(Génesis) 7:11 - Awajún: Apajuí chichame pegkejam Porciones del Antiguo Testamento y el Nuevo Testamento

¹¹ Noé seiscientos mijan ejeyu ai, jimag nantu taka, diesisiete tsawan wegai, yumi nagkamna nayaimpinmaya senchi yutau. Imaniai, initkanmaya yumi piyag teenak aushkam, ashí nugkanum pukuni shiig múun jiinjajui.

(Génesis) 7:11 Iomraidhean Croise

(Génesis) 1:7

Dutika Apajuí agkajun najana, yumi nugkaya atinun tuja yakiya atinjai akankauwai.

(Génesis) 6:17

Wi yumin yutumtijattajai, dutika ai nunú ashí nugkanum piyagtatui, nuniak nugkanum pujutji ajamu batsataina nunak ashí ijinattawai.

(Génesis) 7:6

Yumi ashí nugka utuja piyajua nunak Noénak seiscientos mijanji ajai nunikui.

(Génesis) 8:14

Tuja jimag nantua nuna achika veinti siete tsawan wegai, namakak shiig kuyua buku wajasui.

(Génesis) 8:2

Tuja nugkanum waa múun ujanjamtai, yumi initkanmaya jiinaidaushkam ashí epennajui. Antsag nayaimpinmaya yumi senchi yutaushkam ashí mijaakui.

(2 Reyes) 7:19

Tusa Eliseo tutai, apu awemamu suntaja apuji chichaak: “Tuke Pujuu nayaimpin ujaimtaish, duka makichkish imanimaitsui”, tutai, Eliseo ayaak: “Wi taja duka wainkattame, tujash amek duka yuwashtatme”, tiuwa duka

(2 Reyes) 7:2

Tusa tutai apu atuwe niina ayaak: “¡Tuke Pujuu nayaimpin ujaimtaish ame tame duka makichkish nunimaitsui!” tau. Tutai Eliseo ayaak: “Nuna imatika sumaidauk ameshkam waintkattame. Tujash amek duka makichkish yuwashtatme”, tiuwai.

(Job) 38:16

¿Tuja yumish tuwiyag jiinua nunú wainkatasamesh, amesh nayantsa initkenish jegamkayum?

(Job) 38:37

Wika yachaitag iman asan, yujagmish wajupa ayawa nunak dekajai. Tuja witjai yumi yutumtiknunuk.

(Salmos) 33:7

Apajuíyai kucha múun aidaunmayan yumi yajuak makichkinmak ijumjauwa duka.

(Malaquías) 3:10

“Atumi diezmojum aidau mina jegajui itaatajum, dutikawagmin yutai aidau kuashat atatui. ¡Dutikajum dekapjustajum! Nunú dutikakjuminig, atum jukitnun nayaimpinmayan shiig kuashat ukatuattajime.

(Evangelio según San Mateo) 24:38

Nunú tsawantaik eke diluvio nagkamnatsaig batsamsag, yutai yuinak, umutnash umuinak, nuwenainak, nawanjin suju wajá batsatai Noé niina arcajin egkemauwai;

(Primera carta de San Pablo a los Tesalonicenses) 5:3

Wajutiya aents aidau: Yamaik shiig agkan, nuigtush kajintsá batsatainaji, tiagtin ainawa, nuniai atinai dita waittsatnuji minittina duka, nuwa ejamtin uchigmatji jegamtai najaima numamtuk, nunak uwemtugchagtin ainawai.

(Segunda carta de San Pedro) 3:6

Yaunchuk Apajuí yumin yutumtikag ashí nugkan amugmatai, aents nui batsamajakui duka ashí jinawajui.