(Génesis) 6:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Imaniagtai Apajuí wake besemag anentaimak, najanmainchaunas najanawabiagtaih, tusa awake anentaimjauwai.

(Génesis) 6:6 Iomraidhean Croise

(Génesis) 6:7

Nuna tusa Apajuí chichaak: “Ashí aents aidaun wi najanawaitag nunak, aentsnum nagkamsan, kuntinnash, tuja japiinas yujau aina nunash, chigkinash ashí betekmasan ijinatjai. Najanmainchaunas najanawabiagtai, tusan awake anentaimjai”, tiuwai.

(Salmos) 110:4

Tuke Pujuu nii umiktinjin yapajinashtinun chichaak: “Ametme sacerdote Melquisedec aajakua nujai betek tuke sacerdote atinmek”, tiuwai.

(Salmos) 95:10

Nuadui nunú aents aidaun dakitjan cuarenta mijan pujubiajai, nuniakun: ‘Juju aents aidauk shiig wainak yujawai; núnidau asag mina chichamjunak umigtuinatsui’.

(Éxodo) 32:14

Tusa tima, Tuke Pujuu ditan kajejuk ijinatjai tiuwaitak, anentain yapajia dutikachui.

(Isaías) 63:10

Imatika yayamash Israel aents aidauk intimjuinak, Apajuí pegkegman ikajejaku ainawai. Nuadui ditan pempeentuki shiwaajui itugmaina numamtuk ditajai maaniauwai.

(Jeremías) 18:7

Wi wakegaknuk, nugka múun aidaunash, tuja apu aidaunash, shiig wamak tsaikan utsajai.

(Jeremías) 26:19

“Nuna aatus Miqueas tutaish, apu Ezequíasak Judá wegantu aidaujai ijunjag niinak maachajui. Nuadui apu Ezequíasak ashí aents aidaujai Tuke Pujuun ishamaidau asag, tsagkugkagtugta tusag segajui. Nuadui Tuke Pujuu ditan suwimkan susatag tiuwaitak tsagkujug idaisauwai. ¿Dita nuniku ainaimpash, ii Jeremías maaku utugchat igkugtag?” tiajui.

(Ezequiel) 33:11

Tujash wika aents tudau aina nunú jinaati tusanuk wakegatsjai, ayatak pujutjin yapajiawag iwaku pujustinme tusan wakegajai. Israel aents aidauwah, pegkegchau takajum duka idaisatajum, nuniakjumek jakashtatjume, tawai Tuke Pujuu.

(Oseas) 11:8

“¡Israel aents aidauwah, wika atumi aneakun shiig senchi waitiajai, nuadui wika kajimatkinuk idaimaitsujime! ¡Wika Admánmaya aents aidaun, Seboímnumia aents aidaujai dita pegkegchaujin ijinauwaitag imatikanuk tikima ijinmaitsujime!

(Joel) 2:13

¡Pegkegchau takatak idaikujum mina umigtuktajum! Wake besemag dekapeakjum, jáanchjum japiki ichí yujatsuk atumek pempeentumakjum kajegmamkatajum, nuniakjum dekas dewakjapi tumamtajum. Wika kakagchauch wait anenkagtinaitjai. Wika wamak kajechuitjai, nuadui wika tsagkugkagtugtasan pujajai.

(Jonás) 3:10

Tuja ashí aents Nínevenmaya aidau pegkegchau takatan idaisagmatai, Apajuí suwimkan susatjai tiuwaitak, dekas dutikashtatjai tusa idaisauwai.

(Malaquías) 3:6

“Witjai Tuke Pujuunuk. Wika yapajintsujai. Nuadui Israel aents aidautigminak ashí ijinachuitjime.

(Números) 23:19

Apajuík aentschauwa nunin asa nigka waitjuchui, tuja chichakbaujinash yapajichui. Nii nuna dutikatjai takug imatiksag uminai, tuja nii anagkagtuamunashkam imatiksag uminai.

(Carta de San Pablo a los Romanos) 11:29

Apajuik anentag sukagtusbaujiya nunak atankagtuchui, antsag midau atinme tusa etejamujiya nunash yapajichui.

(Carta de San Pablo a los Efesios) 4:30

Apajuí niina aentsji etamu asa Wakaní Pegkejin amasua nu pegkegchau takaakjum wake besemag anentaimtikaigpajum, tsawan jegatai nuna diis ashí niinu aidaunak tudaunum tuke agkanmitkatna nu.

(Deuteronomio) 32:29

Atumesh shiig anentaimkau ainakjumek, wi suwimkan amastinaitjime tusan tiuwaitjim nunú shiig dekau amainaitjume.

(Deuteronomio) 32:36

Tuke Pujuu niina aentsji aidau kakaag ayamjumamainchaun wainu asa ayamjuktatui. Ditan ashí amuinak aents inaku waitkatai, tuja agkan batsamin aina nujai amukam kakaumainchau dekapeagtai, Apajuí wait anentug,

(Carta a los Hebreos) 3:10

Nuninakui nunú weantu aidaunak kajegkan: ‘Ditak wainak anentaimainawai, nunidau asag wi taja nu dekatnash dakituinawai’.

(Carta a los Hebreos) 3:17

¿Ya aidauna Apajuish cuarenta mijadaish kajegkash pujusuita? Nunak aents tudau takasaju uwegshunum jinawajua nuna dutikawajui.

(Carta de San Santiago) 1:17

Ashí pegkeg wainkauch juamu nuigtú ashí don pegkeja duka yakiya taawai, iina Apají nayaimpinmaya etsantin aidaun najankauwa nuiya; nunú aidau yapajinin nuigtú bushapau weena nigka nuninchauwai.

(1 Samuel) 15:11

“Saúlnak apu adaimainchaunas adaikayagtai, mina chichamjun umigtutsuk nii wakegamun takawai”, tiuwai. Tusa timatai, Samuel kajeka Saúl tsagkujata tusa Apajuín sega segaakua tuke tsawajui.

(1 Samuel) 15:29

Wagki Apajuí Israel aents aidaun depetmatan suwa duka aents nii chichakbaujin yapajin aina nuninchauwai, nii tibaunak betek uminai”, tiuwai.

(1 Samuel) 15:35

Duwi nagkamas Samuel Saúlan anentaimtus wake besemag anentaimkush ataktu awagkig wainikchauwai. Tuja Tuke Pujuushkam nii Israel aents aidaun apuji emau asa wake besemag anentaimjauwai.