(Génesis) 48:7 - Awajún: Apajuí chichame pegkejam Porciones del Antiguo Testamento y el Nuevo Testamento

⁷ “Wi Padán-aram pujaun wakitkin wegai canaágnum yaakat Efratanum jegattak amina duku Raquelak jakauwai, nunikmatai nunú jintanmak yamai Belén tutaya nuwi ukusan ukukiuwaitjai”, tiuwai.

(Génesis) 48:7 Iomraidhean Croise

(Génesis) 25:20

Isaac cuarenta mijanji ajamu asa, Betuela nawanji Rebeca Labágka umayi arameo aents aidau, Padán-aram batsamajaku aina nuwiyan nuwatkauwai.

(Génesis) 33:18

Jacob Padán-aram pujau wakitki Canaán nugkanum jegauwai pegkeg, jamamtuchu utugchat atsaunum, nunik nuwi yaakat Siquem tawa nujai niinis pujusui.

(Génesis) 35:20

Jacob nuwen ukusa pempeenak kaya muuntan juki eketi ukukiuwai. Nunú kaya eketi ukukmawa nunuwai yamaikish, juwi Raquelak ukusbauwai tutai awa nunú.

(Génesis) 35:9

Tuja Jacob Padán-aram pujau wakettatman Apajuí ataktu wantintuk pegkegnum yumigjauwa nunak,

(Génesis) 48:6

Untsu nuwi nagkama wi juwi taa pujai akiinau aina nunú amina uchigmik agtatui, tuja dushakam Efraígkan Manasésjai yachi asag, ditashkam wajiinak nugkajai betek jukiagtin ainawai.

(Miqueas) 5:2

Untsu Belén Efrata tuuta awagmatia, nuwiya aidautigmek, tikich Judá wegantu aina nujai diismash ujumchik ainagme. Nuninuch ainayatkujum, eme anentsa chichagtai atinaitjume. Wagki atumi patayi aajakua nuwiya apu atin akiina Judá wegantunum inamjattawai.

(Evangelio según San Mateo) 2:18

“Antukmajai Ramá pampainamun, untsu untsumas senchi buutuinamu, nunak Raquel uchijí aidaunum buutak, anentai ichichtumain wajachmae, wagki uchijí aidauk jinawaju asagmatai”, tawai.

(1 Samuel) 1:1

Efraígka mujajin yaakat Ramánum makichik aents Elcaná daagtin, Jerohama uchiji Eliú tijaji pujujakui. Duka Suf Efraín wegantu aajakua nuna uchiji Tohu aajakua nuna ama tijaji aajakui.

(1 Samuel) 10:2

Tuja yamai weakum Benjamígka nugken yaakat Selsah Raquel ukusbaunum jegantatak, jimag aents minidau igkugtatme. Nunú inimpak: ‘¿Burro megkaejamtai egaku wemaum dusha wainkaumek? Amina apak burronak puyatjichmae, amina ima senchi puyatjupame, nuniak mina uchijush inakjaish wajukawagmaki tusa dekatatus iniimak wekaemae’, tujamiagtatui.

(1 Samuel) 16:4

Nuna Samuel imatiksag umikui. Tuja Samuel Belén jegamtai, nuwiya apu múun aidau niina wainkag kautuawajui. Nunikag igkug iniinak: “¿Wagka taume, utugchat atsuak?” tuidau.

(1 Samuel) 17:12

Saúl apu aajakua nunú tsawantin makichik aents múuntuch Belégkanmaya Jesé daagtin pujujakui. Nuna uchijig ocho ajujakui. Nuwiya aajakui David.