(Génesis) 41:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ Nunik nuna kajanum wainak puyatuk ane anentaimkawa tsawag kashikmas, Egipto nugkanmaya anentaimas dekamin aidaun yacha aidaujai untsuka ashí ikaunmauwai. Nunik kaunamtai faraón nii kajamjamujin ditan ashí ujakui, tujash makichkish nunú nuniktin aan kanajume tusag ujakchaju ainawai.

(Génesis) 41:8 Iomraidhean Croise

(Génesis) 40:6

Nunik kajamag tsawajag batsatai, José kashikmas weji diikma wake besek pekajun wainkauwai.

(Génesis) 40:8

Tusa tama dita aínak: “Kajamkagtugji, nunika wajukatnuk aannush kajamjaji, yaki ujapakainta tusa anentaimku pekagji”, tuidau. Tiagtai José ayaak: “¿Dekas Apajuíchukai atum aan kajamjaujum nuna ujapamainuk? Wajuk atum kajamjaugme duka mina ujatkatajum”, tiuwai.

(Génesis) 41:15

Dutika ejegawagmatai faraón chichajak: “Wi kajamkagtujan, wajukatnunak juni kajamkagtugja tusan ashí inimsajai, tujash makichkish ujatuinatsui. Nunika pujai amina au kajanmayan shiig etsegmayi tujamainakui untsukjame”, tiuwai.

(Génesis) 41:24

Nunú kagaku aidau tikich dekas pegkeg nejen mantamas wajaun wamkes yuwa amukagmae. Nuna pachisan dekamin aidaun ashí ujakmajai, tujash makichkish nunú nuniktin aan kajamjaume tusag ujatkachaje”, tau.

(Génesis) 41:7

Nunik dasen umputai asa kagaku tsejegkush aidau, tikich trigo pegkeg siete nejen mantamas wajaun wamkes yuwa amukui. Dutiktatman dii pujau shintaag, kajanmap junikja tiuwai.

(Éxodo) 7:11

Nunikmatai faraógshakam tunchi aidaun untsukui. Dutikam ditashkam dita dekamujijai dutiksag iwainakajui.

(Éxodo) 7:22

Tuja egiptunmaya tunchi aidaushkam dita dekamujijai yumin numpa awajsajui, nuna dutikawagmatai faraógkak nuni senchi antakchau wajasui. Nuniau asa Moisés Aarógjai tuinamunak antugchau, Tuke Pujuu nuniktatui tibaunak imanisag.

(Éxodo) 8:7

Nunikmatai tunchi aidaushkam dutiksag dita dekamujijai takashun Egipto nugkanum ikaunmakajui.

(Éxodo) 9:11

Nuna tunchi aidaushkam achiimag tikich aents aidaujai betek jinuidau asag, ataktu awagkig makichkish Moisésjaig dekapdaimainchau wajasui.

(Isaías) 8:19

Tuja atumin chichagtamainak: “Ashí aents aidauk dita apajuímtaiji aidaun iniasag dekainawai. Nuadui atumshakam aents jakau aina nuna wakani, tuja anentaimsa dekaji tinu aina nujai iniasjum dekaatajum, atakea duish waji utugchatak nagkaetamkiajat”, tusag tujabiagtatui. Tujash atumek nuninuk antugkaigpa, duka shiig wainkayai. Atumek dekas Apajuí iniasjum dekaatajum.

(Daniel) 1:20

Apu nii dekatag tusa wakegamujinak ashí inias dekajakui, tuja anentaimas dekamin aidau, tunchi aidau apun ujajaku aina nuna nagkaesau ditak shiig yacha aajaku ainawai.

(Daniel) 4:18

“Juna wi amina ujajam nuna kajamjamjai. Nunikan yacha aidaun ujatkatajum tijai, tujash ujatkachaje. Tujash wika amina Beltsasara niimpap ujatkattawa tajai, wagki aminig Apajuí pegkegma nuna Wakani pujawai, tibaijai.

