(Génesis) 32:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Tusa akatja ishiakam chichama etsejin aidaushkam shimutuk Esaún ujaka ukuinak, waketug kaunawag, Jacopan chichajuinak: “Amina yatsum Esaúk ame akatmamjamum duka imatiksaik ujakmaji, dutika ujaka ajin, ayu igkugtajai tusa, cuatrocientos aentsun yajuak minitjamae”, tiajui.

(Génesis) 32:6 Iomraidhean Croise

(Génesis) 32:11

¡Wait aneasam agkanmitkajuata mina yatsug Esaú mantuawai! Wika ishamajai, mina jetetak ashí mina duwag aidaun, mina uchig aidaujaí amutkai tusan, tajame.

(Génesis) 32:7

Tusa ujakam Jacob senchi ishamkauwai, nunik kuashat anentaimu. Nuniak aents niijai yujaidaun jimajan akanak ijumjauwai, dutikak uwig aidaun, baka aidaun, camello aidaunashkam dutiksag akanag ijumjauwai.

(Génesis) 32:8

Nunak nii anentaimas: “Yaja aneas Esaú jetepataish, juju aents aidau akanka ijumjamua nunú maaniaimpap, tikich aina au tupikakiag uwemain ainawa”, tusa dutikauwai.

(Génesis) 33:1

Nunik wesa Jacob wainkauwai niina yachi Esaú cuatrocientos aentsun yajuak minittaman. Nunik wainak niina uchiji aidaun yajuak, niina nuwe Leayai, Raquelai, nuigtu jimag nuwa inak aajakua nuwi aatus yununjauwai.

(Génesis) 33:15

Tutai Esaú ayaak: “Ayu dekas tame, untsu wi aentsun saakag juna akankan amina yaimpaktinun ukugkitjame”, tiuwai. Tutai Jacob ayaak: “¡Atsa, wait aneasam tsagkugtugta! Yamaik imanikmek puyatjutkaipa”, tiuwai.

(Génesis) 33:8

Nuniagtai Esaú Jacopan iniak: “¿Wajuk anentaimsamea juju tagku aidaush emtikamesh ishiakmaume, dutikamunash wisha wai wainkawanush minaja?” tau. Tutai nii ayaak: “Juju aina juna juwak tsagkugtugti tusan ishitkamjame”, tiuwai.

(Génesis) 34:11

Tusa tutai, Siquemshakam Dina apajin, niina umayi aidaujai ijunun chichajak: “Minash wi sumamua nunú umigtuktajum, wisha atum wajig segattajum nunak imatiksanuk umigkatjime.

(Génesis) 47:25

Tama dita aimainak: “Amek dekas jutiik shiig wait anenkagtame, nuniau asam ii nujantai jamainush uwemtikagtame. ¡Nuadui jutii aidautik faraógkan inake amí tuinaji!” tiajui.

(Amós) 5:19

Nunú tsawantinig makichik aents león aintam tupika wekama, chayujai igkuniak wajuk anentaimainaita iman atatui. Nuniachkush jegá waya tanishnum atumkama, nuwi dapi tepau esaim anentaimaina iman atatui.

(Rut) 2:13

Tusa tama nii ayaak: “Apujuh, ame minak wait anenjujume. Ame tujutam nunú mina anentaignak ichichtujui. Wika amina tsakatkem aina nujaig makichkish betekchauwaitjai, nuniaig ame minak shiig anenjusam aujtusume”, tiuwai.

(Rut) 2:2

Makichik tsawantai Rut Noemín chichajak: “Wisha aja aina nuwi wetajai. Nunikan nuwi wekaesa takakun ajagtin juwaak nagkaejamu aidaun ukunum wekaetusan juukchainjash”, tiuwai. Tutai Noemí ayaak: “¡Ayu, wetá nawanta!” tiuwai.

(1 Samuel) 1:18

Tusa tima ayu tusa ukuak, niina jeen shiig aneas wakitkiuwai. Nunik jegaa yujumkan yuwauwai. Duwi nagkamsag wake besemag pujamujig atsugsauwai.