(Jeremías) 19:7 - Awajún: Apajuí chichame pegkejam Porciones del Antiguo Testamento y el Nuevo Testamento

⁷ Judá wegantu aidau Jerusalégnumia aidaujai chichaman umina nunak pachimjukan emegkatkattajai. Dutikan shiwag aidau maaniamunum ijinatnume tusan idaisagtatjai. Dutika ai nuwi jinawag tepetag waigkun chuwag aidau, kuntin kajen aidaujai amuktinme titatjai.

(Jeremías) 19:7 Iomraidhean Croise

(Isaías) 8:10

Atum waji dutikatag tajume duka umiktajum; tujash nunak Apajuí emegkaktatui; tuja atum waji dutikatasajum wakegagme dushakam chicham umiktajum, dutikakjumesh makichkish umikchattagme, wagki Apajuík jutijai pujawai.

(Jeremías) 15:2

Tuja tuwi shiyaktatji tusa inimpainakuig ame ayaakum: “ ‘Nii jatai jakati tibauk nunisag jakati; tuja nii maaniamunum jakatnuk nunisag maaniamunum jakati; untsu nujantai jakatnuk dushakam nunisag nujantai jakati; tuja achija yajuakam yujas waittsatnuk nunisag waittsatnume’.

(Jeremías) 15:9

Nuwa kuashat uchigtin aidauk wampainag iyajag nunisag jagtinai. Nunikag datsan dushikiam agtinai, Tuja etsa pegkeg etsantug au suwe wajastinai. Makichik aentskesh iwaku pujaunak tikich aents aidau maatnume tusan idaisattajai. Nunak dekas nuniktinun tajai”, tiuwai Tuke Pujuu.

(Jeremías) 18:21

¡Tujash yamaik ame dita uchiji aina duka nujantai jinaati tita! Untsu nuniachkush maaniamunum jinaati tita. ¡Nunikagmatai dita nuwe aidauk waje uchigtuchu juwakagtinme! ¡Tuja aents múun aidaunak jata ijinatnume! ¡Untsu datsa aidauk maaniamunum jinatnume!

(Jeremías) 7:33

Dutikamun, nuna ayamjumainuk atsau asamtai chuwag aidau, kuntin aidau yuwa amukagtinai.

(Carta de San Pablo a los Romanos) 3:31

Nunin asamtaig, ¿Jesucristo dekaskeapi tau asajin chicham umiktina duka wainak juwaka? ¡Makichkish nuninchauwai! Nunisag awai, ayatak nuní nagkaemas paan awasaji chicham umiktinush wajinma yaijatua duka.

(Carta de San Pablo a los Romanos) 4:14

wagki jutii judío aidauti chicham umiktajum tibauwa nunú umiaku jumainaitkuig, Apajuiyai dekaskeapi tabauwa duka ni anagkagtuamua nujaí wainak juwamainai.

(1 Samuel) 17:46

Yamai Tuke Pujuu mina yainkattawai amina maati tusa. Nuadui amina maan buukmin tsupigkattagme. Dutika ai amina iyashminak amina suntajum filisteo aidau jinaatta nujai chuwag aidau, kuntin yukagtin aidaujai yuwawagtatui. Dutika ai ashí tikich nugkanmaya aidauk dekawagtatui, Israel aents aidauti ememattaig Apajuí ima makichkia nuna”, tau.