(Jeremías) 15:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Tuke Pujuu chichagtak: “Juju aents aina nunú wait anenjata tusa Moisés, Samueljai segatainakuish, wika juju aents aina nunak wait anenmaitsujai. Jiinag shiyaktinme tujamui tusam ujakta, dutikam jiinag shiyaktinme.

(Jeremías) 15:1 Iomraidhean Croise

(Génesis) 19:27

Nuna Apajuí tsaiku ai kashikmas Abraham nii Tuke Pujuujai chichaaku wajasbaunum weuwai.

(Jeremías) 14:11

Nuna tusa Tuke Pujuu mina chichagtak: “Jeremíasah, anú aents aina nuna yaigti tusam segatkumek waitkagsaipa.

(Jeremías) 14:12

Yujumak ijagma pujusam segatkuminish, wika antugkashtatjame; kuntin aidau, trigo, cebada aidau kuashat anentag sujakjuminish, wika jujukchattajime. Wika atumnak maaniamunum, nujantai, jatai ijinattajime”, tujutmayi Apajuí.

(Jeremías) 15:19

Tusa ti ai Tuke Pujuu aijak: “Nunú anin wainka tuu wekaetsuk, awake anentaimjam minai minakminig, mina chichamjun etsegtujin ati tusan yaigtatjame. Dutika ai ame mina profetag atatme. Amek ditaig waketmaitsume, auk dita aminí minimain ainawai.

(Jeremías) 18:20

¡Wi egkema jakatnujun waa muuntan tautjiaje! ¡Wika ditanak pegkegnum yayamaitak, dita mina aan iiktuina duka pegkegchauwai! Wi ditan wait anentakun juwi taan, suwimak susaipa tusan amina segajam nunú adeagta.

(Jeremías) 9:19

Nunik Siógnum nagkamas buutuinak: ‘¡Jauchah, wagkaik imatika tsayamash asaji! Iina jee aidaunak ashí tsaigtamkaje, tikich nugkanum shimaku ukukiagmi’, wajaidau antuenawai.

(Deuteronomio) 9:26

Nuwi pujusan niina senchi segaakun: ‘Tuke Pujuu Apajuíyah, ame tujinmainuk makichkish atsawai. ¡Nuadui juju amina aentsjum aidau, Egipto nugkanum batsatu amina senchigmijai jiijuitam duka, wait aneasam ijinawaipa!

(Carta a los Hebreos) 9:24

Cristuk jega tesamu Shiig Pegkejam tabaun aents umikajua nuig wayachui, duka dekas nayaimpinum awa nu dakumká najanamu aajakui. Nigka dekas nayaimpinum wayauwai. Yamaik awi Apajuijai pujus, jutiin Apajuin aujtugmaji yaimpakti tusa.

(Jueces) 5:9

See tajame amina Tuke Pujuuwah, tuja Israel aents aidaun apuji aina nunashkam shiig anentuinajai, wagki ujumak wajiu aina nunú maaniawaju asagmatai. ¡Nuadui Tuke Pujuu ashí ememattajum!

(1 Samuel) 12:19

Nuadui aents aidau Samuelan chichajuinak: “Amina aentsjum aidauti pachijattsam Tuke Pujuu amina Apajuíjum segata, wagki jinawaig tusa ishamaji. Iik apu sumá yujasa nuni senchi iina tudauji ikauntumakji”, tuidau.

(1 Samuel) 12:23

“Untsu wika atumnak mijattsuk Tuke Pujuun segattatjime, nuna dutikashkunuk pegkegchaun takakun nunimainaitjai. Nuigtushkam aents pegkeg atinme tusan jintintuattajime. Duka juju ainawai:

(1 Samuel) 7:9

Tusa imatiagtai Samuel uwig tsakat aishmagkun juki takamchaun patai ashí apeak Tuke Pujuun emematiuwai. Nuna dutika Tuke Pujuun segauwai Israel aents aidau kuitamkata tusa. Tusa segam Tuke Pujuu ayu tiuwai.