(Génesis) 6:7 - Awajún: Apajuí chichame pegkejam Porciones del Antiguo Testamento y el Nuevo Testamento

⁷ Nuna tusa Apajuí chichaak: “Ashí aents aidaun wi najanawaitag nunak, aentsnum nagkamsan, kuntinnash, tuja japiinas yujau aina nunash, chigkinash ashí betekmasan ijinatjai. Najanmainchaunas najanawabiagtai, tusan awake anentaimjai”, tiuwai.

(Génesis) 6:7 Iomraidhean Croise

(Génesis) 6:6

Imaniagtai Apajuí wake besemag anentaimak, najanmainchaunas najanawabiagtaih, tusa awake anentaimjauwai.

(Génesis) 7:21

Imaniku asamtai aents nugkanum batsatuk ashí jinawajui, tuja chigki wegantu, kuntin tagkumtai wegantu, kuntin tagkumchatai aidaushkam, kuntin japiinas yujau aidaujaí ashí jinauwai.

(Génesis) 7:4

Siete tsawan asan yumin yutumtijattajai. Duka cuarenta tsawan, nuigtu cuarenta kashi yutugtatui. Wi najankamu aidau nugká batsata nunak ashí ijinattajai”, tiuwai.

(Génesis) 8:21

Nunú Apajuín shiig awagmakui. Nuadui Apajuí chichaak: “Yamai nagkamsanuk aents aidaun tudaujinig nugkanak ataktuk pegkegchaunmak yumigjashtatjai, wagki aents aidauk yama datsameamuik pegkegchau takatnak anentaimtin ainawai. Tuja nuigtushkam ataktu awagkinuk yamai ijinag aikanuk pujutji ajamu aina nunak ijinashtinaitjai.

(Salmos) 37:20

Aents pegkegchau aina duka dupa kagakujai betek keekagtinai. Tuja Apajuín shiwaaji aidaushkam jii bukuiti megkagama numamtuk megkaejatin ainawai.

(Oseas) 4:3

Iman wajas au asamtai, aents aidauk buutuinawai, nuninak kakaagchamin dekapenawai, tuja kuntin ikamia aidaush, chigki aidaush, namak nayantsanmaya aidaush ashí jinuinawai.”

(Amós) 7:3

Tusa tai Tuke Pujuu chichagtak: “¡Duka nunikchattawai!” tujutmayi.

(Amós) 7:6

Tusa tai Tuke Pujuu ditan wait anentug chichaak: “Juju suwimkashkam uminkashtatui”, timayi.

(1 Samuel) 15:11

“Saúlnak apu adaimainchaunas adaikayagtai, mina chichamjun umigtutsuk nii wakegamun takawai”, tiuwai. Tusa timatai, Samuel kajeka Saúl tsagkujata tusa Apajuín sega segaakua tuke tsawajui.