(Jeremías) 14:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Wiakuch aidauk dita inake aidaun yumi egaktajum tusa ishimainawai, tusa tima yumi aimtainum shiyakag egainawai, tujash yumik atsawai. Nunitai yumi shikitainak wainak takus yuja yujakua waketuinak, puyatkiag datsantin buuken dukumakag waketuinawai.

(Jeremías) 14:3 Iomraidhean Croise

(2 Samuel) 15:30

Nuninai David Olivo nain tutainum wakauwai. Nuwi weakug sapati weamatsuk wake besemag dekapeak datsaamamunum buuken dukuka buu buutkawa weuwai. Nunitai aents aidau niina uyudaidaushkam nunisag buuken dukuka buu buutuinakua shimuidau.

(2 Samuel) 19:4

Nuninai apu David yapiin jáanchi dukumak senchi jiika buutak: “¡Uchuchi Absalógka! ¡Uchuchi Absalógka! ¡Uchuchi Absalógka!” wajau.

(1 Reyes) 17:7

Tujash yumi yutachu asamtai, nunú entsak dukap atsuk kuyua buku wajasui.

(2 Reyes) 18:31

Tusa tujama duka antugkaigpa. Asiria apuji mina atumi ujakti tusa akaatak: “ ‘¡Intimtsuk wijai chicham epegkeajum mina inataig atajum, nunika shiig batsamsajum maki makichkitijum nii ajakmamunmayan uvan, higo aidaun aatus yuwawagtatui, tuja yuminashkam dita taimunmayanak uwajagtatui!

(Salmos) 40:14

Aents aidau mina mantuawagtatus wakejutuina duka ame inatsakta; dutikamu asag, mina pegkegchau awajtuktatus anentaimaina duka datsantin pisagtinme.

(Jeremías) 14:4

Tagkugtin aidauk yumi yutachu asamtai, nugka buku wajasmatai, senchi puyatuinak buuken dukuinawai.

(Jeremías) 15:18

¿Wagka tujash imaniknush waitush pujaja? ¿Wagka wi imanikan waitiag dusha megkaemainchauwaita? Niimpap yainkattawa timajai, tujash idaitusume, amek yumi pukuni jiinu kuyua buku wegama numamtin wajasume”, tiabiajai.

(Jeremías) 2:13

“Mina aentsug aidauk jimajan tudaun takamsaje: Yumi pukuni pujutan sukagtina duka witjai, nuniaig mina kajimatjukiag idaitusaje. Nuninak yumi aimtain chigkaejaun tikichin umikaje.”

(Jeremías) 2:37

Mina kumpag ainawai tame nunak wi dakitjan idaisajai. Nuadui amek egiptunmaya aidaujai atunikan maaniatjai tukamam depetamkagmatai, datsaaja wake besekam wakitkittame. ¡Amina kumpajum ainakush makichkish yaimpakchagtatui! tujamui Tuke Pujuu”, tiuwai Jeremías.

(Jeremías) 20:11

“Tujash Tuke Pujuuwah, amek maanitan yacha depetmainchauwaitme, ame wijaig tuké pujame; nuadui mina aintuina duka minak depetukchagtatui. Ame depetkamu asa datsagkag, ame dutikamua nunak makichkish kajimatkishtinun tuke augmatu yujatin atinme.

(Oseas) 2:3

Nuna nuniachkuig, jáanchjin awitkan nii yama akiinak wisu akiinauwa nunin awajsattajai. ¡Dutikan uwejush nugka buku takasa pujumainchau awajsattajai! Dutika ai kitakai jinattawai.

(Joel) 1:20

Entsa aidauk kuyuka buku waigke, tuja jii kegak dupanak ashí ijinae. ¡Imanikmatai kuntin ikamia aidaushkam Apajuí yaimpakti tusag ima aminak segapainawai!

(Amós) 4:7

“Tuja nuigtushkam ajak juut jegau aig, kampatum nantui yumin yutumtijachmaijai. Makichik yaaktanmak yutumtijamiajai, untsu tikich yaaktanmak yutumtijachmaijai. Tikich yantamnumak yumi yutuju asamtai, nugka chupika pegkeg wajas amayi, nuniai untsu tikich yantamnum yumi yutugchau asamtai, ajakak kagaka amayi.

(Amós) 4:8

Nunikmatai aents aidauk yumin egainak maki makichik yaaktanum yujabi, imanik yujainakush kuashat uwaja kitak amikmainnakesh wainkachagmayi, tuja imanika waitiakjumesh minak umigtukchabiugme.