(Génesis) 49:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Nuna tusa ashimak niina uchiji aidaun untsuka ikaunman chichajak: “Juwi tantatajum, nunikagmin atakesh wajukatnuk ainagme nuna pachisan ujaktajime:

(Génesis) 49:1 Iomraidhean Croise

(Salmos) 105:15

Nuadui apu aidaun chichajak: “Mina aentsug wi etegjamu aina duka, tuja mina chichamjun etsejin aidaushkam makichkish waitkasaigpajum”, tiuwai.

(Isaías) 2:2

Apajuí emematku ijuntai mujanum jegamkamu awa duka atakea duish eme anentsa diitai atinai. Nuna diinak kuashat aents tikich nugkanmaya aidau kauniagtinai.

(Isaías) 53:1

¡Ii etsegbaunak makichik aentskesh dekaskeap tawa tichau ainawai! ¡Apajuí senchijinak makichik aentskesh wainkachui!

(Jeremías) 23:20

Tuke Pujuu kajekbaujiya duka makichkish mijamtsuk ashí wajina dutikatjai tawa nuna umika nagkankattawai. Makichik tsawantai dekatnaitjume, wagkag dusha imaniktinaita.

(Daniel) 2:47

Nuna tusa Danielan chichajak: “Atumi Apajuíjiya duka wainka apajuímtai aina nuna nagkaesau múuntai. ¡Niyai apu aidaun nagkaesauwa duka! Niig ashí yachai, nuadui nii ujapakmatai kajanmaya kakajus dekamainchaush ujatkaume”, tiuwai.

(Amós) 3:7

Tuke Pujuu niina aentsji profeta aidaun dekamtiktsukek nii wakegamu ataish, nigkik makichkish dutikatsui.

(Miqueas) 4:1

Tuke Pujuu jee pegkejam awa nunú mujak, tikich muja aidaun nagkaesau dekas muja shiig múun atinai. Nunú mujanum ashí aents tikich nugkanmaya aidau shiig kuashat kauniagtinai.

(Números) 24:14

Untsu dekas mina nugkajui wakitkitjai. Tujash eke wetsuk, au aents aina dusha amina aentsjum aidaunash atakea duwish itugkatnuk ainawa nuna ujaktajame”, tiuwai.

(Evangelio según San Lucas) 2:26

nuniau asa Wakaní Pegkejiya nu dekamtikau aajakui, Apu Apajuí Etegkamu waintsukek jakashtinaitme tusa;

(Los Hechos de los Apóstoles) 2:17

“ ‘Tsawan inagnamunum, Apajuí tawai, mina Wakanjun ashí aentsun susatnaitjai. Dutikawajam atumi uchijum aidau, nuigtú nawanjum aidaushkam mina pachittsag etsejiagtinai; nuniamunum datsauch aidauk paan wainiagtinai, nuninai muuntuch aidauk kajanum kajabiagtinai.

(Deuteronomio) 31:12

Ashí aents aidau: Aishmag, nuwa, uchi, aents tikich nugkanmaya atumjai batsatu aidaushkam ijunjatnume. Nunikag chicham umiktin agagbauwa nunú augbaun antukag Tuke Pujuu Apajuí eme anentsa diitan unuimagtinme. Nuninak wajintu agagbauwaita nuna ashí betek umiktinme.

(Deuteronomio) 4:30

Atum tikich nugkanum batsamsajum dakumkamu emematkujum waitu pujautijum idaikujum, ataktu Tuke Pujuu atumi Apajuíjum umigjuminig,

(Primera carta de San Pablo a Timoteo) 4:1

Tujash Wakaní Pegkeji paan tawai, tsawan nagkanbau atina duik ujumak aents aidauk dekaskeapi tabaunak idaisagtinai, wakan tsanujatin aina nuna nuigtú Iwanchdau jintiamu aidaun antujuinak,

(Segunda carta de San Pablo a Timoteo) 3:1

Nuigtushkam jusha dekamainaitme: Tsawan nagkanbau agtina nuig, tsawan ishamain aidau midiagtinai.

(Carta a los Hebreos) 1:2

Tujash yamaik, ju tsawan inagnamunum batsatag ju tsawantaik niina Uchijin awetugma dui aujtamui, ashí wají aidauk ni najankamu asamtai ashí niinuk atí tusa idaitusua nuna.

(Carta a los Hebreos) 13:1

Yatsut anendaisa pempeentuniki aneenita duka idaisaigpajum.

(Apocalipsis) 4:1

Ju nunikmatai niimkaman, nayaimpinmaya makichik waiti ujani atatman wainkabiajai, nagkamchakun chichaman antukag duka trompeta wajukea imatuk mina aujtak: “Jui wakata, nunikamin ju nagkaemagmatai atak wají nagkaemagtin aina nuna wi iwaintuktajame”, tujutmayi.