(Génesis) 48:16 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁶ tuja Apajuí ángel tumain nayaimpinmaya pegkegchau aidaunmash ashí agkanmitkajuauwa dushakam, ¡juju uchi aidaunak pegkegnum yumigsati! ¡Nuadui mina daajush, mina apachug aidau, Abraham, Isaakan daajish, ditá daajin atakea duwish tuke pachitai atinme! ¡Ditak kuashat uchigtin atinme, nuninak shiig kuashat yujaktinme!”

(Génesis) 48:16 Iomraidhean Croise

(Génesis) 22:11

Apajuí ángel tumain nayaimpinum pujus untsuak: “¡Abraham! ¡Abraham!” Tama nii ayaak: “Juwi pujajai”, tiuwai.

(Génesis) 22:15

Tuja awentsag Apajuí ángel tumain nayaimpinmaya Abrahaman untsuka,

(Génesis) 32:28

Tutai nunú aents chichajak: “Amek yamai nagkamsamek Jacob tutaig achattame. Amina daagmek Israel atatui, wagki amek Apajuíjai maaniakmesh, tuja aentsjai maaniakmesh, depetmaku asam”, tiuwai.

(Génesis) 46:3

Tutai Apajuí chichajak: “Witjai Apajuí amina apa Apajuíjinuk. Egipto nugkanum wetak ishamkaipa, awi pujusamin wi ame uchijum wegantunak shiig kuashat ikauntuktatjame.

(Génesis) 48:5

“Tuja, wi eke Egipto nugkanum taatsaig, amina uchijum Efraín Manasésjai akiinau aina duka mina uchig agtatui. Ditak mina shiig uchig Rubén Simeógjai aina nujai betek agtatui.

(Génesis) 49:22

“Josék numi namaka uwet wajas shiig kagkapena kanawe múun waig senchi nejegama imanai.

(1 Reyes) 1:29

Nunikmatai apu David niina chichajak: “Tuke Pujuu wi waitiamujun diigtus agkanmitkajuauwa nuna adaisan tajame:

(Salmos) 121:7

Ishamain ataish, Tuke Pujuu ejapak kuitamjamui; tuja nii amina pujutjumnash kuitamjutpawai.

(Salmos) 34:2

Wika Tuke Pujuuwai eme anenmamjai; nunú antukjum ememachu aidautigmek, shiig aneastajum.

(Salmos) 34:22

Tujash Tuke Pujuuk niina inake aidaun uwemtikawai. Nuadui ¡Tuke Pujuuwai kajinmamas anentaimaidauk suwimak suwamak achagtinai!

(Salmos) 34:7

Aents Apajuín eme anentus umijin aidaunak Tuke Pujuu aentsji ángel awemamua nunú kuitamui.

(Salmos) 34:8

Tuja Tuke Pujuush dekas pegkejashit tusajum dekaatasa wakegakjumek dekapsatajum: ¡Aents Apajuíyai kajinmamas anentaimaidauk, shiig aneas pujusagtinai!

(Éxodo) 1:7

Nunikagmataish dita uchiji aidauk kuashat akiinak wedau asag, shiig kuashat yujakajui. Imaanidau asag ditash senchigtin wajasag nugka dita batsatbaunmak piyakajui.

(Isaías) 63:9

Israel aents aidaun waitkagtaik, niig tikichin akupkag ayamjukchauwai, dekas nii Apajuí taa ayamjukui. Apajuík niina anenken, niina senchijin aatus, Israel aents aidaunak wait anentak tuké ayamjuk uwemtiknai.

(Jeremías) 14:9

Israel aents aidau Apajuíjiyah, ashí aents aidauk dekainawai amina aentsjum ainag nunak, tuja amek jutijai pujame. ¡Kajimatkimek idaikagtusaipa! Aents kakakchau maanitan yachachu ayamkagtumainchauwa nunin wajasume”, tiuwai.

(Jeremías) 15:21

Aents pegkegchau aidau mantamatag tuinakuish, wi ayamjukan uwemtikjattagme; tuja magkagtin aidau mantamatag tuinakuish, wi uwemtikjattagme”, tiuwai.

(Amós) 9:12

Nunikag edomnumia iwaku pujuidauk, tuja tikich aents mina emematjin aidaujai ataktu ashí Israel aents aidaujai awakjattajai”, tusa Tuke Pujuu nii dutikatnun tawai.

(Malaquías) 3:1

Tuja Tuke Pujuu ashí senchigtina nunú chichaak: “Wi taatnun jintan umigtukti tusan mina chichamjun etsegnun awemattajai. Atum Tuke Pujuu dakajum duka pachiachbaunum wamak niina jee pegkegma nuwi wayattawai. “¡Chicham umikbaun jintinjamatna duka minawai!” tawai.

(Evangelio según San Mateo) 6:13

Pegkegchaun takastinme tusamek idaikagtutsuk, ayatak yaijatkam agkanmitkagtuata’, tiuwai.

(Evangelio según San Juan) 17:15

Ju nugka jui batsamsainum yajuakta tusanuk segatsjame, Iwanch waitkainakuish ayamjukta tusan segajame.

(Los Hechos de los Apóstoles) 15:17

dutikam tikich aents aidaush Apú egaktinme, nuigtú ashí judiochu aidau mina daag pachisa ujakbau aina dushakam.

(Carta de San Pablo a los Romanos) 8:23

Tujash imá ditakek waituinatsui, jutii Apajuí amastina nu jukitin asaja emtika Wakaní Pegkeji jukiu aidautishkam waituinaji, niina uchijí aidautin agkanmitkagmatna nu dakainaku batsamsaja.

(Primera carta de San Pablo a los Corintios) 10:4

Tuja umutainash wakannumiaya nunak ashí uwajajui, wagki wakannumian kaya muunnumian umujakajua nunú uyunajakui, nunú kaya muunta duka Cristo aajakui.

(Primera carta de San Pablo a los Corintios) 10:9

Apu Cristo dekapsatasaik wakeechagmi. Ujumak dita nuní yujakmag dapí ijinam asajui.

(Deuteronomio) 33:17

Tuja Efraín wegantunmayag suntajak shiig kuashat agtinai, tuja Manasésnumiashkam aents maanin aidauk shiig kuashat agtinai. Nunú aina duka toro uchiji yama nagkamchak petsakbau pegkejama iman, búfalo senchigtinama iman agtinai. Iman asag ashí aents tikich nugkanmaya aidaunash, ditá senchijijai depetkatin ainawai”, tiuwai.

(Segunda carta de San Pablo a Timoteo) 4:18

Dutiksag Apu Jesús agkanmitkajuattawai ashí takat pegkegchau aina duish, nunik niina inamtaiji nayaimpinum jujukí kuitamjuktatui. Nigki tuke ememattai atin atí. Aatus atí.

(Carta de San Pablo a Tito) 2:14

Nigka nigki jutiiní mantamnata tus tsagkamankauwai, ashí pegkegchau aina nuanui agkanmitkagmatatus; dutika pegkemtijami niina aentsji etamak ashí pegkeg aina nunak takamtijamsatatau asa.

(Carta a los Hebreos) 11:21

Apajuiyai dekaskeapi tabauwai Jacob jakattak pujus, makí makichik José uchijí aidaun ditá pujutjin agtina nuna pegkegnum yumigsauwai, nunik ushujutaijin ichichmamas wajas Apajuin emematiuwai.