(Génesis) 5:22 - Awajún: Apajuí chichame pegkejam Porciones del Antiguo Testamento y el Nuevo Testamento

²² Nuna akia pujus Enoc trescientos mijan Apajuí wakegamun takajak pujusui. Tuja nuigtushkam tikich uchiji aishmag aidaun, nuwa aidaujai akigkui.

(Génesis) 5:22 Iomraidhean Croise

(Génesis) 17:1

Abragkan noventa y nueve mijanji ajai, Tuke Pujuu wantintuk chichajak: “Antukta nijah, witjai Apajuí ashí senchigtinnuk. Nuadui amek mina emtijuig pegkegchau takamtsuk pujusta.

(Génesis) 24:40

Tusa tai nii mina aijak: ‘¡Apajuín wi emematkun umijag nunú, niina aentsji nayaimpinmayan emtika awemattawai, wagki nii uyuntamsamtai pegkegnum wekaesamnum tusa! Duwi amek mina uchiju nuwe atinuk yupichu mina apaju patayinia jukittame.

(Génesis) 48:15

Nuna dutika Josén pegkegnum yumigkiak aatus tiuwai: “Mina apachug Abraham, Isaac Apajuín umijujaku aina nunú wi yama nagkamchakun akiinawaitag duwi nagkamas yamaikish tuke kuitamja nunú,

(Génesis) 5:21

Enoc sesenta y cinco mijan ejeyi pujus uchiji aishmagkun Matusalégkan akiauwai.

(Génesis) 5:23

Ashí ijumjamak trescientos sesenta y cinco mijan pujusui.

(Génesis) 5:24

Enokak Apajuí wakegamun takak pujau, makichik tsawantai ayatak megkaekauwai. Apajuí niinak jukiuwai.

(Génesis) 6:9

Jujuwai Noé pachisa augmattsamu. Noé aajakui aents shiig pegkeg, ima Apajuí wakejamunak takajaku, tuja tikich aents batsamajakua nujai ijumjamash niig dekas pegkejam aajakui.

(1 Reyes) 2:4

Nuigtushkam Tuke Pujuu mina anagtak: ‘Uchijum aidau pujutji pegkeg asag chichaman betek dita anentaijai, wakanijai mina umigtuinakuig, amina uchijum wegantu aidaunmayan tuke Israel aents aidau apuji ematnaitjai’, tujutiuwa nuna dutiksag umikti.

(Salmos) 116:9

Tuja iwaku juju nugka juwi pujag nuaduik, Tuke Pujuunak tuke umigkatnaitjai.

(Salmos) 16:8

Tuke Pujuu mina Apajuíjua duka tuke wijai ijutkau pujawai. Wika niini emetuman wajau asamtai, makichkish ajunjashtin ainawai.

(Éxodo) 16:4

Imatiagtai Tuke Pujuu Moisésan chichajak: “¡Dita yuwatnunak nayaimpinmayan yumijai betek wi yutumtijattajai! Dutika ai makichik tsawantai yuwatnujin juuktinme. Nuadui dekattajai yaki dekas wi dutikatajum taja nunash betekash umikat, tuja yaki umikchat nunashkam.

(Oseas) 14:9

Aents yacha shiig anentaimkau akug, juna chichaman antukti: Tuke Pujuu dutikamu aina duka shiig pegkejai, nuadui dita aidaun diisag tikich aidaush pegkeg takata nunak takamain ainawai. Tuja aents pegkegchau aina duka pegkegchaunak takainawai, nuadui Apajuí ditanak suwimkan suwawai.

(Amós) 3:3

“Jimag aents tsanigka wekaga nunak, mai antugdayas wekagu asa aniawai.

(Miqueas) 4:5

Tuja tikich aents aidauk dita apajuímtaiji aidaun umijuinawai; dita núninakuish, iik Tuke Pujuu iina Apajuíjiya nunú atakea duish tuke umigkatin ainaji.

