(Jeremías) 2:13 - Awajún: Apajuí chichame pegkejam Porciones del Antiguo Testamento y el Nuevo Testamento

¹³ “Mina aentsug aidauk jimajan tudaun takamsaje: Yumi pukuni pujutan sukagtina duka witjai, nuniaig mina kajimatjukiag idaitusaje. Nuninak yumi aimtain chigkaejaun tikichin umikaje.”

(Jeremías) 2:13 Iomraidhean Croise

(2 Reyes) 22:17

Wagki dita aidauk mina kajimatjukiag pegkegchaun takainak, wainka apajuímtai aina nuna emematuinak, kugkuin incienson apenak shiig senchi kajemtijuinawai. Nuadui juju nugkanmaya aina nunak shiig senchi kajegkau asan, aní batsamtinme tusanuk idaisashtatjai. Ditanak tuke suwimkan susagtatjai.’

(Eclesiastés) 12:8

Wi Apajuí chichamen etsegnun juna ataktu tajai: “¡Juju pujuta juwig iman pegkejak makichkish atsawai! ¡Ashí wainak ainawai!”

(Isaías) 1:3

Tuja bakak, yaita niina kuitamnush nunak shiig wainui; tuja burro aidaushkam aents niyai entsamak wekaena nunak shiig dekainawai, untsu mina aentsug Israel aents aina duka wi kuitamsam batsatiatak mina shiwagmatuinawai.

(Isaías) 1:4

“¡Aents ayatak pegkegchaunak takau aidauk, pegkegchau takat aina nuna utuatmamkag batsamin ainawai! ¡Tuja pegkegchaun takajaku aina nuna uchiji wegantu aidaushkam, pegkegchaunak dekainayatak, nuninun yujaju asag Tuke Pujuu, pegkejam, Israel aents aidaun Apajuíjiya nuna kajimatkiag idaisaje!

(Isaías) 55:2

Waittsa takasa kuichik jukimua duka yutai sumaka yuwa yapajamu megkaekashtinaitkuik, wainka akikmakaik ajapmaitsui. Wi tajam nunú antukam yutai pegkeg yuwatnaitme.

(Isaías) 63:8

Apajuí chichaak: “Ditak mina aentsug asag, mina uchig, mina nawantug aina duwi intimjutmainchau ainawai. Nuadui dita pegkegchaujig kuashat aig, wait anentug uwemtikjauwai.

(Jeremías) 1:16

Nuni suwimkan susattajai, aents aidau mina umigtutsuk wainka apajuímtain tikich aents aidau emematin aina nuna dakumak najanawag, nuna emematuinak kugkuin incienson apenau asagmatai.

(Jeremías) 14:3

Wiakuch aidauk dita inake aidaun yumi egaktajum tusa ishimainawai, tusa tima yumi aimtainum shiyakag egainawai, tujash yumik atsawai. Nunitai yumi shikitainak wainak takus yuja yujakua waketuinak, puyatkiag datsantin buuken dukumakag waketuinawai.

(Jeremías) 15:6

Atumek mina idaitusjum pegkegchau takagtusugme. Nuniakjuminish wait anentau asan tsawanta ewae ewaekawan yawegjai, nuniku asan yamaik ijinattajime.

(Jeremías) 18:14

Muja Líbano titiji aidaunum bicha nujamag ayá duka makichkish megkaechauwai. Tuja entsa bichatin muja aidaunum ayá dushakam kuyuag megkaechauwai.

(Jeremías) 19:4

Wagki Israel aents aidauk mina kajimatjukiag, juju nugka junak Apajuí etegkachua nunin awajsag, ditash wainchataijin, tuja dita apachji aajaku aina dukesh wainajakchamun, Judá wegantu aidaun apuji aidaukesh wainchatai wainka apajuímtai aidaun emematuinak nuwi kugkuin incienson apé yujawai. Nunidau asag juju nugkanak aents takamsachu aina nuna numpeg awajsaje.

(Jeremías) 2:11

tikich aents dakumka najanamun emematin aina dusha, atum wajukeajum ankampash nuna idayinak, tikichin nemaju yujau aina. Nunú aents aidauk wainka apajuímtai dakumka najanamun pegkegchaun emematin ainayatkush, yapa yapajiakuag wechau ainawai. Tujash mina aentsug aina duka dakumka najanamu aidaun yujajak, dekas wi Tuke Pujuu senchigtinaitag nunak idaitusaje.

