(Jeremías) 1:16 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁶ Nuni suwimkan susattajai, aents aidau mina umigtutsuk wainka apajuímtain tikich aents aidau emematin aina nuna dakumak najanawag, nuna emematuinak kugkuin incienson apenau asagmatai.

(Jeremías) 1:16 Iomraidhean Croise

(2 Reyes) 22:17

Wagki dita aidauk mina kajimatjukiag pegkegchaun takainak, wainka apajuímtai aina nuna emematuinak, kugkuin incienson apenak shiig senchi kajemtijuinawai. Nuadui juju nugkanmaya aina nunak shiig senchi kajegkau asan, aní batsamtinme tusanuk idaisashtatjai. Ditanak tuke suwimkan susagtatjai.’

(Isaías) 44:15

Nunú kampuaju aidaun ajakag kanawen tsupig yajumainawai jiin ikapag anamawagtinun, untsu tikichnak pag inajuatnun juwinawai. Dutikainak wainka apajuímtain dakumak najanatnunashkam juwinawai, dutika najanawag emematuinawai.

(Isaías) 65:3

Nunú aents aidauk mina igkuntuawag tuke inastuinawai. Dita aidauk apajuímtai dakumka najanamun emematuinak, kuntinu maawag ikam yujasag, kaya pataja najanamunum nuwi patainiag apé yujau aajabi. Nuigtushkam ladrillo najanamunum kugkuin incienson apé yujau ainawai.

(Jeremías) 15:6

Atumek mina idaitusjum pegkegchau takagtusugme. Nuniakjuminish wait anentau asan tsawanta ewae ewaekawan yawegjai, nuniku asan yamaik ijinattajime.

(Jeremías) 18:15

Tujash mina aentsug aidauk minak kajimatjukiaje, nuninak dakumka najanamu apajuímtai aidaun emematuinak kugkuin incienson apé yujawai. Dita yujatai jinta aya nuna imagkag wainak jintachunum yujawai.

(Jeremías) 19:4

Wagki Israel aents aidauk mina kajimatjukiag, juju nugka junak Apajuí etegkachua nunin awajsag, ditash wainchataijin, tuja dita apachji aajaku aina dukesh wainajakchamun, Judá wegantu aidaun apuji aidaukesh wainchatai wainka apajuímtai aidaun emematuinak nuwi kugkuin incienson apé yujawai. Nunidau asag juju nugkanak aents takamsachu aina nuna numpeg awajsaje.

(Jeremías) 2:13

“Mina aentsug aidauk jimajan tudaun takamsaje: Yumi pukuni pujutan sukagtina duka witjai, nuniaig mina kajimatjukiag idaitusaje. Nuninak yumi aimtain chigkaejaun tikichin umikaje.”

(Jeremías) 2:17

Nunak wi Tuke Pujuu atumi Apajuíjum asan, kuitamka itamaitkujum mina kajimatjukiu asajum dutikam asaugme.

(Jeremías) 2:19

Atumek intimkiu, pegkegchau takamin ainajum duwi dekas nunin ainagme tama ajume. Nuadui mina umigtichagtaish, waji utugchatak miniawa nunú wainkajum dekaskeapi titajum. Witjai apu Tuke Pujuu ashí senchigtinnuk, nunak dekas tajai.

(Jeremías) 2:28

Tuja atum aidautijum atumek dakumka najanamu apajuíma yujaujum dusha ¿wajukawaje? Atumi apajuímtai aidauk yaakat kuashta iman ainawai. Nunú aidau kaunawag atum ishamain igkuagminish ayamjutpaktinme.

(Jeremías) 7:17

“Judá wegantu aidau nugken tuja Jerusalégnum jinta aina nuwi pegkegchaun takaina duka ¿amek waintsumek?

(Jeremías) 7:18

Uchi aidau chigkimin ikaunmainawai, múun aidau jiin ikapainawai, nuwa aidau pagkan inajuinawai dita apajuímtaiji nuwa shigmauch nayaimpinmaya etegkamu tuina nuna emematuinak susatnun. Dutikainak nuigtushkam tikich wainka apajuímtai aina nuna emematuinak, vinon suwina duka mina dushiktuinak aninawai.

(Jeremías) 7:9

Atumek kasamjume, magkagtagme, tikichi nuwejai tsanijinjume, nuninaitkujum tsanumkujum Apajuí anagmagme, tuja wainka apajuímtai aidau Baal tikich aina nujai yaunchkesh wainchau ainayatkujum emematkujum kugkuin incienso apé yujagme.

(Oseas) 11:2

Dutikamaitak mina umigtutan dakituinak nuni senchi tupanjuyanume, nuninak wainka apajuímtai aidaun emematuinak kuntinun maa apeenak, kugkuin inciensonashkam apeeyanume.

(Joel) 2:11

Tuke Pujuu niina suntaji aidaujai minak chichamujig ipamtajai betek wajawai, Tuke Pujuu suntajig senchigtin ainawai, Tuke Pujuu tabaun umin aidauk shiig kuashat dekapamainchau ainawai. ¡Tsawan Apajuí minamuk ishamain atatui! ¡Imanun atsaneg pujumainuk makichkish atsawai!

(Los Hechos de los Apóstoles) 7:41

Tusag toro tsakat niimtinun najanawaju, dutika kuntinun maa apeenak dita najanamujin eme anentuinak, fiestamaidau.

(Deuteronomio) 31:16

Nuwi Apajuí Moisésan chichajak: “Ame jakatnuk namput wajaschae. Nunika jakamin juju aents aina duka nugkan jukiagtata nuwi jegawag, nuwa aishin ukuak tikichjai weama numamtuk nuwiya aents aidau apajuímtai aina nuna emematuinak minak kajimatjukiag, wi ditajai chichaman umikuitag nunashkam umikchagtinai.

(Josué) 24:20

“Atum aidautijum nii umigtsuk kajimatki idaikujum, tikich wainka apajuímtai aina nunú emematu yujagminig, wait anenjamag ayamjutpak uwemtijamjau akush, tuke suwimkanak amasagtinai”, tiuwai.

(Apocalipsis) 9:20

Tujash tikich aents aidau nujantai jakachu aidauk, pegkegchau takaamujin idaiyas yapajintsuk, Iwanch aidau ememattanash idaitsuk, orojai dakumká najanamu aidaun, jiju platayai najanamu, broncejai najanamu, kayajai najanamu, numí aina nujai najankamu aidaun emematiagmayi, wainmachu, antutnash antuchu, wekaetanash wekaechau aina nuna;