(Génesis) 48:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Tuja Israelak múuntuch wajasu asa shiig wainmachu asamtai, José niina uchiji aidaun juki apajin ejentuntui, dutikam pagkuk kugkuasui.

(Génesis) 48:10 Iomraidhean Croise

(Génesis) 27:1

Isaakak shiig muumpakiu asa wainmatnash wainmamainchau wajas pujujakui. Nunik pujau makichik tsawantai niina uchiji iwain untsuka chichajak: “¡Uchuchih!” tau. Tusa untsuam nii ayaak: “Juwi pujajai apawah, waji tame, tujutta”, tiuwai.

(Génesis) 27:27

Tama Jacob niina apajin kugkuastatus jegaantam, Isaac niina uchiji Esaún jáanchji kugkuntin dekapjujui. Nuna dekapjug pegkegnum yumigkiak: “Juju juni kugkua juka mina uchig emkaun kugkuntiyai. Ikaman kugkuntijai betekai, Tuke Pujuu aan yumigjamu asa.

(Génesis) 31:55

Nunik kajigkag tsawamunum, Labán kashikmas nantaki, niina nawanji aidaun tijaji aidaujai yapinum kugkuas kumpamak, pegkegnum yumigkig nuadui niina nugken wakitkiuwai.

(Génesis) 45:15

Nunik duwi tikich yachi aidaunashkam pagkuk yapinum kugkuak buutiuwai. Nunikag duwi José yachi aidau niijai shiig chichasajui.

(Génesis) 48:11

Nuna dutika Israel Josén chichajak: “Wika aminak jutikanus wainkatja tusankesh anentaimjachuitjai. Tujash Apajuí juni tiu asamtai wainkajame, dutikan amina uchijum aidaunashkam wainkajai”, tiuwai.

(Génesis) 48:8

Tusa Israel José uchiji aidaun wainak iniak: “¿Jusha ya ainawa?” tau. Tusa iniam,

(1 Reyes) 19:20

Dutikam nuna japis wegau ukuak tupikaki Elíasan jegantun chichajak: “¡Machik tsawan sujusta! ¡Mina apajun mina dukugjai ujaka ukuakun amejai wekaesatjai!” tiuwai. Tusa tama: “¡Ayu nunikta, tujash aneaku ata wi amina ipajam nunú!” tiuwai.

(Eclesiastés) 12:3

Tuja tsawan jegattawai apu pujusa inamtain kuitamin aidau ishamkagtuinak kujainamu. Tuja aents wajiu aidaush ishamkagtuinak tikishmasua waigkagtatui; tuja trigo dekeen aidaushkam ujumchik asag dekeetnak idaisagtatui. Tuja jeganum niimtai ujaimunum niimin aidaushkam wainmamainchau wajasagtatui.

(Isaías) 6:10

Juju aents aina nuna dekatig pachimjukta, dutikakum antukchamin, wainmakchamin emakta, dutikamu asag wainmamainchau, antutnash antumainchau, tuja anentaimsash nunap tawa tusa dekamainchau wajastinme, nuninak pujutjinish yapajinmainchau atinme. Nunidau asagmatai, wishakam dita tudaujinak tsagkujashtatjai, tawai tita”, tujutmayi.

(Deuteronomio) 34:7

Moisésak ciento veinte mijan ajamu, wajiu, wainmatnash shiig wainbau, jamantuchu pujayatak jakauwai.

(1 Samuel) 3:2

Elík muumpakiu asa shiig wainmamainchau dekapeak niina kanutaijin kanak tepejakui.

(1 Samuel) 4:15

Tuja Elík noventa y ocho mijan ajamu asa múuntuch wainmamainchau wajas pujau.