(Jeremías) 19:4 - Awajún: Apajuí chichame pegkejam Porciones del Antiguo Testamento y el Nuevo Testamento

⁴ Wagki Israel aents aidauk mina kajimatjukiag, juju nugka junak Apajuí etegkachua nunin awajsag, ditash wainchataijin, tuja dita apachji aajaku aina dukesh wainajakchamun, Judá wegantu aidaun apuji aidaukesh wainchatai wainka apajuímtai aidaun emematuinak nuwi kugkuin incienson apé yujawai. Nunidau asag juju nugkanak aents takamsachu aina nuna numpeg awajsaje.

(Jeremías) 19:4 Iomraidhean Croise

(2 Reyes) 23:10

Tuja nuigtushkam muja najatamu wake Ben-hinom tutainum wainka apajuímtai Moloc dakumkamua nunú tsaika ukuutajum, nuna emematuinak dita uchiji aishmagkun, dutikachkush nawanjinakesh maa apeawainum tusa aentsun ishiakui.

(Jeremías) 1:16

Nuni suwimkan susattajai, aents aidau mina umigtutsuk wainka apajuímtain tikich aents aidau emematin aina nuna dakumak najanawag, nuna emematuinak kugkuin incienson apenau asagmatai.

(Jeremías) 15:6

Atumek mina idaitusjum pegkegchau takagtusugme. Nuniakjuminish wait anentau asan tsawanta ewae ewaekawan yawegjai, nuniku asan yamaik ijinattajime.

(Jeremías) 18:15

Tujash mina aentsug aidauk minak kajimatjukiaje, nuninak dakumka najanamu apajuímtai aidaun emematuinak kugkuin incienson apé yujawai. Dita yujatai jinta aya nuna imagkag wainak jintachunum yujawai.

(Jeremías) 2:13

“Mina aentsug aidauk jimajan tudaun takamsaje: Yumi pukuni pujutan sukagtina duka witjai, nuniaig mina kajimatjukiag idaitusaje. Nuninak yumi aimtain chigkaejaun tikichin umikaje.”

(Jeremías) 2:17

Nunak wi Tuke Pujuu atumi Apajuíjum asan, kuitamka itamaitkujum mina kajimatjukiu asajum dutikam asaugme.

(Jeremías) 2:19

Atumek intimkiu, pegkegchau takamin ainajum duwi dekas nunin ainagme tama ajume. Nuadui mina umigtichagtaish, waji utugchatak miniawa nunú wainkajum dekaskeapi titajum. Witjai apu Tuke Pujuu ashí senchigtinnuk, nunak dekas tajai.

(Jeremías) 2:30

Atumi uchijum aidauk suwimak suwakuish wainka dutikmainai, wagki imanik suwimka juinakush makichkish unuimainatsui. Atumek león kajeaujai betek mina profetag aidau ijinawaitjume.

(Jeremías) 2:34

Amina jáanchjum aidauk aents pegkegchaun takachu aina nuna numpen, ujudauch aidau numpejai maatug numpak wajasui. Makichkish takamsachu aig, tsagkugtsuk tuke aneasam mainaitme.

(Jeremías) 26:15

Tujash atum mina mantakjumek, utugchatak atumdau atatui, wagki aents utugchatji atsaig mau asajum. Wika wiki nagkamnukek tatsujai, dekas Tuke Pujuu etsegkata tujutbaun etsegjai”, tiuwai.

(Jeremías) 26:23

Dutikam yujajus Egipto nugkanum pujaun juki itawajui. Dutikawag apu Joaquiman ejetuawajui. Dutikawagmatai: “Maatajum, dutikajum aents jakau egkea ajaptai nugka taimua nuwi egkeatajum”, tusa inamjauwai.

(Jeremías) 7:9

Atumek kasamjume, magkagtagme, tikichi nuwejai tsanijinjume, nuninaitkujum tsanumkujum Apajuí anagmagme, tuja wainka apajuímtai aidau Baal tikich aina nujai yaunchkesh wainchau ainayatkujum emematkujum kugkuin incienso apé yujagme.

(Evangelio según San Lucas) 11:50

Nuadui ju aents aina junak Apajuí suwimkan susatnai ashí profeta aidaun nugka najanamu aajakua nui nagkamas maawaju aina nuadui,

(Deuteronomio) 13:6

“Amina yatsumkesh, amina uchigmekesh, nawanjumkesh, atsa amina nuwem aneetaigmekesh, nuniachkush amina shiig kumpagmekesh wakenmataik chichagtamak: ‘Apajuímtai tikich aidau ame wainchatain, tuja amina apakesh wainajakchamun emematmi’ tusa,

(Apocalipsis) 16:6

wagki ditak amina aentsjum pegkejam aidaun, nuigtú profetajum aidaunash mainak numpen ukajaju asagmatai, ameshkam dutiksamek numpa amame. ¡Dekaskenum ditak aatsa aikam amain ainawai!”

(Jueces) 5:8

Ashí Israel aents aidauk wainka apajuímtai aidaun emematiagmayi, nuniau asamtai, ame ditá maaniatnume tusam dita shiwaaji aidau ishitkabiume. Tujash ditak cuarenta mil suntag nagkigtin, tantaajintin ainakush sapigmaidau asag, maanimainji atsugbau wajukmaina nuniagmayi.