(Jeremías) 1:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ Makichkish ishamkagtukaipa wi aminak kuitamkattagme, wi nunak dekas umiktinjun tajai”, tujutmayi.

(Jeremías) 1:8 Iomraidhean Croise

(Éxodo) 3:12

Tutai Apajuí ayaak: “Wi aminak uyuuntsattagme. Mina aentsug ame wegantu aidau Egipto nugkanum batsata nunú jiija yajuakam, ashí atum aidautijum juju muja juwi emematjitnaitjume. Nunú betek uminkui dekattame wi amina awemajam nunú”, tiuwai.

(Isaías) 43:2

Yumi piyajunum nagkaemakminish, wi kuitamkattagme, tuja namak aidau katitkuminish, jakejai tusan kuitamkattagme; tuja jii kegamunum nagkaemakmesh esashtinaitme, jii kegak nimpaush dekapjashtinaitme.

(Jeremías) 1:17

Untsu amek umintsata; nunika weme wi amina titatjam nunú ashí etsegkata. ¡Wainka ishamkagtukaipa! Ishamkagtakminig shiwagjai igkuniak sapijin kujaiti titatjame.

(Jeremías) 1:19

Jetepakagtatui, tujash depetamkachagtinai, wagki wi amina kuitamkatasan, amejai pujau asamtai. Witjai Tuke Pujuu ashí senchigtinnuk, junak dekas uminkatnun tajai”, tiuwai.

(Jeremías) 20:11

“Tujash Tuke Pujuuwah, amek maanitan yacha depetmainchauwaitme, ame wijaig tuké pujame; nuadui mina aintuina duka minak depetukchagtatui. Ame depetkamu asa datsagkag, ame dutikamua nunak makichkish kajimatkishtinun tuke augmatu yujatin atinme.

(Daniel) 3:17

Ame jinum egkejatuawaminish, Apajuí ii emematnaitag nunú iinak uwemtijamainai, tuja ame itugkami tukagtame, nunashkam iinak Apajuí uwemtijamjattawai.

(Daniel) 3:25

Tusa tiagtai apu chichaak: “¿Wagka tujash ipak usumta imanish chimpijua? Jigkagbaunak atimawag jii sukuachbau wajukmaina numamtuk shiig yujawai. Nuigtushkam ipak usumta nuwiya makichik ángeljai betekai”, tiuwai.

(Evangelio según San Mateo) 10:26

“Nuadui ditak ishamkaigpajum; wagki uukbau wantintsuk juwaktinuk makichkish atsawai, antsag dekaachbau dekantsuk juwaktinchakam makichkish atsawai.

(Evangelio según San Mateo) 28:20

dutikakjum ashí ju umiktajum, atumin tiuwaitjim dushakam jintintuatajum. Wika ashí tsawantai, nugka nagkanbau atina duish atumjaig tuke pujutnaitjai. Aatus atí.

(Los Hechos de los Apóstoles) 18:10

wagki wi amijaig ajai, makichkish pegkegchau awajtamkatasag achigmamainchau ainawai, ju yaakta jui mina aentsug aidauk kuashat ajutui”, tiuwai.

(Los Hechos de los Apóstoles) 26:17

Judío aidau nuigtú judiochu aidau kajegtamainakuish wi ayamjuktatjame, dutikatin asan dita batsatbaunum awemajame,

(Los Hechos de los Apóstoles) 4:13

Pedro Juagjai ajankas chichainamun apu aidau wainkaju, nunikag papinash ausachu, unuimatnash unuimagchau aina nuna dekaidau asag anentai jegagchaju, nunikag Jesusa jintintaimpap ainawa tusag, dekawajui.

(Los Hechos de los Apóstoles) 4:29

Nunin asamtai Apuh wainme amina inakem aidaun awantuina nunú, senchijum susata, ditash ishamkagtutsuk chichamjumin etsegkatnume,

(Carta de San Pablo a los Efesios) 6:20

Apajuí minak ju chicham etsegkata tusa awetiuwai, nunú etsegbaunum yamaik cadenayai jigkatjagmatai pujajai, nuniau asamtai minash Apajuí segatjitajum ishamkagtutsuk niina pachisan etsegkatjai.

(Deuteronomio) 31:6

Mijamtsuk wajiu wajastajum. Atumi shiwaajum aina nujai maaniakjumesh ishamkagtukaigpa, wagki Tuke Pujuu atumi Apajuíjum atumnak kuitamjamui, nuniau asa ima atumnakek kajimatjamkig idaitamsashtatui”, tiuwai.

(Deuteronomio) 31:8

Tuke Pujuu aminak uyuuntamak, nigki kuitamjamkattawai. Nuniau asa ima aminakek kajimatjamkig idaitamsashtatui. Nuadui amek ishamkagtukaipa tuja sapigmatash sapigmakaipa”, tiuwai.

(Josué) 1:5

Aminak makichkish depetamkashtin ainawai. Moisésan kuitamajakuitag dutiksanuk wi aminak kajimatki idaitsuk tuke kuitamkattagme.

(Josué) 1:9

“¡Aishmag wajasta! Wi aminak inajan awemagme. ¡Ishamkagtukaipa, awakesh anentaimjaipa, wagki witjai Tuke Pujuu amina Apajuígminuk! Tuja ame tuwi wekaetatme nuwi wika amejai pujuttajai”, tiuwai.