(Jeremías) 2:17

Nunak wi Tuke Pujuu atumi Apajuíjum asan, kuitamka itamaitkujum mina kajimatjukiu asajum dutikam asaugme.

(Jeremías) 2:26

Atumek kasa kasamkatatus wekagu wainkam datsaamama numamtuk, atumi apujum aidaujai, sacerdote aidaujai, profeta aidaujai ashí datsagtatjume.

(Miqueas) 2:8

Atumek mina aentsug aidaujai shiwagmaejume. Tuja maaniamunum shiyaku aidau uwemjajiapi tusag shiig aneas waketug minidaushkam, jáanch akik aidaun yajuak minidau atanjume.

(Miqueas) 6:3

“Tujash nunú ame eke chichaktin aminig wi tajame: ¿Wisha aminash itugkamjame? Atsa dutikachkunush ¿wajinma pegkegchaush awajkajame? Nunú tujutta.

(Evangelio según San Juan) 4:10

Tama Jesús ayaak: —Apajuí anentag awemamua nu yumin segapa nu dekakmek, dekas tajame, ameshkam segamainaitme, dutikamak nigka yumi iwakua nuna amamainai, tiu.

(Evangelio según San Juan) 4:11

Tutai nuwa chichaak: —Apuh, yumi shikitai takaktsum aniaumesh, yumishkam initka nunin aish, ¿tuwiya yumi iwakush sujustatme?

(Evangelio según San Juan) 4:14

untsu wi yumí susattag nuna uwajuk, tuke kitaagchatin ainawai, ayatak wi yumí susattag nunú niiní yumi pukuni jiinama imaní au asa, pujut tuke atina nu ajitnai, tiuwai.

(Evangelio según San Juan) 7:37

Fiesta ashimnamua nunú tsawan dekas imá puyatjusa anentaimtutai asamtai, nunú tsawantin Jesús wajantá senchi jiiká chichaak: —Makichik aentskesh kitabauk, minai tantati, nunik uwagti.

(Deuteronomio) 31:16

Nuwi Apajuí Moisésan chichajak: “Ame jakatnuk namput wajaschae. Nunika jakamin juju aents aina duka nugkan jukiagtata nuwi jegawag, nuwa aishin ukuak tikichjai weama numamtuk nuwiya aents aidau apajuímtai aina nuna emematuinak minak kajimatjukiag, wi ditajai chichaman umikuitag nunashkam umikchagtinai.

(Segunda carta de San Pedro) 2:17

Nunú aidauk yumigmat kuyuauwa nunin ainawai, yujagmin dase umpui juwama numamtin, nunú aidau batsamsati tibauk shiig suwe kanchi wajas awa nuuwai.

(Apocalipsis) 21:6

Nuigtú chichaak: “Yamaik ashimnake. Witjai nagkamtinish tuke pujusunuk atakea duish tuke pujutnunuk. Nagkamnamunmash nuigtú nagkanbaunmash wikitjai. Kitamaunak yumi pukuni jiina nu pujutan sukagtina nuna anenjauch susattajai uwagti tusan.

(Apocalipsis) 22:1

Nuniku ai, ángel iwaintugkabi makichik namak pujuta sukagtin tsuwatchau, vidrio saawiya iman, Apajuí ekeemtaijin Uwigjai eketbaunmaya jiintatman.

(Apocalipsis) 22:17

Nuniai Wakan nuigtú, Uwijá nuwega nujai: “Minitá”, tuinawai. Ni antaushkam “Minitá”, titi. Ni kitamauk minití, ni wakegauk yumi pujutan sukagtina nuna anenjauch uwagti.

(1 Samuel) 12:10

“Dutika depetkam wajantag nuadui Apajuín adeajag segainak: ‘Dekas iik Baal dakumkamu Astartéjai emematku tunamagji’, tiu ainawai. Nuna tusag iina shiwaaji waitkagmaina nuna ayamjutpakti tusa Tuke Pujuun segainak: ‘Ame ayamkagtukaminig, ima amek emematiagmi taji’ tiajui.