(Génesis) 8:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Imanik tsawan atai, Apajuí Noén ashí kuntin niijai arcanum chimpijaidaujai wait anenjauwai. Nuadui Apajuí abau kuyuati tusa dasen nugká ajunjauwai, dutikam nunú umpuam kuyutan nagkamdauwai.

(Génesis) 8:1 Iomraidhean Croise

(Génesis) 19:29

Aatus Apajuí yaakat nugka pakanum aajaku aina nuwi Lot pujujakua nunak ashí tsaikui. Tujash Apajuík Abrahamnak kajimatkichui. Nuadui niina yachi uchiji Lotan jiiki uwemtikjauwai.

(Génesis) 30:22

Tujash Apajuík Raquelnashkam kajimatkig idaisachui, nuadui nii segamunashkam antugkau asa uchin susauwai.

(Génesis) 9:10

Nunak ashí kuntin atumjai arcanum chimpiju jiinjau aidau: Chigki wegantu, kuntin tagkumtai aidau, kuntin tagkumchatai aidau, ashí kuntin nugkanmaya aidaujaish umiajai.

(Job) 14:13

“¡Apajuíyah, ame kajekbaujum nagkaetamai dekas jakatjai, nunikan aents jinau aidau batsatbaunum pujustajai tumain anentaimjai! ¡Nuwi pujai ame wait anenjujam ataktu inantukminum tusan!

(Salmos) 105:42

Apajuí yaunchuk Abrahaman anagkuamunak betek umikmayi.

(Salmos) 115:12

¡Tuke Pujuu iinak kajimatjamtsuk pegkegnum yumigtamjatnai! ¡Israel aents aidaunashkam pegkegnum yumigjatnai! ¡Sacerdote aidaunashkam pegkegnum yumigjatnai!

(Salmos) 137:7

Tuke Pujuuwah, babilonianmaya aents aidau Jerusalégkan tsaikajua duwi, Edom aents aidau chichainak: “¡Ashí tsaiktajum!” tusa imatianum nunú kajimatki idaisaipa!

(Éxodo) 14:21

Nuninai Moisés niina uwejen nayantsanmanini awentauwai, dutikamtai etsa minitaiya nuwiyan Tuke Pujuu makichik kashi shiig senchi dasenmitkakui. Imatika umpuamu asa nayantsak jimaituk kanakui. Aatus Tuke Pujuu nayantsa ejapeen buku awagsauwai.

(Éxodo) 15:10

Tujash ame dase senchi dasenmikakam nayantsa ejapeen aepá emegkakmaume. Nuadui plomo ajugkam tepegama numamtuk tepeawagmae.

(Éxodo) 2:24

Nunik Abrahamjai, Isaakjai, Jacobjai, nii chichaman umikua nuna adeajui.

(Isaías) 44:27

Tuja nayants kuyua buku wajasti, nunikmatai tikich namak aidaushkam buku waigti tusan tumainnuk witjai.

(Amós) 8:7

Nuadui Tuke Pujuu, Israel aents aidaun Apajuíji chichaak: “Atum dutikajum nunak makichkish kajimatkishtinaitjai”, tawai.

(Jonás) 4:11

¿Ame numikesh puyatjam nunash, wi ciento veinte milan nagkaesau aents Nínivenmaya aidau shiig dekachu asag uchijai betek yuja nuna, nuigtu kuashat kuntinchakam ayá nuna wait anenjashtag? Nuadui wika wait anentajai”, tiuwai Apajuí.

(Habacuc) 3:2

Tuke Pujuuwah, ame ashí dutikaum nunak shiig dekajai, nuadui amina ishamakun kujajai. Wait aneasam iina apachji aidau yaigkuitam dutiksamek yaijatkata, kajegkagtukam idaikagtusu akumesh, wait anenkagtugta.

(Números) 22:32

Nunitai Apajuí ángel tumain wajas chichajak: “¿Wagka amina burrogmesh kampatuma imanish asutiaume? Ame weam nunú mina shiig awajtachu asamtai, wi jintanak akigtagme.

(Apocalipsis) 16:19

Imaniau asamtai yaakat muunta duka kampatuma imajin kanakmayi, yaakat aidau nugka muunnum aina dushakam tsainkabi. Apajuí yaakat Babilonia pegkegchaujin kajimatjukchau asa, kajejuk suwimkan suak imatikabi.

(Apocalipsis) 18:5

ditá tudaujig nayaimpinak antigke imaniku asamtai, Apajuí ditá pegkegchaujin suwimkan susagtatui.

(1 Samuel) 1:19

Tuja kashinia duwi kashikmas Elcaná niina nuwe aidaun yajuak Apajuín jee pegkejam aajakua nuwi Tuke Pujuun ememattatus weuwai. Nunik nuwi jegaa Tuke Pujuun ememati ukuak, niina jeen yaakat Ramá wakitkiuwai. Nunik wakitki jegaa Elcaná niina nuwe Anajai kanajui. Aatus Tuke Pujuu Anan wait anenjauwai.