(Génesis) 34:7 - Awajún: Apajuí chichame pegkejam Porciones del Antiguo Testamento y el Nuevo Testamento

⁷ Nuniai Jacopa uchiji aidau tagkun kuitamak batsatu kaunkama, Siquem Jacopa nawanjin pegkegchau awajkae tabaun dekawajui. Nunik senchi kajekajui, wagki Israelan dushikiak Siquem makichkish nunimainchaun dutikau asamtai.

(Génesis) 34:7 Iomraidhean Croise

(Carta a los Hebreos) 13:4

Atum nuwenamua duka eme anentsajum diistajum, nuniakjum pegkegchau takagdaitsuk pujustajum; wagki tsanijimtanak yujajuidaun nuigtú nuwennaitak tsanijimtan yujajuidaunash Apajuí suwimkan susatnai.

(Génesis) 20:9

Nuna etsejuk Abrahaman untsuka itan chichajak: “¿Amesh wagka jutikagtame? ¿Wisha aminash wajinma pegkegchau awajkamu asamea mina jegajuish tudaush ibaush itagtuaume? Juka tikima jutikdaichatia”, tusa

(Primera carta de San Pedro) 2:9

Tujash atumek Apajuí niina aentsji atinun etegkauwa nu weantu ainagme, sacerdote rey takajin, Apajuí aentsji pegkejam, Apajuí sumaka jukimu. Jutiinak pegkegchau takainaku suwenum batsatjin tsaaptin dekas imana nuna amasui, Apajuí takasbauji shiig pegkeja nuna etsegkatnume tujamu asa.

(Carta de San Santiago) 3:10

Makichik wenua duik pegkeg chichagdayamu nuigtú pegkegchau chichagdayamush jiinui. Yatsug aidauh, duka nuninuk amaitsui.

(Carta de San Pablo a los Efesios) 5:3

Atumek Apajuí aentsji pegkejam asajum, ashí pegkegchau iyashnum takanitai aidau, mijamainchau wakegamu aina dushakam, nuigtú ashí pegkegchau aina nu pachisjumkesh chichá yujaigpajum,

(Primera carta de San Pablo a los Corintios) 10:8

Nunin asamtai tsanijinachagmi, ujumak dita wajukawajua nunikaik, nuní yujakmá makichik tsawantaik veintitrés mil aents jinawajui.

(Primera carta de San Pablo a los Corintios) 6:18

Tupanjatajum ashí pegkegchau iyashnum takanitai aina nu. Ashí tikich tudau aina duka iyashnak imatikag pegkegchauk ematsui, tujash nuwá tsanijima duka niina iyashinak tudau takajak nuniawai.

(Proverbios) 7:7

Nunika niimku wajai, uchi datsa imanik jintiag anentaimkachu aidau yujainamunum, nuwi makichik datsauch nuni nagkaemas shiig esegag anentaimkachun wainkabiajai.

(Salmos) 93:5

Chah, Tuke Pujuuwah, amina chichamjum umiktina duka yapajinchau tuke auwai. ¡Amina pegkegmagmea duka makichik jeganum yagkug nenaja iwajamuama imanik, amina jem pegkegma nuwi tuke awai!

(Génesis) 46:7

Tuja niina uchiji aidaush, nawanji aidaush, tijaji aishmag aidaush, nuigtu tijaji nuwa aidaushkam Jacob wetai ashí shiyakajui.

(Primera carta de San Pablo a Timoteo) 5:13

Nuigtushkam jegá nagkaematú yujainak dakí unuimainawai, imá dakinak unuimainatsui, chichaman yujajuinak, wainak pachiinak chichamainchaun chichá yujainawai.

(Carta de San Pablo a los Colosenses) 3:5

Ju nugkanmaya ashí atumiin ajutjamaina duka idaisatajum, tsanijinbau, pegkegchau aidau, katsunmainchau wakejut aidaush, pegkegchau wakejut, utugsag nu ajutia tusa senchi wakegat, nunin aina duka apajuimtai ainawai;

(Génesis) 34:6

Nunik pujai, Siquema apaji Hamor Jacobjai chichastatus weuwai.

(Génesis) 34:8

Tuja Hamor ditajai chichaak: “Mina uchig Siquem atumi umayin senchi wakejuke; nuniau asamtai segajime, wait aneasjum umaim sujimkaigpajum mina uchigjai aishinati.