(Génesis) 8:16 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁶ “Arcanum ame, amina nuwem, uchijum aidau, uchigmin nuwe aidaujai chimpigjum nunú ashí jiinjatajum.

(Génesis) 8:16 Iomraidhean Croise

(Génesis) 7:1

Apajuí Noén chichajak: “Ashí tikich aents aidaujai diismash, amek ima wi wakegamua duke umiakum pujame. Nuadui ame amina pataim uchijum aidaujai arcanum egkematajum.

(Génesis) 7:13

Nunú tsawantinig Noé niina uchiji Sem, Cam, Jafet aatus aajakua nujai, tuja niina nuwe, nuigtu kampatum niina uchiji nuwe aidau aatus arcanum egkemawajui.

(Génesis) 7:7

Tsawan yumi yutugtin jegamtai, nujagken uwemtugtasag Noé, niina nuwe, uchiji aidau, uchiji nuwe aidau aatus arcanum chimpimauwai.

(Génesis) 8:15

Ashí kuyua buku wajasmatai Apajuí Noén chichajak:

(Génesis) 8:17

Tuja ashí kuntin: chigki aidau, kuntin tagkumtai aidau, kuntin japiinas yujau aidau amejai chimpija dushakam ashí jiigta. Dutikawamin ashí yantamnum shiyaktinme, nunik yujaktinme, nuniak ashí nugkanum piyaktinme”, tiuwai.

(Salmos) 121:8

Tuke Pujuuk yamaya juwish, tuja ajumaish ame tuwi wetatme nuniaminish, tuja wakitki minaminish, nigki tuké kuitamjamkatnai.

(Salmos) 91:11

Wagki Apajuí ángel aidaun ishiaktatui ame tuwi wekaetatme nuwi kuitamjamkatnun.

(Zacarías) 9:11

Tuke Pujuu chichaak: “Jerusalégkah, wi amejai numpai chichaman umikuitag nuna betek umiakun, yumigmat taimu yumi atsaig ashí jinaajum chimpigjum nunak jiijan uwemtijattajime.

(Josué) 3:17

Sacerdote aidau chicham umiktin agagbau egkeamun arcan yanaki juki wedauk nuna yanasag namak Jordán kuyua buku wajasbaunum ejapeen ijunai, Israel aents aidauk bukunum shiig katiajaju ainawai.

(Josué) 4:10

Tuja sacerdote aidau chicham umiktin agagbau egketun arcan yanaki jukiag wedauk namak Jordán kuyua buku wajasmatai nuna ejapeen ijunai, Israel aents aidauk Tuke Pujuu Josuén akateak juna umiktinme tibaunak imatiksag umikajui. Tuja Josuéshkam Moisés akatjamunak imatiksag umikui. Nunikmatai aents aidauk shiig wamak katiajajui.