(Jeremías) 1:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ “Antukta nijah, aminak yamai nagkamas aents nugka muunnumia aidaush, nuna apuji aidaush antugtamkagtinun, tuja tsaiktinun, ijinatnun, tsaikbau ataktu yaaktamkatnun ajakmatnum senchimtikajame”, tujutmayi.

(Jeremías) 1:10 Iomraidhean Croise

(1 Reyes) 17:1

Profeta Elías Tisbénmaya aajakua nunú apu Acabpan chichajak: “¡Juju mijana duwi nagkama yumi yutugchattawai, wi yutugti tama yutugtin asa! Tuja sajattanakesh sajatkashtatui. ¡Junak Israel aents aidau Tuke Pujuu Apajuín emematin aina nuna wi umijag nuna daajin dekas uminkatnun tajai!” tiuwai.

(1 Reyes) 19:17

Dutikawamin Israel aents aidau Baalan emematiu aidaunak Hazael kajegtatui. Dutika kajeam pisagmataish, Jehú ijinattawai. Untsu Jehú maatag tama pisagmataig, Eliseo ijinattawai.

(Eclesiastés) 3:3

Tsawan jegawai aents maamu, tuja aents jakui tsuwamu, yaakat tsayamu, tuja yaakat tsaikbau ataktu yaaktabau jegawai.

(Jeremías) 1:5

“Wi aminak eke akiintsuminig, mina chichamjun ashí nugkanum etsegtugkati tusan etegkauwaitjame”, tujutmayi.

(Jeremías) 31:28

Tuja tsaiktasan, ijinatasan, tegaktasan, aneaku pujuyag nunisnuk yamaishkam yaakat tsaikbaun ataktu yaaktamkatasan, ataktu ajakmatasan, ataktu iwajatasan nunú betek uminkati tusan aneaku pujuttajai. Witjai Tuke Pujuu, nunak dekas uminkatnun tajai.

(Jeremías) 31:40

Tuja aents jakau aidau ukutai, yuku aidau utsautai wake aina duka ashí midau atatui. Tuja nuigtushkam nugka agkan takaschamu entsa Cedrón tutaya aatus nagkamas, caballo waitai tutai etsa minitaiya nuni awa imanui nagkatkauwa duka ashí midau atatui. ¡Atakea duish Jerusalégkak ataktu awagki tsayamak achatnai!” tiuwai.

(Jeremías) 36:2

“Jeremíasah, duwap ikamkata, dutikam wi Israel aents aidaun, Judá wegantu aidaun, tuja tikich nugkanmaya aidaunashkam pachisan apu Josías pujusmatai nagkamsan timajam nunú yamai tajam nujai ashí ijumjam agagta.

(Ezequiel) 36:36

Tuja imatika tsaikbaunash wi ataktu jegamjan, tegagbaunash ataktu ajakmakan uminaitag nuna diisag, Israel aents aidau nugken tikich yantamnum aents iwaku pujuidauk dekas Tuke Pujuuwap aikae tiagtinai. Witjai Tuke Pujuunuk, nunak dekas umiktatjai.

(Oseas) 6:5

Nuadui, wi mina profetag aidaun akatja ishiaka ai, yujasag dita mina chichamjun etsejuinamu chaajip iyaak tsaimaina imatijamawaje, wi shiig takamua duka jii keeka tsaaptin emaama imanai.

(Amós) 3:7

Tuke Pujuu niina aentsji profeta aidaun dekamtiktsukek nii wakegamu ataish, nigkik makichkish dutikatsui.

(Amós) 9:11

“Nunú tsawan jegakui, Davita aakji tegaekau ataktu aakmamaina numamtuk, ataktu nii wegantunmaya Israel aents aidaun apuji wajas inamjatnai. Nuadui yaunchuk ayanum iman wajasagtinai.