(Jeremías) 1:18 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁸ Wi aminak yaakat peejamu utumainchawa iman, jiju hierro ajiamu kupinchauwa iman, tuja yaakat broncejai peejamu tsaika utumainchawa iman awajsajame. Judá wegantu aina nuna nugkenig, tuja dita apuji aina nujaishkam, sacerdote aina nujai nagkamas ashí aents aina nuna chichagkati tusan senchimtikajame.

(Jeremías) 1:18 Iomraidhean Croise

(Isaías) 50:7

Tuke Pujuu, apua nunuwai mina yainta duka, nuadui pegkegchaun chichagtuina nunak wika najaimatsjai. Nuadui wika kaya múun umuchmainchawama iman wajasan pujuyajai, nuadui wika wainka inatsamak achattajai.

(Jeremías) 1:17

Untsu amek umintsata; nunika weme wi amina titatjam nunú ashí etsegkata. ¡Wainka ishamkagtukaipa! Ishamkagtakminig shiwagjai igkuniak sapijin kujaiti titatjame.

(Jeremías) 1:19

Jetepakagtatui, tujash depetamkachagtinai, wagki wi amina kuitamkatasan, amejai pujau asamtai. Witjai Tuke Pujuu ashí senchigtinnuk, junak dekas uminkatnun tajai”, tiuwai.

(Jeremías) 15:10

“¡Chah, dukuwa wika senchi anentaimkun waitiajai! ¡Wika akiinmainchaunas akiinawamiagtai! Wika makichik aentsnakesh pegkegchauk awagmachuitjai, tujash minak ashí pegkegchaun chichagtuinawai, dutijuinak shiwagmatuinakui ditajai maaniajai.

(Jeremías) 15:20

Juju aents aina nuna emtinig wi aminak yaakat broncejai peejamua iman awajsattajame. Amina shiwaajum aidau jetepainakush depetamkachagtatui, wi aminak ayamjukan uwemtijattagme. Witjai Tuke Pujuunuk, nunak dekas dutikatin asan tajai.

(Jeremías) 20:11

“Tujash Tuke Pujuuwah, amek maanitan yacha depetmainchauwaitme, ame wijaig tuké pujame; nuadui mina aintuina duka minak depetukchagtatui. Ame depetkamu asa datsagkag, ame dutikamua nunak makichkish kajimatkishtinun tuke augmatu yujatin atinme.

(Jeremías) 26:24

Tuja Zafagka uchiji Ahicam Jeremíasan wait anentau asa, aents aidau maawainum tusa ayamjukui.

(Jeremías) 37:7

“Judá apuji aents chichama etsejin aidaun awemama nunú ujakta: Egiptunmaya suntag aidau dita ayamjuktatus minina duka dita nugken waketjattawai.

(Jeremías) 38:18

Untsu ame nunishtaik, juju yaaktanak babilonianmaya aidau utsantuawag apeawagtatui, dutikainakui atumshakam makichkish uwemjashtatjume’ tujamui”, tiuwai.

(Jeremías) 38:2

“Tuke Pujuu chichaak: ‘Juju yaaktanum juwak pujauk maaniamunum, nujantai, jatai aatus jinawagtatui, untsu babilonianmaya suntag aidaunum sujumanuk, pujutjinakesh uwemtijattawai.’

(Jeremías) 6:27

Tuja Tuke Pujuu mina chichagtak: “Wi aminak mina aentsug aina nuna pujutish wajukuk ainawa nuna diigsati tusan apusabiagme”, tujutmayi.

(Evangelio según San Juan) 1:42

Tusa Simogkan juki Jesús pujamunum ejegauwai, dutikamtai Jesús wainak, chichajak: —Amek Simogkaitme, Juagká uchijí, tujash yamaik amek Cefas atatme, tiuwai. (Cefas tawa nunak Pedro taku tawai.)

(Apocalipsis) 3:12

Depetmakunak wi, jega mina Apag ememattaiya nui awayattajai, dutikamu asa nuig tuke pujutnai; dutikan mina Apajuiju daajin, nuigtush mina Apajuiju yaaktaji yamajam Jerusalegka nuna daajin, mina Apajuig nayaimpinum puja nuiya akaikitna nuna, nuigtú mina daag yamagma nunashkam niiní agagtinaitjai.