipto nugkanum batsatun jiija yajuakan, uwejush yumi atsau, muja yumpunjau aidau, ishamain aents aidaush pujumainchau, makichkish nagkaemamainchau ishamain wegajunum wi kuitamsan emauwaitag nunak aneetsuk pachitkachajui.

(Jeremías) 7:8

“ ‘¡Tujash atumek wait chicham, atumnash pegkegnumkesh yaimpakchatna nunú ima dekas antugjume!

(Jeremías) 9:14

Nuna umitsuk dita apaji emematujakagbaun nuna, ditashkam dita anentai wakegamun Baal aidaun emematiaju ainawai.

(Ezequiel) 34:2

“Aentsu uchijiyah, Israel aents aidaun apuji aina nunú juna apu Tuke Pujuu tawai: ¡Chah, apu Israel aents aidaun uwigjai betek kuitamin aina nunak wait anentuinajai! ¡Dita aidauk nunú uwijan shiig kuitamtsuk ima ditanunak anenmama batsatui!

(Oseas) 4:6

Mina aentsug aidauk dita Apajuíjichua nunin anenjuidau asagmatai ijinauwaitjai. Untsu amek sacerdote mina umigtukchau asamin, wi aminak ajapattagme, wagki amek mina chichameg umikchaume, nuadui atum wegantu aidaunashkam pachikchatnaitjai.

(Habacuc) 2:18

¡Babilonianmaya aidaunak wait anentuinajai! ¿Wagka atumesh wainka apajuímtai aidaunmash kajintsagmesh anentaimjume? ¿Wagka atumesh aannush yainkata tusagmesh segash yujagme? Auk numi, kaya, atum najanamu ainawai, tujash duka wainak ainawai. Auk jiju najana orojai, platayai ukatkamu iwakuchu asa nigki wajamainchau, tuja chichamainchau ainawai.

(Evangelio según San Mateo) 16:26

¿Wajinma yaimainaita aentsnash ashí nugka juiyan niinu emakush, wakanin megkaemaina nuish? ¿Nuniachkush wajupa wakaninash akikmatmainaita?

(Evangelio según San Lucas) 11:52

“¡Atum maestro chicham umiktinun jintinkagtin aidautigminak wait anentajime! Atumek aents llave takakiatak, tikich jegá wayata tutai waitin epetin aina numamtuk, aents Apajuí nemagkag uwemjata tuinaig, atum chicham umiktina duka dekayatkujum, wajina tawa nunú dekachu asajum shiig jintintsugme, nuniau asajum atumkesh uwemainnum pujatsjume”.

(Evangelio según San Juan) 16:3

Nunak mina Apagnash, minashkam dekajuinachu asag dutijamiagtinai.

(Evangelio según San Juan) 8:55

Tujash atumek wainchauwaitjume, wika wainjai; wainchaujai takunuk, atum waitaitjum nuninuk amainaitjai. Tujash wainu asan, ni chichamenash umigjai.

(Segunda carta de San Pablo a los Corintios) 4:2

Nuniaku uuká takaamu datsanmain aina duka ashí idaisau asaja, tsanumsaikish chichatsuk, Apajuí chichamesh yapajia etsegtsuk, dekaskea duke paan etseju asá, aents aidaush pegkeg anentaimtusa diyam Apajuí emtinish ainaji.

(Deuteronomio) 33:10

Dita ainawai amina chichamem umiktin agagbau aina nuna Jacob wegantun jintintuina duka. Dita ainawai kugkuin incienson kuntin maa apeamujai jukiag, aak pegkejam aakmakbaunum nunú patasa apetai puja nuwi pataina nunú.

(1 Samuel) 12:21

Tuja tikich apajuímtai aina nunú atumi ayamjutpak uwemtijamainchau aina nuninuk yujagsaigpa. Duka wainak ainawai.

(1 Samuel) 2:12

Elí uchiji aidauk pegkegchau aidau asag, Tuke Pujuunak ajantus diijakchau ainawai.