(Jeremías) 2:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Nunidau asag, dita apachji aidau Egipto nugkanum batsatun jiija yajuakan, uwejush yumi atsau, muja yumpunjau aidau, ishamain aents aidaush pujumainchau, makichkish nagkaemamainchau ishamain wegajunum wi kuitamsan emauwaitag nunak aneetsuk pachitkachajui.

(Jeremías) 2:6 Iomraidhean Croise

(2 Reyes) 2:14

Nunik nuna jáanchin pempeag duwi namakan awati untsumak: “¿Tuke Pujuu Apajuí Elíasan ememattaish tuwi pujawa?” tau. Dutikamuik namakak jimaituk kanaka buku wajasui. Nunikmatai Eliseo katigkui.

(Job) 3:5

¡Wagkag nunú tsawantinish makichik suwe dupajam iyagchabi! ¡Nunú tsawannak yujagkim suwe ijia emegkaumainnas aikachamiatai! ¡Etsa etsantun epenak suwe ishamain emama imatika emegkaumainnas aikachamiatai!

(Salmos) 23:4

Nugka ségaju ishamain suwenum nagkaemaknush, ame wijai wekagu asamin, ishamkashtatjai. Uwija kuitamin uwigjin ayamjuktatus ushujutaijin takus wekagama numamtuk, amek mina ayamjutkatasam wekaeme. Nuadui jamainnum jegaknush ishamkashtatjai.

(Éxodo) 20:2

“Witjai Tuke Pujuu atumi Apajuígminuk. Wi atumnak Egipto nugkanum inaku waitkatai batsatutigmin jiijuitjime.

(Isaías) 63:9

Israel aents aidaun waitkagtaik, niig tikichin akupkag ayamjukchauwai, dekas nii Apajuí taa ayamjukui. Apajuík niina anenken, niina senchijin aatus, Israel aents aidaunak wait anentak tuké ayamjuk uwemtiknai.

(Isaías) 64:7

¡Amina segapauk, tuja amina nii wait anenjugti tusa kakanmamukesh makichkish atsawai! Nuadui amek iina pegkegchaujin uumka idaikagtusume.

(Jeremías) 2:2

“Jerusalén wetá, nunikam ashí aents aidau senchi untsumka chichagkum aatus Tuke Pujuu tawai tita: “ ‘Ame tsakat asam ima minak umigtin ayum nuna aneakjai. Tuja yama nuwatkamu aishin aneemaina imatikam anentiume, nuniau asam uwejush ajakmamash tsapamainchaunum juki emaish pataetugsam miniyume.

(Jeremías) 2:8

Sacerdote aidaush mina pachittsag inimsachu ainawai; tuja mina chichamjun jintinkagtin aidaush makichkish waitkachaju ainawai, apu aidaush pegkegchaun takamjuttsau ainawai, tuja mina profetag aidaushkam Baalan etsegtuinak, mina chichamjunak etsegkachu ainawai. Nunidau asag dakumka najanamu aidaun wainak emematujaku ainawai.

(Oseas) 13:4

Tuke Pujuu chichaak: “Israel aents aidauwah, witjai apu atumi Apajuígminuk, atum Egipto nugkanum batsatutigmin wi jiijuitjim duwi nagkamsanuk yamaikish wika atumi Apajuíjiyaitjai. Witjai atumin uwemtiknunuk.

(Evangelio según San Mateo) 4:16

Aents aidau suwenum yujau agma nunú tsaaptinun wainkaje; tuja suwenum batsatunash tsaaptin etsantug wajantae”, tawai.

(Deuteronomio) 32:10

“Nuadui, uwejush nugka buku, yumi atsau, dase umputainum batsatjin, nii kuitamjamak jintinjamauwai. Dutijamak makichik aents niina jiin shiig kuitamama imatikas kuitamjamkauwai.

(Deuteronomio) 8:2

“Atum Egipto nugkanum batsatutigmin Tuke Pujuu atumi Apajuíjum jiipag jujamki cuarenta mijan uwegshunum awekapasua nunú makichkish kajimatkigpajum. Imaan mijan awekapasua nunak, ememataiji aidaun idaisatnume tusa, tuja nuigtu imanik waituinakush dekas mina chichamjunash umigtumainash aina tusa dekapjamak, dutijamauwai.

(Jueces) 6:13

Tusa tama Gedeón ayaak: “Tsagkugtugta Apujuh, tujash Apajuí jutijai pujaish, ¿wagka imanikaish waituinaji? Iina muunji aidau ujapainak, Apajuí wainchatai ishamain aidaun iwainag Egipto nugkanum batsatutin jiipajui tusa tujamin agma dusha ¿wajukauwaita? Apajuí iinak idaitamsau asamtai, madiágnumia aents aidau waitkagmainawai”, tiuwai.