(Miqueas) 6:8

Tuke Pujuuk atumnak tuwita pegkejash, tuja aminunash wajina wakegawa nunak yaunchuk ujapakagmae. Duka utugchatchauwai shiig yupichuchi, tuja duka juju ainawai: Shiig takata nunú aneetajum, nuniakjum aents imanchauch aidaush wait anenjatajum, nuniakjum emematsuk ima minak emematjitajum tusa Apajuík wakegawai.

(Malaquías) 2:6

“Levík aentsnak makichkish tsanugchauwai, ayatak dekaskea nuna jintiauwai, nigka minai sumitkau aajakui, kuashat aents pegkegchau takaidaunash idaimitkasui.

(Evangelio según San Lucas) 1:6

Ditak Apajuí eemtinish pegkegnak takaidau, nunidau asag Apu Apajuí chicham umiktajum tibauwa nui awa nunashkam imatiksag betek umidau.

(Los Hechos de los Apóstoles) 9:31

Dutikawagmatai iglesia aidauk ashí Judea nugkanum, Galileanmash nuigtú Samarianmashkam, shiig agkan batsatainak, Apu Jesusan puyatjus umijuidau, nuninak nuni nagkaemas kawedau Wakaní Pegkeji ichichmamat suinamu asag.

(Carta de San Pablo a los Romanos) 8:1

Tujash yamaik Cristo Jesusai ijutkau pujuina duka suwimak jumainuk shiig atsujuinawai.

(Primera carta de San Pablo a los Corintios) 7:17

Nunin asamtai makí makichkitigmin Apu wajuk waketan anenjauch amasajuita nunisjumek pujustajum. Atum wajuk pujautigmina Apajuí untsugmakuita duka nunisjumek amainaitjume. Junak ashí iglesianmaya aidauk nuniktinme tajai.

(Segunda carta de San Pablo a los Corintios) 6:16

Jega Apajuí ememattaiya duka, apajuimtai dakumkamu aina nujaig makichkish apaemaitsui. Wagki jutiik Apajuí tuke pujuuwa nuna jee ainaji, nuadui Apajuí chichaak: “Ditai pujustajai, nunikan ditajaig wetajai. Dita mina aentsug atinme, nuninakui wi dita Apajuiji atajai”, tiuwai.

(Carta de San Pablo a los Efesios) 5:15

Nuadui atum wajuk pujagme nu shiig kuitamsa diistajum, anentaimkas batsamtsuk shiig anentaimsa pujustajum.

(Deuteronomio) 13:4

Tuke Pujuu atumi Apajuíjiya duke nemagkujum ajaantusjum diitajum. Nuniakjum chicham umiktajum tusa tujamauwa nunú betek umigkatajum. Niina chichame antugkajum umigkatajum, nuniakjum ima niiyaig sumitkau atajum.

(Carta de San Pablo a los Colosenses) 1:10

Apu Jesusdau aidaush, wajuk pujumaina ainawa nunisag pujuinak, ashí pegkeg aina nunak takainak shiig awagmainak, Apajuin aan nagkaemas dekaatnume tau asan;

(Carta de San Pablo a los Colosenses) 4:5

Yacha pujumaina imagnisa pujakjum Apajuí nemagchau aidaush iwaintuktajum, tsawan wainka megkaetsuk.

(Primera carta de San Pablo a los Tesalonicenses) 2:12

dutikakun, Apajuí niina inamtaiji imana nui pujustinme tusa untsukbau aidaush wajuk pujumainaita nunisjumek pujustajum tuyajime.

(Primera carta de San Pablo a los Tesalonicenses) 4:1

Nuadui yatsug aidauh, Apu Jesusa daajin puyatjusan segajime, Apajuin shiig awagma nunisjumek pujakjum kashí kashinig emtajum jutiinu unuimagbaijum nunisjumek.

(Primera carta de San Juan) 1:7

tujash jutiish ni tsaaptinnum puja nunisaik pujakuik, niijai betek tikich aidaujaish shiig anendaisa pempeentunisaik ijutkau amainaitji, nuniajin Apajuí niina Uchijí Jesucristo numpega nujai ashí iina tudaujinash nijatjamag esakatjamui.