(Jeremías) 15:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Tuja tuwi shiyaktatji tusa inimpainakuig ame ayaakum: “ ‘Nii jatai jakati tibauk nunisag jakati; tuja nii maaniamunum jakatnuk nunisag maaniamunum jakati; untsu nujantai jakatnuk dushakam nunisag nujantai jakati; tuja achija yajuakam yujas waittsatnuk nunisag waittsatnume’.

(Jeremías) 15:2 Iomraidhean Croise

(Jeremías) 14:12

Yujumak ijagma pujusam segatkuminish, wika antugkashtatjame; kuntin aidau, trigo, cebada aidau kuashat anentag sujakjuminish, wika jujukchattajime. Wika atumnak maaniamunum, nujantai, jatai ijinattajime”, tujutmayi Apajuí.

(Jeremías) 14:16

Tuja tikich aents aidaun dita ujaina dushakam nunisag nuwe aidau, nawanji aidau, uchiji aidau aatus ashí nujantai, puyajai jinawagtatui. Nunik jinawagmatai, dita iyashi aidauk Jerusalén jinta ayá nuwi tepetag waigtatui, wagki ditan ukumainuk atsau asamtai. Nuni akikmakagtatui dita pegkegchau takamsamujinak.

(Jeremías) 19:7

Judá wegantu aidau Jerusalégnumia aidaujai chichaman umina nunak pachimjukan emegkatkattajai. Dutikan shiwag aidau maaniamunum ijinatnume tusan idaisagtatjai. Dutika ai nuwi jinawag tepetag waigkun chuwag aidau, kuntin kajen aidaujai amuktinme titatjai.

(Ezequiel) 33:27

“Tuja jushakam ujakta: ‘Israel aents aidau shiwag amuam ujumak iwaku juwaju yaakat tsaikbaunum batsata nunashkam ijinawagtatui, tuja aents ikam batsatunashkam kuntin kajen aidau yuwawagtatui. Tuja wainmainchau shiig peeja apakbaunum, waanum uumak batsataidauk jatai jinawagtatui. Witjai apu Tuke Pujuunuk nunak dekas uminkatnun tajai.

(Daniel) 9:12

Ame yaunchuk ujajatkamu umiakum, jutii pegkegchau takasbaunum, tuja iina apuji aidaush pegkegchau takasagbaunum suwimak ishamain shiig katsunmainchau, yaunchuk Jerusalégnum aents iina shiwaaji aidau batsatu suwimak suwakmesh imatika susachbau sukagtusume.

(Amós) 5:19

Nunú tsawantinig makichik aents león aintam tupika wekama, chayujai igkuniak wajuk anentaimainaita iman atatui. Nuniachkush jegá waya tanishnum atumkama, nuwi dapi tepau esaim anentaimaina iman atatui.

(Apocalipsis) 13:10

“Ni achiká juwam amainuk, achiká jukimu agtatui, ni espadayai maam amainuk, espadayai maam agtatui”. Ju nuniamunum, Apajuí aentsji pegkejam aidau waitiamu katsuntan, dekaskeapi tutan unuimamain ainawai.