(Daniel) 4:19

“Tusa ti ai Danielak kuashat anentaimat minitbau asa, puyatak chichatsuk ekemayi. Nuniakui wi niina tikich daajin untsukan chichagkun: “ ‘Beltsasarah, wi kajamjamua duka puyatjukaipa, tuja nunash wajukatnunak aan kajamjaja dushakam puyatjukaipa, ayatak ujatkata’, tibaijai. “Tusa tai nii chichagtak: ‘¡Chah apuh, utugsag ame kajamjaum nunú ashí shiwag aidauwai uminka tajai!

(Daniel) 4:5

Imanisan pujukman, kashi kajanum ishamainun kajamjabiajai. Nuna anentaimtusan senchi ishabiajai.

(Daniel) 4:6

Nuniakun, nunash wajukatnunak aan kajamjaja, nuna ujatkatnume tusan, aents anentaimsa dekamtan yacha aidau ashí ikautjuatajum tiabiajai.

(Daniel) 4:7

Tusa ti ai, tunchi aidaun, anentaimas dekamin aidaun, yaya dekapau aidaun ikaunmawagmatai, wi kajamjamujun ujakajabiajai, tujash makichkish duka nuniktin aan kajamjaume tusag ujatkachagmayi.

(Daniel) 5:11

Juwi iina nugken makichik aents yacha pujawai. Niyaig Apajuí pegkegma nuna Wakani pujawai. Amina apa Nabucodonosor ayá nunú niina shiig wainajakui, nuadui ashí aents yacha anentaimas dekamin aidaun apuji adaikauwai.

(Daniel) 7:28

“Juna augmattsag nunuwai wi kajanum wainkamua duka. Nuna kajamjan puyatkan shiigchau yampia wajasmaijai, tujash nuna pachisnukesh tikichnak makichkish ujakchabiajai”, tiuwai Daniel.

(Levítico) 19:31

“Tunchinmak makichkish inamajaigpajum. Tuja anentaimsa dekamji tinu aina dushakam makichkish yujagsaigpajum. Nunin yujagkujum pegkegchau wajasaijum. ¡Witjai Tuke Pujuu atumi Apajuígminuk!”

(Habacuc) 3:16

Nuna antakun senchi ishamkabiajai. Nuniai mina wenujuk sunatmayi, imaniakun wajaschamin, ashí mina iyashjuig kakaumainchau dekapmaijai, nuniakun anentaijui tetegtimiajai. Tujash wika imaniaknush, waugtutsuk iina waitkagbau aina nuna Apajuí waitkastin tsawan jegatna nuna dakastatjai.

(Evangelio según San Mateo) 2:1

Rey Herodes inamak pujai, Jesús yaakat Belén akiinauwai, Judea nugkanum awa nui. Nunikmatai ujumak mago etsá minitaijin batsamin aidau Jerusalén kaunawajui.

(Los Hechos de los Apóstoles) 17:18

Nunisag, ujumak filósofo epicúreo aidau nuigtú estoico aidaush Pablojai tudayinau, nuniagtai ujumak aents aidau: —¿Aush wajina pachisaya imá chichawa? tuidau. Tiagtai tikich chichaidau: —Tikich nugkanmaya apajuimtai aidaun yamagman pachis etsejajama, tuidau. Nunak yamajam chichaman Jesusan pachis nuigtú nantakbaujin etseju asamtai, tiajui.

(Los Hechos de los Apóstoles) 7:22

Dutika Moisesnak egiptonmaya unuimatai aina nunak ashí jintintuawajui. Dutikamu asa, chichamesh najamin takatjinish imanuk ajakui.

(Primera carta de San Pablo a los Corintios) 1:19

Chicham agagbaushkam: “Wi yacha aidaunak yachachu emaktatjai, dutikakun dekataijinash emegkatjattajai”, tawai.

(1 Samuel) 6:2

Nuwi aig sacerdote aidaun, anentaimas dekamin aidaujai iniasagtatus untsukag ijumjajui. Dutika iniinak: “¿Chicham umiktin arcanum egketa dusha itugkattaji? Tuja wajuk awagkittaji nunú titajum”, tuidau.