(Jeremías) 2:2 - Awajún: Apajuí chichame pegkejam Porciones del Antiguo Testamento y el Nuevo Testamento

² “Jerusalén wetá, nunikam ashí aents aidau senchi untsumka chichagkum aatus Tuke Pujuu tawai tita: “ ‘Ame tsakat asam ima minak umigtin ayum nuna aneakjai. Tuja yama nuwatkamu aishin aneemaina imatikam anentiume, nuniau asam uwejush ajakmamash tsapamainchaunum juki emaish pataetugsam miniyume.

(Jeremías) 2:2 Iomraidhean Croise

(Éxodo) 14:31

Nuna Tuke Pujuu imatika niina senchijin egiptunmaya aidaun ijinamun wainkag, Tuke Pujuun eme anentus diidau. Nuadui ima Apajuíyaig kajinas anentaimainak, niina inake Moisésnashkam dutiksag kajitus anentaimtuidau.

(Éxodo) 16:8

Tusa ataktu Moisés chichaak: “Atum yuwatnun Tuke Pujuu nejen ajum aagkú amastatui, untsu kashikmas pagkan shiig kuashat amastatui. Nunak dutikattawai atum chicham patatbaun antugtamkau asa. ¿Iish ya ainaji? Atum chicham patatkagtajum duka jutiik tukagtatsjume, Tuke Pujuu patatku tajume”, tiuwai.

(Proverbios) 1:20

Unuimatak antugtuktinme tusa jinta aidaunum untsumainawai.

(Isaías) 58:1

Apajuí mina chichagtak: “¡Ishamkagtutsuk senchi untsumkata, uwija kachuji shinaujai betek senchi chichakta! ¡Imatkum mina aentsug Jacob wegantu aina nunú pegkegchaun takamsamuji pachisam senchi chichagkata!

(Jeremías) 19:2

Dutikam dita uyuntamsagmatai, Ben-hinoman pakajin wetá. Nunikam yaakta waitiji ichinak duwejai najanamu tutaya nujai niniaku wajasam, wi amina akatjattajam nunú etsegkata.

(Jeremías) 2:1

Tuke Pujuu mina chichagtak:

(Jeremías) 2:6

Nunidau asag, dita apachji aidau Egipto nugkanum batsatun jiija yajuakan, uwejush yumi atsau, muja yumpunjau aidau, ishamain aents aidaush pujumainchau, makichkish nagkaemamainchau ishamain wegajunum wi kuitamsan emauwaitag nunak aneetsuk pachitkachajui.

(Jeremías) 7:2

“Jega Apajuí emematku ijuntainum wetá, nunikam nuwi wajasam juju chicham etsegkum: ‘Judá wegantu aidautijum Apajuí ememattag tusajum juju jeganum utsanin aidautijum, Tuke Pujuu Israel aents aidaun Apajuíji ashí senchigtina nuna chichamega nunú antuktajum: “ ‘Atumi pujutjum, pegkegchau takataijum aidaujai iwagmamjatajum, nunikagmin kuashat tsawan juju nugka juwi iwaku batsamsatnume titatjime.

(Oseas) 11:1

“Israel aents aidaunak tsakatuch ainaig nagkamsan aneen ayajai, wi ditanak mina uchig asagmatai, Egipto nugkanum batsatun jiijuitjai.

(Oseas) 2:15

Dutika unuinakan, niina nugken uva ajakbau ayá nunak imatiksanuk awagtuktatjai. Tuja muja Acoran pakaji pegkegchauwa nunak pegkeg awajsattajai, dutika ai nuwiyan yuwa pujustinai. Nuniak ataktu nagkama yama nagkamchak aya iman atatui, nuniak egiptunmaya jiinki shiig aneeya imanun anentaimtatui.

(Oseas) 2:7

Dutika ai, dita pakijin igkugtag tuinakush igkugchagtatui, tuja nuigtush wainkachagtatui. Nuninak: ‘Yama nagkamchakun aishinauwaitag nujai ima shiig pujuyajai, dekas niyai wakitkitjai’, titinai.

(Jonás) 1:2

“Nínive yaakat múunta nuwi wetá. Nunikam dita chichagkum, atumi pegkegchaujig Apajuíyai ashí wantinkae. Nuadui Apajuí suwimkan susagtatjai tujamui tusam ujakta”, tiuwai.

(Evangelio según San Mateo) 11:15

Ni antutaiji ajamuk antukti”, tiuwai.

(Evangelio según San Lucas) 12:13

Aents tuwakú aina nuiya makichik chichaak: —Maestroh, iina apají jaak wají ukugtamkimua nu, ame mina yatsug, yatsumjai akantuniktajum tujutta, tau.

(Deuteronomio) 33:3

Tuke Pujuuk niina aentsji aidaunak aneawai, tuja niinu etegjamu aidaunak kuitamui, nunú aidau Apajuín emematuinawai, nuninak nii umiktajum tibaun uminawai.

(Deuteronomio) 8:2

“Atum Egipto nugkanum batsatutigmin Tuke Pujuu atumi Apajuíjum jiipag jujamki cuarenta mijan uwegshunum awekapasua nunú makichkish kajimatkigpajum. Imaan mijan awekapasua nunak, ememataiji aidaun idaisatnume tusa, tuja nuigtu imanik waituinakush dekas mina chichamjunash umigtumainash aina tusa dekapjamak, dutijamauwai.

(Carta de San Santiago) 4:4

¡Aents umichu aidauwah! ¿Atumek dekatsjumek ju nugka juiyan imá senchi wakejuidauk Apajuin shiwaji wega duka? Makichik aentskesh nugkanmaya kumpají atatus wakegauk, Apajuí shiwaji najaneawai.

(Apocalipsis) 2:4

Tujash aminí makichik dakitamu ajutui, nagkamchakum anentium duka idaisaum dui.