(Jeremías) 1:19 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁹ Jetepakagtatui, tujash depetamkachagtinai, wagki wi amina kuitamkatasan, amejai pujau asamtai. Witjai Tuke Pujuu ashí senchigtinnuk, junak dekas uminkatnun tajai”, tiuwai.

(Jeremías) 1:19 Iomraidhean Croise

(Jeremías) 1:18

Wi aminak yaakat peejamu utumainchawa iman, jiju hierro ajiamu kupinchauwa iman, tuja yaakat broncejai peejamu tsaika utumainchawa iman awajsajame. Judá wegantu aina nuna nugkenig, tuja dita apuji aina nujaishkam, sacerdote aina nujai nagkamas ashí aents aina nuna chichagkati tusan senchimtikajame.

(Jeremías) 1:8

Makichkish ishamkagtukaipa wi aminak kuitamkattagme, wi nunak dekas umiktinjun tajai”, tujutmayi.

(Jeremías) 18:18

Aents aidau chichainak: “Sacerdote aidau, aents yacha aidau, profeta aidau Apajuí chichamen iina jintinjamainuk tuke aitnai. Nuadui nii tawa duka makichkish antugkachmi, dutikaku Jeremíasak chicham umigka tsanumjuja maa ajapami”, tuidau.

(Jeremías) 2:1

Tuke Pujuu mina chichagtak:

(Jeremías) 20:10

“Aents aidau tuke aneas dushiktus chichainak: ‘¡Ashí yantamnum sapigmainaji!’ tuinawai. Tikichnashkam chichainak: ‘¡Kaunatajum tsanumjuja utugchat apujtusmi!’ tuidaunash antajai. Mina shiig kumpauchig aidaush itusag pegkegchaun takasa tusa utugchatan egatjuinawai. Nuninak: ‘Tsanusa dekapsami, dutikkama ajuaik depetka emegkaktatji’, tujutuinawai.

(Jeremías) 20:11

“Tujash Tuke Pujuuwah, amek maanitan yacha depetmainchauwaitme, ame wijaig tuké pujame; nuadui mina aintuina duka minak depetukchagtatui. Ame depetkamu asa datsagkag, ame dutikamua nunak makichkish kajimatkishtinun tuke augmatu yujatin atinme.

(Jeremías) 26:8

Tuja Tuke Pujuu tita tibaun ashí tusa inagnakmatai, sacerdote aidau, profeta aidau, ashí aents aidaujai ijuntujag Jeremíasan achikajui. Dutikawag chichajuinak: “¡Amek yamaik mantamnattame!

(Daniel) 3:25

Tusa tiagtai apu chichaak: “¿Wagka tujash ipak usumta imanish chimpijua? Jigkagbaunak atimawag jii sukuachbau wajukmaina numamtuk shiig yujawai. Nuigtushkam ipak usumta nuwiya makichik ángeljai betekai”, tiuwai.

(Números) 14:9

Nuadui Tuke Pujuujaig dekas shiwagmagawaigpa, nuwiya aents aina dusha ishamkaigpajum, wagki ditak jutijaig shiig wainkaush ainawai. Dita yaimainuk shiig atsawai, untsu iinak Tuke Pujuu yaimpawai. ¡Nuniau asamtai ishamkaigpajum!” tiuwai.

(Los Hechos de los Apóstoles) 26:17

Judío aidau nuigtú judiochu aidau kajegtamainakuish wi ayamjuktatjame, dutikatin asan dita batsatbaunum awemajame,

(Josué) 1:9

“¡Aishmag wajasta! Wi aminak inajan awemagme. ¡Ishamkagtukaipa, awakesh anentaimjaipa, wagki witjai Tuke Pujuu amina Apajuígminuk! Tuja ame tuwi wekaetatme nuwi wika amejai pujuttajai”, tiuwai.