(Génesis) 39:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Tujash Josénak Tuke Pujuu kuitamajakui. Dutikamu asa nii egiptunmaya aentsu jeen pujus takasua duwik pegkeg pujusui.

(Génesis) 39:2 Iomraidhean Croise

(Génesis) 21:20

Aatus Apajuí uchinak yaigkui. Dutikamu asa tsakaja uwegshunum nugka Parán tutaya nuwi pujusui. Nunik nunú uwegshunum pujaun niina dukuji egiptunmaya nuwan egatuk nuweauwai. Tuja nigka shigki apunbaunum shigki etsakamu ekenka nagkimtain shiig yacha aajakui.

(Génesis) 21:22

Nunú tsawan aajakua duwi Abimelec niina suntaji aidaun apuji Ficol aajakua nujai uyunis Abrahamjai chichastatus weuwai. Nunik jegawag Abimelec Abrahaman chichajak: “Ame ashí takam nunak Apajuí yaimpa duka dekaji.

(Génesis) 26:24

Tuja nunú kashia duik Tuke Pujuu Isaakan wantintuk chichajak: “¡Witjai amina apa Abrahama Apajuíjinuk, makichkish ishamkagtukaipa, wi aminak kuitamjame! Abraham mina chichamjun umigtukua duwi aminash aikasnuk pegkegnum yumigsan, amina uchigmin uchiji wegantu agtinashkam ikauntuktatjame”, tiuwai.

(Génesis) 26:28

Tusa tama dita aínak: “Iik dekaji Apajuí amina kuitamjama duka, nuadui anentaimsa dekas iish amijai mai ikdaisa chicham umigdaikatna nunú chichasmi tusa minaji. Tuja ii tabauk jujuwai:

(Génesis) 28:15

Untsu wi amijaig pujajai. Nuniau asan tuwig wekaetam nuniakminish wi kuitamkattagme, dutikakun awagkin juju nugka juwi itattajame. ¡Makichkish wi amina anagkuajam nunak umitskek idaisashtatjai!” tiuwai.

(Génesis) 39:23

Aents achika chimpitain apujig Josén ashí idaitusu asa, nigka nunak puyatjujakchauwai. Wagki Josénak Tuke Pujuu kuitamajakui. Nuadui niina takatjig shiig pegkeg aajakui.

(Génesis) 39:3

Nuadui niina apujishkam anentaimas, Tuke Pujuuwap junak dekas yayawa dutikamu asampap takat susamash shiig umika emawa tiuwai.

(Salmos) 1:3

Nuadui nunú aentsuk makichik numi yuminum ijusa ajaamu, pegkeg, senchi nejen, dukesh kaketsama imanai. ¡Iman asa ashí nii takamuji aidauk shiig pegkeg ainawai!

(Salmos) 46:11

¡Tuke Pujuu ashí senchigtina duka jutijai pujawai! ¡Jacopa Apajuíjiya nunuwai iina kuitamjamnuk!

(Salmos) 46:7

¡Tuke Pujuu ashí senchigtina duka jutijai pujawai! ¡Jacopan Apajuíjiya nunuwai iina kuitamjamin!

(Salmos) 91:15

Tuja yainkati tusa mina segatkuishkam, aiktinaitjai, dutikakun ¡niijaig pujutnaitjai! ¡Tuja waitiakuishkam agkanmitkatnaitjai! ¡Dutikakun eme anentsa diitai awajsatnaitjai!

(Isaías) 41:10

Ishamkagtukaigpa, wi atumjaig pujajai. Ishamkagtukaigpa, witjai atumi Apajuíjinuk. Wi atumnak senchimtikajime, wi atumnak yayajime, mina uweg senchigtin depetmauwa duwi ayamjukan kuitamjime.

(Isaías) 43:2

Yumi piyajunum nagkaemakminish, wi kuitamkattagme, tuja namak aidau katitkuminish, jakejai tusan kuitamkattagme; tuja jii kegamunum nagkaemakmesh esashtinaitme, jii kegak nimpaush dekapjashtinaitme.

(Jeremías) 15:20

Juju aents aina nuna emtinig wi aminak yaakat broncejai peejamua iman awajsattajame. Amina shiwaajum aidau jetepainakush depetamkachagtatui, wi aminak ayamjukan uwemtijattagme. Witjai Tuke Pujuunuk, nunak dekas dutikatin asan tajai.

(Evangelio según San Mateo) 1:23

“Ejapjuktinai makichik muntsujut aentsú takashtai, nunik uchigmaktinai aishmagkun, nunikmatai Emanuel adaikagtinai”, nunak: “Apajuik jutiijai awai” taku tawai.

(Los Hechos de los Apóstoles) 8:31

Tama ni ayaak: —¿Wajuk antuktajaki, nuna taku tawai tusa ujachbaunush? tau. Nuna tusa Felipen: —Wakata tiuwai niijai ekeemsatatus.

(Primera carta de San Pablo a Timoteo) 6:1

Ashí achikbau inam batsataidauk, niina apujin ashí eme anentus diimain ainawai, Apajuí daajin nuigtú jutii jintinkagtamua nuna pegkegchau chichagkainum tabaunum.

(Josué) 1:5

Aminak makichkish depetamkashtin ainawai. Moisésan kuitamajakuitag dutiksanuk wi aminak kajimatki idaitsuk tuke kuitamkattagme.

(Josué) 1:9

“¡Aishmag wajasta! Wi aminak inajan awemagme. ¡Ishamkagtukaipa, awakesh anentaimjaipa, wagki witjai Tuke Pujuu amina Apajuígminuk! Tuja ame tuwi wekaetatme nuwi wika amejai pujuttajai”, tiuwai.

(Josué) 6:27

Josuénak Apajuí yaigkui, nuadui ashí aents tikich nugkanum batsamin aidaush niina wajiujinak shiig dekajujaku ainawai.

(1 Samuel) 16:18

Tusa tutai niina inake aina nuwiya makichik Saúlan chichajak: “Jesé Belégnumiaya nuna uchiji aina nuwiya makichik arpan shiig awatun wi wainkamjai. Nuigtushkam duka wajiu maanitan yacha, chichamesh pegkeg, niimesh iwajamui. Tuja niinak nuigtushkam Tuke Pujuu yayawai”, tiuwai.

(1 Samuel) 18:14

Tuja Tuke Pujuu yayamu asa nii takamujia duka ashí pegkeg aajakui.

(1 Samuel) 18:28

Tujash Tuke Pujuu Davitan yayau asamtai, niina nawanji Micalchakam senchi aneau.

(1 Samuel) 3:19

Samuelak nuwig pujus tsakajui. Tuja Tuke Pujuu niinak yaigkui, nuadui Apajuí tibaun nii etsegkauwa duka imanisag ashí uminkauwai.