18 Nujagkek neetsuk ayatak dujaju au. Imanik dujajak arcanak aan yakí takuiniuwai.
Nunikmatai, yumi nagkamna cuarenta tsawan, cuarenta kashi mijamtsuk tuke yutuu au. Imaniau asa nujag dujajua nugkanum pimak, arca kukag tepaun inanmiuwai.
Imanik dujajiu asa, ashí nugkanum muja tsakaku aidaunak yutua emegkakui.
Nuwi yujawai lancha múun aidau; tuja nuwi semagkau múun najanawaitam nunú shiig aneak wasugkamui.
¡Namak chichijam ajekjati tusamek idaitusaipa! Tuja wainchi ishamaina nunú yutua emegkakti tusamesh idaitusaipa.
Nuadui nayants yaunchuk aajakbaunak imanisag weak faraón niina suntaji aidaujai carro aidaunum, caballo aidaunum, Israel aents aidaun pataetukag nayantsanum utsaadau aidaunak ashí yutua ijinauwai. ¡Tuja faraógkan suntaji aidaunmayag makichkikesh uwemjachui!