(Jeremías) 2:4 - Awajún: Apajuí chichame pegkejam Porciones del Antiguo Testamento y el Nuevo Testamento

⁴ ¡Israel aents aidauwah, Apajuí chichame antuktajum!

(Jeremías) 2:4 Iomraidhean Croise

(Jeremías) 19:3

Nuwi wajanta chichaakum: ‘Judá apuji aidauwah, Jerusalégnumia aidautigmejai, Tuke Pujuu ashí senchigtin, Israel aents aidaun Apajuíjiya nuna chichame antuktajum. Apajuí chichaak juna aatus tawai: “ ‘Juju nugka juwi waitut ishamainun awemattajai, dutika ai nuna antuidauk senchi ishamak kujainiagtinai.

(Jeremías) 2:3

Israel aents aidauk midau agtin etegkamu ayi, ditak ajak ajakmamu yama nagkamchak shiig pegkejan nejegama iman aajabi. Tuja ditan waitkainakuig, wi nunak suwimkan su ayajai. Nunak dekas dutikamujun’, tajai”, tiuwai.

(Jeremías) 2:5

Tuke Pujuu chichagtamak: “Atumi apachjum aajaku aina dusha ¿waji utugchatan waitjukajaya minash tupanjujush ainawa? Dakumka najanamu pegkegchaun emematu yujau asag, ditashkam nuninuk wajasajui.

(Jeremías) 31:1

Tuke Pujuu chichaak: “Israel aents aidau achija yajuakbau Babilonia nugkanum batsata nunú ataktu waketug kaunawagmataig, wi ashí Israel aents aidaun Apajuíji atatjai, untsu dita mina aentsug agtinai”, tawai.

(Jeremías) 7:2

“Jega Apajuí emematku ijuntainum wetá, nunikam nuwi wajasam juju chicham etsegkum: ‘Judá wegantu aidautijum Apajuí ememattag tusajum juju jeganum utsanin aidautijum, Tuke Pujuu Israel aents aidaun Apajuíji ashí senchigtina nuna chichamega nunú antuktajum: “ ‘Atumi pujutjum, pegkegchau takataijum aidaujai iwagmamjatajum, nunikagmin kuashat tsawan juju nugka juwi iwaku batsamsatnume titatjime.

(Oseas) 4:1

Israel aents aidauwah, Tuke Pujuu chichaa nunú antuktajum. “Juju nugkanmayag waitjutsuk chichauk atsawai, tikichjaish aneeninatsui. Tuja minashkam iina Apajuíjiyapi tujutuinatsui. Nuadui juju nugka juwi batsamin aidaunak Apajuí chichaman umigkae.

(Miqueas) 6:1

Israel aents aidauwah, shiig antuktajum. Tuke Pujuu atumin kajegtamak chichaak: “Mina aentsug aidauwah, atumi utugchatjumin dekajuajime, nuniku asan, yamai ayamjumaktajum tajime. Atum ayamjumaku chichamun antukag, nunak dekas tawai tusa amina yaimpakagtina nunú, muja aidau, nain aidau untsuka ijumjam, atum antugtagmin chichamjumaktajai titajum.